福建、顏寶玲，如何抉擇取捨？？？

EggBB

福建、顏寶玲同時取錄，我應選那一間較好呢？請各位家長給與意見和賜教。

KathyKwong

原帖由 YVONNE2607 於 09-3-30 12:44 發表


其實我都諗住大抽獎先，如真係派得不理想先再叩門福中OR羅氏，但到時唔知羅氏有沒有位，有沒有其他派位後再入到羅氏呢？BTW，將軍澳官立及景嶺我都喜歡，雖足中中，但它們的科目都有40%是用英文教的。 ...

羅氏就不知. 福中都會有機會.

大力大力

顏寶玲要 8/04 註冊 !!!!

Elona

請問福中和顏寶玲要幾時註冊 ?

YVONNE2607

原帖由 ballwong63 於 09-3-29 17:53 發表

多口講句..如果抽獎輸左會唔會比人怨架

其實我都諗住大抽獎先，如真係派得不理想先再叩門福中OR羅氏，但到時唔知羅氏有沒有位，有沒有其他派位後再入到羅氏呢？BTW，將軍澳官立及景嶺我都喜歡，雖足中中，但它們的科目都有40%是用英文教的。

ballwong63

原帖由 KathyKwong 於 09-3-29 17:21 發表


迦密,將軍澳官立都有機會, 還是你根本不喜歡這區的中學?

如要選直資, 我會選羅氏, 因我之前的鄰居在這校教英文, 他說這校不錯, 其次是福建.

這點我同意..有外生女在福建讀..有朋友兒子在羅氏讀

ballwong63

原帖由 KathyKwong 於 09-3-29 15:17 發表


既然這幾間直資都同時收了又是band 1成績, 當然是等抽獎啦, 你的女兒是哪區?

多口講句..如果抽獎輸左會唔會比人怨架

KathyKwong

原帖由 YVONNE2607 於 09-3-29 16:12 發表


My daughter is in Tseung Kwan O

迦密,將軍澳官立都有機會, 還是你根本不喜歡這區的中學?

如要選直資, 我會選羅氏, 因我之前的鄰居在這校教英文, 他說這校不錯, 其次是福建.

YVONNE2607

原帖由 KathyKwong 於 09-3-29 15:17 發表


既然這幾間直資都同時收了又是band 1成績, 當然是等抽獎啦, 你的女兒是哪區?

My daughter is in Tseung Kwan O

KathyKwong

原帖由 YVONNE2607 於 09-3-27 12:25 發表
我都收到保良局羅氏基金取錄信，都唔知註唔註冊好？同時福建又入到英文班，兩間邊間好啲呢？女兒是BAND 1 中，是否應等大抽獎好呢？真是非常頭痛。 ...

既然這幾間直資都同時收了又是band 1成績, 當然是等抽獎啦, 你的女兒是哪區?

YVONNE2607

我都收到保良局羅氏基金取錄信，都唔知註唔註冊好？同時福建又入到英文班，兩間邊間好啲呢？女兒是BAND 1 中，是否應等大抽獎好呢？真是非常頭痛。

ceomum

我小朋友小學成績係全級中間，而我知道佢去讀英中係完全可以應付倒，你話我仲感唔感等派位!跟本呢個派位機制係相當有問題又唔公平，最終害苦了咪又係我地班家長和學生。

我係過來人好明白你地個種15/16的心情，做父母當然想選最好的給孩子，我地亦有過決擇的時候，最終我先生話比孩子自己做決定，因為返學上課係佢唔係我地，往後6年佢都要係呢個社生活，係學校的時間仲多過係屋企。

亦可能小朋友喜歡NPL，好快就適應中學生活，而且在課外活動中亦認識了很多唔同班和高年級的同學。小朋有亦變得有奮鬥心。

另 Eggbb pls check pm

[ 本帖最後由 ceomum 於 09-3-27 11:42 編輯 ]

碧加

原帖由 EggBB 於 09-3-27 10:01 發表
ceomum ：

我兒子看了你這篇的意見，他很開心，就算學校真的是谷成績，他都無有怕，非常的感謝你。....

