學生留校耐啲係好事嗎？ - 初中教育 - 教育王國

關於集團

廣告查詢

工作機會

登錄 | 註冊

討論區

教育王國: 教育講場; 使用意見

幼兒教育: 幼校討論; 幼教雜談

小學教育: 小一選校; 小學雜談

中學教育: 升中派位; 中學交流; 初中教育

專上教育: 備戰大學; 選科選校

國際教育: 國際學校; 海外留學

知識增值: 課外活動; 教材閱讀; 公開考試; 深造進修

特殊教育: 特殊教育; 資優教育; 自閉寶寶; 智能評估

徵求專區: 二手市場; 誠徵老師; 組班專區; 徵保母車

聯絡管理員

教育王國 › 討論區 › 初中教育 › 學生留校耐啲係好事嗎？

發新帖

查看: 2932\|回覆: 14	go 學生留校耐啲係好事嗎？ [複製鏈接]

Rank: 5 Rank: 5


	1156

1^#

發表於 13-11-21 12:13 |只看該作者 |倒序瀏覽 |打印

個仔升上中學之後，日日到天黑先離校，學校一星期五日放學後安排功課輔導班，一日放學後補英文，一日課外活動，返到屋企都仲要做功課，星期六要返學校補課，好似學校是我家，同佢相處時間越來越少。
老師曾在入學簡介會講到學生好願意留校留到天黑，有個別學生屋企唔方便讀書，甚至留到夜晚10點！我自己作為家長真係接受唔到，學校開咁夜，都要有校工或老師在場，老師唔駛休息？我以為個仔升上中學，逃離小學日日谷功課溫書嘅日子，原來上到中學只係轉咗形式，我覺得香港教育好有問題，定係我太怪獸？

點評

katf123 但你幫阿囝選校時不是已經考慮呢點才選嗎?

發表於 13-11-21 13:30

Rank: 8 Rank: 8


	15364

2^#

發表於 13-11-21 12:27 |只看該作者

本帖最後由黃巴士於 13-11-21 12:27 編輯

則一星期六天要留校??
功課輔導班- 是否當天已在學校完成功課/溫了書??

Rank: 13


	88957

3^#

發表於 13-11-21 12:30 |只看該作者

我女學校6pm關閘，所以唔會太遲番歸。揀中學是要清楚學校的理念同style，間間唔同，有d嚴，有d功課多或測考多，有d鬆&功課少，有d好多課外活動，有d就無野玩。。。。所以升中揀校，除升大成績，校風外，都仲有呢d野要諗埋。

點評

黃巴士 AGREED!! 發表於 13-11-21 17:22

Rank: 4


	614

4^#

發表於 13-11-21 14:33 |只看該作者

我感覺這位家長是一個“快樂學習”的擁護者吧。我原本都是這種想法，認為小孩子輕鬆學習就可以，只要跟著學校的進度就錯不了。不過，後來發現形勢不對，就出手催谷了。

教育制度本身沒有問題，問題是學生考入大學是一場學生之間的博弈。根據博弈理論（game theory），每個人爲了在博弈中取勝，都會加強準備或偷步提早準備，結果令競爭變得更加激烈。現在學校這一系列的安排，也只是提供一個最低限度的支援給學生和家長吧。對於有需要的家庭，這些支援是十分好的。當然，如果孩子能主動完成功課，而家里也有相應的支持，你也可以選擇不參加的。由於種種的原因，我的女兒也沒有參加。

Rank: 8 Rank: 8


	17282

5^#

發表於 13-11-21 17:20 |只看該作者

本帖最後由憫父於 13-11-21 17:26 編輯

mama5k 發表於 13-11-21 12:13
個仔升上中學之後，日日到天黑先離校，學校一星期五日放學後安排功課輔導班，一日放學後補英文，一日課外活 ...

1. 香港每 100 位中一生，只有 18 位可以讀資助大學。

2. 如果仔女係 band 1 生 (即是 100 人中，小五、六成績最好既頭 33 人)，仍有接近一半人在 6 年後不能升讀資助大學。

3. 如果仔女係 band 2 生，能從初中開始重新打好基礎，將來才有較大的機會與 band 1 學生比併，入讀資助大學。

4. 如果仔女係 band 3 生，亦希望 6 年後入讀資助大學的話，就更要及早從中一開始重新打好基礎。

作為老師，願意放學留到天黑為別人的子女補習，為別人的子女打好學業基礎，其實是很難得的；若按你所說的內容，學校能在入學簡介會說出這番話，似乎這類老師在這所中學好像不是少數的，相信這類學校在香港的數目不會很多。

