校車姨姨 - 小學雜談 - 教育王國

登錄 | 註冊

討論區

教育王國: 教育講場; 使用意見

幼兒教育: 幼校討論; 幼教雜談

小學教育: 小一選校; 小學雜談

中學教育: 升中派位; 中學交流; 初中教育

專上教育: 備戰大學; 選科選校

國際教育: 國際學校; 海外留學

知識增值: 課外活動; 教材閱讀; 公開考試; 深造進修

特殊教育: 特殊教育; 資優教育; 自閉寶寶; 智能評估

徵求專區: 二手市場; 誠徵老師; 組班專區; 徵保母車

聯絡管理員

教育王國 › 討論區 › 小學雜談 › 校車姨姨

發新帖

查看: 4028\|回覆: 56	go 校車姨姨 [複製鏈接]

Rank: 3 Rank: 3


	401

1^#

發表於 15-6-4 09:45 |只看該作者 |倒序瀏覽 |打印

我仔星期五去學校旅行，去完由我接左放學之後就無任何撞傷!
星期六朝早一起身，隻右眼腫左，到左夜晚腫到遮住半隻眼。。。

星期一搭校車問姨姨，姨姨話無呢件事發生。。。

咁就打去學校問班主任，班主任話星期五去旅行，無小朋友講話我仔整親，而我小朋友都無講!

到11點幾，校車姨姨先話有呢件事發生。。

件事係我仔講左比我聽，話司機叔叔煞車，響按，講粗口!

我知係意外，我唔介意司機講粗口，我介意係校車姨姨當時無問全車小朋友有無事，。。。仲賴我仔坐得唔好所以先會撞到!

仲話佢個人認為當時衝力唔大，所以無問全車小朋友有無事。。。

我仔，我唔敢講話好乖，都係百厭，又試過比校車姨姨炆耳仔，炆頭髮，因為咁，驚左坐校車。。。

試過上校車都衝返落車攬住我喊，話唔想坐校車。。。
幼稚園都一直坐校車都無事。。。

同學校副校講，佢話你接送仔仔，仔仔會開心，你應該為左仔仔開心，你繼續自己接送。。。

又話校車係外判，學校理唔到咁多，又話好難招標校車公司。。
我由頭到尾話係校車姨姨有問題，唔係間校車公司有問題!

但副校講到要我砍腳指避沙蟲。。。但一直無人去跟進呢件事。。。

大家可唔可以比啲意見我，我可以點做?

Rank: 5 Rank: 5


	2090

2^#

發表於 15-6-4 12:30 |只看該作者

站在學校行政上, 招標已好困難, 所以唔想搞咁多, 恐無人做重慘, 站在校巴公司立場上, 揾媬姆EE又係好困難既事, 所以有人肯做已好開心, 否則有車無人跟又係唔使做, 站在家長立場上, 小朋友整親固然重要, 當無人理會事, 唯有選擇唔坐, 自行坐公巴, 否則, 都係要接受現實既安排

Rank: 11


	48932

3^#

發表於 15-6-4 12:43 |只看該作者

急煞車，如果無其他小朋友整亲親，可能真係甘橋你仔撞到甘傷，以後提佢要扣安全帶。

Rank: 12


	64163

4^#

發表於 15-6-4 12:46 |只看該作者

tobbie 發表於 15-6-4 09:45
我仔星期五去學校旅行，去完由我接左放學之後就無任何撞傷!
星期六朝早一起身，隻右眼腫左，到左夜晚腫到遮 ...

咁其實你覺得學校可以點做呢? 依家校車好難做, 因為賺唔多, 所以搵到校車位已經好好彩了。成架校車咁多人, 你都知自己仔百厭, 佢整到其他小朋友, 校車EE有管咪好攞, 好過無王管, 整到其他同學仔就仲麻煩啦。好似我女女坐校車成日俾隔離校班死仔恰, 用水樽bok佢, 又打佢心口, 校車EE都只係用把口叫停佢哋, 班死仔又點會聽呢, 我哋又可以點呢? 咁你只有叫仔仔守規矩, 仲有坐校車記得用seat belt (如果有的話), 因為路面交通好難講, 坐定定用seat belt都係保障自己同埋同車其他小朋友既安全。

