另外, 提提大家, 當穿夏季校服而有體育堂個日, 小朋友要係學校換運動衫. 宜家好似可以俾我地穿定係校服入面, 但小朋友始終要自己除校服上體育堂, 落堂又要自己穿番校服, 所以你地最好俾個仔係屋企試多d自己換衫. 我個仔個班開頭幾堂體育堂基本上無點上過, 因為全班都換完衫時都夠鐘落堂了, 哈哈! 老師會俾佢地習慣下既, 不過可以既, 你地都俾個仔準備下先啦.
仲有, 由舊年開始, 所有小學生都一定要穿皮帶, 當小朋友去厠所時我覺得可以有以下方法(亦可能有以下問題).
1) 當橡根褲咁成條除, 抽番條褲上來後將件衫攝番入去. 但穿左皮帶後, 條褲腰位夠闊就咁除嗎? (或者條皮帶可以唔扣咁緊既) 攝衫呢個動作, 小朋友攬得掂嗎?
2) 唔想條皮帶扣得咁鬆, 咁即係好大機會要除左皮帶個扣先夠位成條褲除啦. 之後就好似上面(1)咁, 有攝衫呢問題姐. 但再之後要自己扣番條皮帶, 小朋友攬得掂嗎?
3) 唔除皮帶扣又唔除褲又唔攝衫, 咁就只好開拉鍊啦, 好似d男人咁呢. 但小朋友攬得掂嗎?
其實呢3個方法都ok, 只要你地喜歡及仔仔習慣就ok了.
我自己就教個仔用第3個方法, 因為攝衫同扣番條皮帶呢兩個動作對佢來說仲麻煩.
聽落好多野要適應同習慣, 小一就係咁架啦, 不過唔好太擔心, 真係俾d時間小朋友(同家長自己)就得架啦, 我見好多個同學仔番左一排學都大致上無問題了.
[ 本帖最後由 maria_lai 於 09-6-17 09:13 編輯 ] |