可否 pm 我說出是哪一區，哪一所學校嗎？謝謝你！

點評

ppchan168 我查了一些學校的升本地大學的數據，B1大概是50%，B2大概是25%，B3就頂龍10個人。唔通真系三歲定八十！看來大學聯招可以在小六開始。發表於 13-11-26 21:56

sai1031 同意! 發表於 13-11-21 23:20

Yanamami 我估唔知喺咪何文天迦密？發表於 13-11-21 17:33

Rank: 13


	88957

6^#

發表於 13-11-21 17:38 |只看該作者

回覆憫父的帖子

http://www.carmelss.edu.hk/html/index.php?id=7&L=1

Pls read under "Academic Support and Measures".

點評

憫父從樓主資料顯示，九龍城區新的中學，會留得這麼晏的，應該是基道中學。發表於 13-11-29 13:45

Rank: 5 Rank: 5


	1156

7^#

發表於 13-11-22 15:25 |只看該作者

katf123 但你幫阿囝選校時不是已經考慮呢點才選嗎?

[color=rgb(153, 153, 153) !important]發表於昨天 13:30[color=rgb(153, 153, 153) !important]

[color=rgb(153, 153, 153) !important]

如果自己個仔係band1仔就話多選擇，band2仔仲要冇抽獎運，唔係好進取都入唔到頭3個志願，扣門食白果，又唔想個仔跨區返學，起碼留番多啲時間休息。

Rank: 5 Rank: 5


	1156

8^#

發表於 13-11-22 15:28 |只看該作者

黃巴士發表於 13-11-21 12:27
則一星期六天要留校??
功課輔導班- 是否當天已在學校完成功課/溫了書??

暫時星期六只係返去個幾鐘補課，我接受到，不過覺得老師真係太辛苦喇。
功課輔導班- 是否當天已在學校完成功課/溫了書?? <<我都想，可能對我仔成效不大

Rank: 5 Rank: 5


	1156

9^#

發表於 13-11-22 15:46 |只看該作者

ppchan168 發表於 13-11-21 14:33
我感覺這位家長是一個“快樂學習”的擁護者吧。我原本都是這種想法，認為小孩子輕鬆學習就可以，只要跟著學 ...

我唔係一個完全“快樂學習”的擁護者，畀啲壓力係需要，個仔都開始大，操控咗12年，唔想太直昇機仲要完全監控佢生活每個細節到佢18歲(如有幸個仔讀到大學，就睇到21、22歲)。

作為父母，知道自己孩子性格、優點、缺點，老師要一個睇廿幾三十個督促得幾多？如果家長配合到，我唔想留個仔在校咁夜。

我畀個仔參加功課輔導班，因為我仔專注力低，我每日督佢做功課督咗咁多年，想放手睇吓學校群體功輔治唔治到佢，不過睇黎好一般，個仔放學天都黑哂，近來仲同同學離校後遲遲唔返屋企，我要好好同個仔傾吓個問題。

點評

ppchan168 我個女反映，不少同學在學校抄功課，問題嚴重。第一次統測，這些學生的成績都一塌糊塗。如果情況不變，這些學生已經可以宣判玩完。發表於 13-11-26 22:00

Rank: 5 Rank: 5


	1156

10^#

發表於 13-11-22 16:06 |只看該作者

憫父發表於 13-11-21 17:20
1. 香港每 100 位中一生，只有 18 位可以讀資助大學。

2. 如果仔女係 band 1 生 (即是 100 人中，小五、 ...

我仔係band2。
我出自書香世代(亞爺、父母及身邊好多親戚都係校長、老師)，自小就體會做老師嘅辛酸，所以我自己好尊敬老師，亦教個仔要咁做。

老師願意放學留到天黑為別人的子女補習，為別人的子女打好學業基礎，其實是很難得的<<認同，係非常難得，我好感謝老師！但如果代入老師角度，我會覺得太辛苦喇！早上7點幾返到工 (如果住得遠仲要早啲出門)，如最早都要夜晚6、7點先開始走得，即一日工作至少12小時 (空堂備課、改簿)，我自己返工都未有OT咁多個鐘(我唔係教師)。