Rank: 11


	48932

5^#

發表於 15-6-4 12:48 |只看該作者

扯小朋友頭髮和耳朵，係吾應該。但學校管吾到，校巴公司亦吾會多理。你可以自己接送就吾坐，要繼續坐，就好聲好氣和bus mom搞好關係。 Bus mom多数都係人地亞媽，你好我好，吾難搞的。

Rank: 12


	64163

6^#

發表於 15-6-4 12:55 |只看該作者

Jane1983 發表於 15-6-4 12:48
扯小朋友頭髮和耳朵，係吾應該。但學校管吾到，校巴公司亦吾會多理。你可以自己接送就吾坐，要繼續坐，就好 ...

我哋EE係司機老婆, 司機係老闆, 咁唔通你叫司機大人炒咗自己老婆咩??? 我都覺得校車EE只係好聲好氣叫班死仔唔好整我個女好唔應該, 所以, 每個人都有自己立場, 包括校車EE同司機。

Rank: 5 Rank: 5


	4075

7^#

發表於 15-6-4 13:31 |只看該作者

回覆：校車姨姨

用手郁小朋友我就接受唔到了。你校除了校車之外，有媬姆車嗎? 如果没有而你又是 ftm, 可以自己接送嗎?

Rank: 6 Rank: 6


	9916

8^#

發表於 15-6-4 13:46 |只看該作者

我都唔明點解政府唔發多些校巴牌, 現在校巴服務差又收費貴,

Rank: 7 Rank: 7 Rank: 7


	11133

9^#

發表於 15-6-4 13:57 |只看該作者

本帖最後由 Anniemun 於 15-6-4 13:58 編輯

little_yolky 發表於 15-6-4 12:46
咁其實你覺得學校可以點做呢? 依家校車好難做, 因為賺唔多, 所以搵到校車位已經好好彩了。成架校車咁多人, ...

大家都係人地家長，不用開口埋口講人地小朋友(死仔)吧?

Rank: 8 Rank: 8


	17351

10^#

發表於 15-6-4 14:16 |只看該作者

回覆：tobbie 的帖子

其實這是一宗交通意外有人受傷事件，根據香港法例，司機必須即場報警，所以司機已經違法。你可以向校車公司或學校反映事件，甚至報警

Rank: 12


	64163

11^#

發表於 15-6-4 17:06 |只看該作者

Anniemun 發表於 15-6-4 13:57
大家都係人地家長，不用開口埋口講人地小朋友(死仔)吧?

果班國際學校的唔叫佢死仔真係諗唔到第二個代名詞, 我阿女第一日同佢哋打招呼叫早晨, 佢哋就懶叻用英文同我阿女講：你要同我哋講英文, 其實佢哋係中國人, 識講中文。之後又坐我阿女後面用水樽bok我阿女個頭, 又用腳click佢, 又用拳頭打我阿女心口, 咁唔通我仲叫佢哋呢位公子嗎?

Rank: 12


	64163

12^#

發表於 15-6-4 17:09 |只看該作者

karen55407 發表於 15-6-4 14:16
其實這是一宗交通意外有人受傷事件，根據香港法例，司機必須即場報警，所以司機已經違法。你可以向校車公司 ...

因為小朋友沒有即場表示受傷, 你都見到樓主話第二朝起身先開始眼腫, 所以, 都係果句, 叫小朋友記得扣好安全帶(如果有)。

Rank: 8 Rank: 8


	17351

13^#

發表於 15-6-4 17:56 |只看該作者

本帖最後由 karen55407 於 15-6-4 18:51 編輯

回覆 little_yolky 的帖子

作為司機，除了要留心路面安全外，還要顧及乘客安全，更何況是校車司機呢？學童乘客配帶安全帶與否，司機有責任。肇事後，司機有責任了解乘客有否受傷，有人受傷就要當場報警，這次事件明顯是司機疏忽，哪怕是小朋友有心隱瞞，當事後知道了也應該報警。我小朋友校車也試過類似情況，受傷的是一名低年級學生，雖然只輕傷，但我也向校車公司嚴正指出其司機的不專業行為。

