- 在線時間
- 125 小時
- 最後登錄
- 22-4-10
- 國民生產力
- 59
- 附加生產力
- 888
- 貢獻生產力
- 0
- 註冊時間
- 09-6-28
- 閱讀權限
- 10
- 帖子
- 1888
- 主題
- 132
- 精華
- 0
- 積分
- 2835
- UID
- 515968
|
原帖由 ThanksMami 於 11-10-29 00:16 發表
GloriaBB,
唔該哂你呀! 我真係獲益良多.
我在又一城買到絲襪了, 多謝你的資料呀!
你加石上條裙係用膠水定燙架?
話說我女一直都練得好唔順暢,加上撞晒學校考試,所以原本諗住唔去比賽.前日V話試吓幫阿女磨刀,磨完刀即刻溜得好暢順,話:而家行得容易左好多!之前又唔講,真係激死!不過佢話每次都溜一陣就感覺到塊刀好鬆,我之前問V,因對鞋係唔知幾多手,我上網用$500買,所以好殘(雖然外表好新淨),d羅絲洞都開過晒,好唔好買過對.同埋預一段時間適應新鞋硬.佢話唔好,每次搵支羅絲批拎下佢就得,唔好side$.其實同學費比,鞋係好平,2個月學費已經貴過對鞋.不過佢話唔好買,如果我買又好似好唔尊重佢,唯有希望阿女對腳快d大.
今日V對我黑面,真係嚇死.响教練的角度黎睇,我係一個麻煩的家長,成日問野.但我女講野唔清唔楚,成日唔記得野,又誤會人地意思,所以我真係好想問.話說上次上完堂,佢話唔知教練意思係第一個動作係面對住評判做,定係背脊對住評判做,同埋我問佢果6個指定動作教練話有咩要注意,佢話教練話跳高d,其他唔記得!今日上堂前我問V,V即刻黑面,話背住評判做係無問題,無可能個個動作都對住評判做.唉也,我意思唔係個program有問題,我只係想知邊個方向.佢話'係背住評判'後我諗左2秒,然後重覆一次'背住評判'4個字,只係因為我本能反應地個腦想像緊個方向.我估V誤會我意思覺得我唔信任佢,話佢教錯,所以咁嬲.但我又唔知點解釋,我即刻話:唔好意思,我唔識所以先至問下,照你的方法做,你決定就得嫁喇.
但係佢都仲係好嬲,落堂都無再同我講野,點算好?
Thanksmami,
我好on居,痴完d石先睇倒個說明話燙!
絲蔑而家升至咩價位?
Smiile,
你話心心唔識表達自己,其實我先至最唔識表達自己,成日引起誤會.請大家多多包容.
GloriaBB,
國內的教練鍾唔鍾意家長參予?以學琴為例,我知道國內的老師好鍾意家長陪上課抄筆記,所以我一直以為溜冰教練鍾意家長幫手提點學生.我撞過好多次板先知原來香港唔興.回想起,平時在溜冰場都遇到不少家長,大家閒聊時表示有疑問也不敢問教練,驚教練唔鍾意.有一個mummy話有個問題關於一個動作想問左一年都唔敢問,又唔敢同場轉教練,去其他場又遠
Chole媽,
你講得啱,全香港的溜冰場只有又一城d學生係咁勤力.原來在其他溜冰場真係有好多人包括d職員唔明咩叫加堂.話說我比賽前有時加堂.我交學費時,講極d職員姐姐都唔明點解我有時上星期五有時上星期六,有時一星期內上完星期四又上星期六,問我究竟學星期幾.所以每次交學費d姐姐都好苦惱.我估如果佢地知道又一城d人一日上2,3堂,一星期上晒5堂,一定嚇死.
有一次阿女上完堂同我講,上堂時另一個教練問V:你個學生咁勤力做咩?當時V都在場,我即場呆一呆,咁勤力做咩?我無諗過衣個問題,勤力就係勤力囉.我唯有答:勤力係應該.
學一樣野,勤力只係最基本,連勤力都做唔到,不如唔好學.我知今年我女的水準未夠,一定攞唔倒獎,但除非唔去,否則都要盡力.好似廣告話,便便只係基本!
如果時間同財力許可,緊係去練習,唔通留番d時間hea.我學果個場學費最貴,學左唔練非常浪費!我學果個場無用雪糕筒圍大圈,d大人細路推住隻企鵝大玩碰碰車,見倒有人係度轉緊圈都衝過去,以撞人為快樂之本.所以雖然人少,都好恐怖.可能有錢子弟比較自我中心,在其他場,唔洗人教,個個都會自動避人,知道別人或自己受傷都唔好.仲有,報比賽個個都係越級挑戰,你地黎睇下一定大開眼界
寫完,謝謝各位
[ 本帖最後由 do-re-me 於 11-10-30 03:54 編輯 ] |
|