可否 pm 我說出是哪一區，哪一所學校嗎？謝謝你！<<我仔個間係九龍城區較新嘅基督教津中。

P.S.我唔係對學校不滿，只係想同初中生家長交流意見，個仔大喇，踏入青春期，父母對佢影響開始不及身邊朋友，喺屋企時間越少，即係同佢接觸同溝通機會越少，有邊個唔想望子成龍，但現時是龍是蟲都未知，但個仔已經離自己越走越遠，上黎呻吓

點評

ppchan168 一般遺傳規律，女似老豆，仔似阿媽。既然阿媽基因純正，甘就出力催谷一下個仔啦。發表於 13-11-26 22:05

Rank: 8 Rank: 8


	15364

11^#

發表於 13-11-22 17:20 |只看該作者

本帖最後由黃巴士於 13-11-22 17:25 編輯

mama5k 發表於 13-11-22 15:28
暫時星期六只係返去個幾鐘補課，我接受到，不過覺得老師真係太辛苦喇。
功課輔導班- 是否當天已在學校完成 ...

明白!! 可能同一套方法, 未必啱所有小朋友.
而功課輔導班未能完成功課, 似乎對你囝"暫時"沒大效益. 如在你角度睇, 是否他在家完成功課及溫書, 狀態會好些呢??

同意!! 有時就算有些BAND1中學, 同學品行都會唔同, 家長如果可以"抓:返住/控制到小朋友, 當然是由家長操刀更貼身.
有時見, 有些同學在校不是溫書, 而是在玩吓/傾吓計/聯誼吓, 又做吓些功課. 有時都好心散的.

Rank: 8 Rank: 8


	17282

12^#

發表於 13-11-23 21:41 |只看該作者

本帖最後由憫父於 13-11-24 23:07 編輯

mama5k 發表於 13-11-22 16:06
可否 pm 我說出是哪一區，哪一所學校嗎？謝謝你！<<我仔個間係九龍城區較新嘅基督教津中。

九龍城區較新既基督教津中，我估我知道係邊一間。

果間對所有學生都要求好高，好多學生六點後至離開學校，星期六要返學，暑假 8 月中就完，要返學上中、英、數班及領袖訓練。

囝囝要返六日學又夜走，好想知道你囝囝讀得開心嗎？鍾唔鍾意間學校？當初知唔知間學校咁緊張學業？點解會揀？

Rank: 5 Rank: 5


	3156

13^#

發表於 13-11-24 12:17 |只看該作者

回覆：mama5k 的帖子

學校肯幫小朋友係好事，妳囝都係幸運的小朋友，只要佢唔怕辛苦繼續努力一定有回報。我覺得只要留校幫到佢，都可以接受，起碼不用擔心他放學後唔知結識D咩人，返屋企又未必專心做功課，呢d都係我擔心的事，觀察一下佢的發展如何，再同老師溝通下可能好D呢

Rank: 5 Rank: 5


	1095

14^#

發表於 13-11-25 14:03 |只看該作者

回覆：學生留校耐啲係好事嗎？

老師太辛苦黎講其實係冇選擇的
有d 學校政策係咁唔跟就冇約續

因為呢類學校升band 快
所以不少新校跟從

mc

Rank: 5 Rank: 5


	1056

15^#

發表於 13-11-27 15:48 |只看該作者

回覆 mama5k 的帖子

由小學升到中學，小朋友的變化真是很大。學校同學的影響力遠遠比父母更大。據我所知，功課輔導班是給同學留下來做功課，其實是真要有自動自覺的能力，有不明白的地方可以即時問當值老師，但因為一天班同學一起，容易變成聊天，基本上當值老師都有自己的東西要做，加上不是上堂，所以也真沒有太多管理同學是否在傾計或做功課。

中學基本上是把孩子當成大人般看待，要求他們自動自覺，很多時都要求他們自己做功課，自己記住要做甚麼東西，有些功課是不會即時交的，但往往中一生是外表雖然增高了，但內在仍是小孩子心性，試問又有哪個孩子喜歡讀書？加上中學的課程一來就增加不少，由小學的中、英、數、常，變成了有中史、西史、地理，通識和科學，這些恰恰就是全新的科目，孩子是真需要父母從旁幫一把，要不著痕跡地幫，要變成他們的朋友。最重要是令到他們可以適應郅中學的生活！

你可能都要和個仔談談，把他的生活規律理出，起碼在為他著想情況下，希望他何時一定要回家，免卻父母的擔心。應該給機會他嘗試自己在家完成功課，這樣他才會靜下心來做，在學校有同學仔和他傾計，他又怎可能專心地做功課呢？

‹ 上一主題|下一主題 ›

發新帖

熱門主題

最高瀏覽主題