交通意外，看似輕微碰撞，其實可大可小，如果事後才發現有生命危險，就是因為處理失妥，責任誰屬？

Rank: 11


	48932

14^#

發表於 15-6-4 18:29 |只看該作者

樓主話吾係不滿校車司機，係不滿姨姨。報警解決吾到呢個問題。

如果警方搵校車公司、司機、姨姨和學校查問，各方反應如何可想而知，樓主和小朋友是否有心理準備？如果樓主覺得小朋友因校巴意外受傷，要追究到底，係一件事。但為啖氣，就要三思了。始終有小朋友夾係中間...

Rank: 12


	64163

15^#

發表於 15-6-4 18:37 |只看該作者

karen55407 發表於 15-6-4 17:56
回覆 little_yolky 的帖子

作為司機，除了要留心路面安全外，還要顧及乘客安全，更何況是校車司機呢？學童 ...

如果你要講法例, 法例並無要求校車乘客必須要配載安全帶, 而且部份學校的校車路線因為學童太多, 法例亦容許三名小童作為兩名乘客, 即係三名小童坐兩個位, 如此就更不能配載安全帶了。三人坐兩座位情況作為家長當然不願意, 但是除非FTM好得閑可以日日管接管送, 否則小朋友大部份都需要坐校車, 搵到校車位都偷笑, 仲要揀三揀四? 請問你小朋友該次意外你事後有否馬上報警呢? 當時你應該報警吧, 因為大家都唔係醫生, 如何得知小朋友是否有後遺症呢? 是吧, 你有報警嗎?

Rank: 8 Rank: 8


	17351

16^#

發表於 15-6-4 18:49 |只看該作者

回覆 little_yolky 的帖子

那個只是同站上車的低年班同學。法例係容許矮過指示高度的小朋友可以三個當兩個乘容看待，的確沒有違反超載，可是法例亦定明一個乘客要配帶一條安全帶，所以係違反無配帶安全帶規例。另外乘客歲數不足某個歲數，配帶安全帶係司機責任。

Rank: 8 Rank: 8


	17351

17^#

發表於 15-6-4 20:03 |只看該作者

回覆：Anniemun 的帖子

呢啲叫針唔針到肉唔知痛，如果係好似樓主個仔咁，撞到隻眼豬頭咁，何止咁鬧法

Rank: 7 Rank: 7 Rank: 7


	11133

18^#

發表於 15-6-4 21:00 |只看該作者

本帖最後由 Anniemun 於 15-6-5 00:03 編輯

karen55407 發表於 15-6-4 20:03
呢啲叫針唔針到肉唔知痛，如果係好似樓主個仔咁，撞到隻眼豬頭咁，何止咁鬧法

...

語言暴力都係一種暴力，你可贊同，但我不會認同。發生問題，應該去解決才對，負面情緒沒有幫助的。

Rank: 8 Rank: 8


	17351

19^#

發表於 15-6-4 21:19 |只看該作者

回覆 Anniemun 的帖子

同意！

Rank: 5 Rank: 5


	1546

20^#

發表於 15-6-4 21:37 |只看該作者

既然已去到副校，下一步可以做嘅不外乎校長，傳媒，教育局，法庭...

司機講得粗口，即代表係有其他車或行人有錯在先，如果司機唔係急煞車，可能已經撞咗車，後果可能更不陷設想。

如果小朋友第二日至開始有腫，咁好可能連個姨姨都唔可以即時察覺到小朋友撞到，再過兩三日連件事都唔太記得，唔係出奇。

我地細個時都跌跌撞撞，正所謂唔跌邊得大？我自己個仔都係自己面前跌過幾次，豬頭咁，流晒血，入埋院，心很痛，是否要一死以謝天下？

我覺得係唔係怪獸家長都好，都應該放開d去睇...

‹ 上一主題|下一主題 ›

發新帖

熱門主題

最高瀏覽主題

Copyright © 2002 - 2024 Baby-Kingdom.com Limited, All Rights Reserved.
有關我們
使用條款
免責聲明
私穩政策
廣告查詢