禮賢家長請進, 繼續交流!

licarol

thanks all of you!
今個星期六open day 所以我想去睇吓   

joannekyl829

Hi 各位家長,

聽到你哋各位都好似好大壓力, 其實我都有同感, 但總算ok啦, 可能我一早已有心理準備, 至於每日要帶的書, 作業....., 總知唔見咗就即係老師收咗,唔使擔心係囝囡整唔見!

其實我喺早期, 都有啲覺得混淆....所以一唔清楚...問個囡又唔知, 咁就打比老師問囉, 佢哋其實真係好nice好有愛心, 每次都好有耐性解釋比我聽, 總知唔好怕問, 問得幾次, 你就會知道佢哋的style....之後就唔會太估估吓架喇, 我依家都問少咗, 都ok..... 所以真係無揀錯學校

我囡囡返咗咁耐學, 總算樣樣ok, 都好開心, 但佢前日放學都有嘔過一次, 我唸應該係一放學跑得太快入咗風所以嘔.... 每日接佢放學, 我都盡量同佢傾好多關於學校發生的鎖碎事....但要有方法架, 要用開開心心的語氣傾, 大家就會好enjoy傾架喇.....咁咪好容易知道佢係學校的情況囉.....

至於每日的功課都算ok啦, 我大約一個鐘多啲就可以同佢做埋功課同溫埋書.....暫時都ok, 但都知道會越嚟越辛苦的, 尤其係各科的diction...., 我前晚睇見嗰張測驗time table都有少少頭痛......   

希望大家努力面對, 支持你哋架....... :wink:

joannekyl829

mattjon

我個仔今年K3,想考本校P1,但又怕費太貴,我聽其他家長說全年費用除勻差不多五千元1個月,我個女明年上K1,2仔1女負担真大,有冇家長計過exactly how much per month totality? Thanks!

loveman

學費2700+車費785+聯課活動(2800/10=280)+飯票(15x 20=300) =$4065 per month

honeybbb

你地有無收到一張足部檢查報告, 報告話阿仔足部有問題, 叫我聯絡矯形師, 係咩黎架? commercial purpose?

Anita_Lee

我個仔個報告都係wo....係咪揾錢架??

loveman

我個報告都係wo!
I have phoned and booked for further following
it is private agent

For checking only cost $100
For make shoe pal (including see doctor and make 石膏膜) cost $400-980. :-x

honeybbb

咁去唔去睇呀? 定係大部份小朋友如果用佢地既標準都係有問題架呢? 即係去DR.KONG 佢用個部機, 一定話隻腳有問題既, 要著佢D健康鞋既

亞豬

各位家長:

我小朋友明年升p.1, 原本見到你地的留言, 覺得禮賢的老師及學校都好好, 但見到你地講默書的問題, 想請問學校這方面是否都好[谷]學生呢?  我見到都有些擔心佢追唔上, 因佢現在幼稚園不是吹谷形的學校     

Anita_Lee

你指補習係咪補全科呀? 我自己就無考慮呀, 始終都好想了解個仔識d mud, 唔明d mud, 而且e+一年級d 野仲係好淺, 免免強強都搞得惦, 或者會唔會係arm arm 開始大家緊張左, 或者你多d 鼓勵小朋友, 或者獎勵佢呀, 如果做完功課比一樣佢鐘意o既野比佢呀, 又或者會唔會佢驚做o個樣功課, 所以做得慢? 我個仔有時會係o甘!

joannekyl829

Dear all,

我囡囡腳仔都有少少問題, 但他們只叫我們多些留意就可以了, 暫無須特別跟進.....同之前係Dr. Kong 驗腳仔後所講的問題一樣, 應該唔算commercial 啩...


亞豬,

其實你都唔使太擔心, 因為禮賢都算ok 的, 其實你要有心理準備上到小一就完全唔可以再同 kindergarten 比較, 你花多些時間再問吓其他過來人就會知道, 間間都係一樣, 都唔會少默書的, 不過當然, 津校就會好少少的, 但深始終好過淺, 睇吓你prefer先苦後甜或是先甜後苦唧....don't worry...... :wink:

honeybbb

和平飯店可愛姬姬
上星期同阿仔温習時發覺佢英文好似唔識咁, 問佢有無聽書, 佢竟然話無 令到大家都好唔開心,  老公巳經話請補習, 但我一口拒絶, 原因 1. 1年級功課唔深, 我絶教到佢 2. 如果有補習老師, 佢咪仲大安旨意唔聽書 3. 我想親自跟進佢既學習進度, 咁至可以真正幫到佢, 同埋而家佢唔係唔識, 係學習態度問題, 襯佢仲細, 紏正返佢既學習態度, 咁至對佢將來讀書有幫助! 雖然難行, 但都要為個仔付出 到佢高年班d, 有需要再請補習也未遲!

以上係個人小小意見, 我見你冇2個小朋友, 可能真係難兼顧d, 你可以請個補習, 睇下好唔好d, 一齊努力la  

honeybbb

亞豬
講真, 我覺得禮賢真係唔算谷學生, 一個星期至默一次書, 以前我個仔讀幼稚園時, 一星期中, 英, 數各默一次架!

loveman

問IT01通告是什麼?
我找不到!

朋友子讀華仁情況一様, 默書又多,
我想所有小一家長都要適應。
不要激氣，慢慢來幫自己同小朋友適應啦！

bigbaby

loveman 寫道:
問IT01通告是什麼?
我找不到!

朋友子讀華仁情況一様, 默書又多,
我想所有小一家長都要適應。
不要激氣，慢慢來幫自己同小朋友適應啦！

loveman,
咁啱,我亞仔都冇帶到張IT01通告返屋企。連老師在堂上派的學生証都唔見咗。所以我要寫手冊問老師,假侞揾唔番張學生証,仲要補領添。

Bigbaby