個別case分享(純屬參考)：
有朋友囝囝在NPL F.3級別，小學為油天，理應水平不弱，雖然band2成績但個性活潑，為圓母親心願也答應會盡力，初入讀時適應得很辛苦，性格深沉了，壓力下開始埋怨朋友的選擇，母子關係變得疏離。現在，適應了學校但關係無改善，得不償失。
福中已考分班試並公布成績，順帶一問你囝囝是中文班或英文班？

EggBB

ceomum ：

我非常之開心和多謝妳的意見，其實我們做家長的，都希望能選到一間適合自已的子女就讀中學。我和我丈夫並不是一定要偏向英中和Bank 1，小兒的成績也只限於Bank 1尾Bank 2頭，中文仲差過英文，面試時中文的表達能力較英文差，說英語時較有信心，他很怕中文，所以他喜歡顏寶玲多過福中，因他怕在福中會被編入中文班，而我們都覺得福中收人的準則很難猜。

我兒子看了你這篇的意見，他很開心，就算學校真的是谷成績，他都無有怕，非常的感謝你。

可否容許我請問你的兒子小學時就 讀於那一間學校？我的兒子叫我代他問 ，他想知道是不是和他是校友？

Rosina1961

ceomum,
which form are your son in NPL?

ceomum

我小朋友現就讀NPL，老實講我又唔覺得谷得好害、以往在小學成績都係係中上、去到NPL可以係叫名列前矛，見佢都唔係讀到死死下個種、而且成個入變晒，個人變得活、積極和自主，喜歡返學校到不得了，病都話要返學，現在考試都唔使我同佢溫，聽佢講D老師都好好。

其實選學校並唔係話睇佢係咪Band  1或英中、最重要要睇返已個小朋友英文程度得唔得上。如小朋上堂跟唔倒，到時你又辛苦佢又跟唔上，型成無心向學到時仲慘!!!!!

我選NPL
1.係因為開放日小朋友參觀完話好喜歡NPL
2.問過以住小學學長NPL好唔好讀得開唔開心
3.曾讀PLK的學生家長講PLK辦學有一定準
4.最重要係我知道係我小朋用英文上課無問題

我倆見到小朋友在個人和學習上的變都覺得無選錯學校更從無後悔過唔參加統一派位。

以上只是個入意見，謝謝!!

漢堡飽

原帖由 ivy媽 於 09-3-26 12:18 發表


其實有幾多band1學生只不過係校方聲稱, 冇實質數據...
老實講考得直資學校既多數都係邊沿學生(band1尾/band2頭)or band2生,真正係band1生既唔係咁多. 其實2間程度差唔多,都係band2為主
我朋友囝囝今年係NPLl讀F.2, ...

非常同意

swlee

原帖由 ivy媽 於 09-3-26 12:43 發表


最慘係讀直資學校大部份係band2學生(亦有band1尾-band2頭), 佢地未必適應到全英語教學, 但家長揀學校往往只著重於2樣野: 係咪英語教學?係咪band1中學??好少會了解自己子女既程度係咪適合呢間中學, 我身邊都有唔少 ...

這就是現實.
唉! 有幾多人會面對現實呀!
兩頭唔到岸時,
家長辛苦,小朋友更辛苦,
就慘係連學習興趣都失去.

ivy媽

原帖由 swlee 於 09-3-26 12:33 發表


其實教署同學校真係有實質數據.
但你係Band 3 and Band 2 學校,你會公佈嗎?

我意思冇實質數據係比家長既資料, 佢地當然有啦
老實講直資中學或多或少都係因為中中/英中政策而洐生既中學, 依家教育政策又改, 直資學校收生會更困難, 而家長又以成績行先, 谷學生成績似乎係唯一可以生存之道

ivy媽

原帖由 swlee 於 09-3-26 12:29 發表
谷成績,就棟係讀得幾辛苦.
唔谷成績,就棟係讀得舒服.
魚與熊掌.
不過大家都係為將來成績揀學校.

最慘係讀直資學校大部份係band2學生(亦有band1尾-band2頭), 佢地未必適應到全英語教學, 但家長揀學校往往只著重於2樣野: 係咪英語教學?係咪band1中學??好少會了解自己子女既程度係咪適合呢間中學, 我身邊都有唔少例子係家長揀錯學校而影響子女學業既.
有時候假如子女成績未達標而盲目去追捧band1學校, 倒不如為佢搵一間岩程度既band2學校,結果會更好...