其實隨機號碼係點嚟？

yankaka

maggielucas 發表於 13-6-3 09:19
唔多識煲，可教路?謝謝

我囝囝嚟緊今年選校, 我由佢k1開始已經做功課架啦, 叫做有d經驗, 睇吓幫唔幫到你!
除咗煲EK, 仲要煲小學概覽架!
首先找番你屬於邊區, 睇吓總共有幾多間學校, 開個Excel file, 做個表, list番咁多間學校出嚟!
然後入去每間學校ge網頁, 而家科技先進嘛, 由學校網頁可以睇到好多嘢!
首先, 可以睇吓佢ge升中資料, 老實講, 較好ge小學佢唔會介意post佢升中資料比你睇, 直情係幾多個入邊間中學都有嗰隻! 次等少少ge, 佢地會post佢地多數入咩中學, 再差d ge, 佢地只會post話有幾多%學生派到首三志願, 咁已經立見高下!
其次睇吓d學校資訊, 多唔多比賽去參加, 有d好show off自己邊方面勁架, 運動呀音樂呀咁, 咁可以睇番自己小朋友有冇呢方面專長, 夾唔夾到囉! 仲有可以睇吓學校有冇補底拔尖班等!
另外, 資助小學9月開始有好多開放日, 呢個時候就要去心儀學校聽吓睇吓, 係咪真係網上講到咁好! 呢個我舊年已經開始咗做, 因為好多開放日都撞期架, 未必聽得哂!
最後去教育署睇埋區內每間小學自行派位比率, 有d年年熱爆ge, 就要小心, 因為佢超咗額, 會影響大抽獎淨番ge位!
而有d冷爆ge, 通常就係區內較差的, 呢d資料喺排位時都好有用架!

我好好彩地當年自己都係讀呢區, 所以比較熟, 但煲各校網頁都煲咗半年架, 你而家煲仲趕得切, 加油啦!

maggielucas

原帖由 yankaka 於 13-06-05 發表
我囝囝嚟緊今年選校, 我由佢k1開始已經做功課架啦, 叫做有d經驗, 睇吓幫唔幫到你!
除咗煲EK, 仲要煲小學概 ...

多謝我會努力的!因仔係細仔，所以較擔心考私小更難

Charlotte_mom

yankaka 發表於 13-6-5 13:03
我囝囝嚟緊今年選校, 我由佢k1開始已經做功課架啦, 叫做有d經驗, 睇吓幫唔幫到你!
除咗煲EK, 仲要煲小學概 ...

態度正確

有心水後, 可以搵時間返學放學去學校附近遊下, 睇下D家長係咩類型, 小朋友(尢其高小自己放學)出左學校門口係咩樣, 同學同老師之間互相係咩樣, 知己知彼, 百戰百勝

yame

yankaka 發表於 13-6-5 13:03
我囝囝嚟緊今年選校, 我由佢k1開始已經做功課架啦, 叫做有d經驗, 睇吓幫唔幫到你!
除咗煲EK, 仲要煲小學概 ...

我個仔今年讀K1,其實我都諗住開始study下.
其實阿仔有25分, 如無意外都可以入番爸爸間母校.
不過唔怕一萬至怕萬一, 都要睇定幾間私校和直資作後備.

yankaka

yame 發表於 13-6-5 14:06
我個仔今年讀K1,其實我都諗住開始study下.
其實阿仔有25分, 如無意外都可以入番爸爸間母校.
不過唔怕一萬 ...

25分咁堅? 我個仔都係得20分咋(父母舊生+適齡)! 你另外嗰5分喺宗教分?

不過學你話我都會考私小同直資架啦, 只係有好多直資都會早過自行出result, 咁接受咗就冇咗自行的機會我絕對唔想, 好矛盾!

yame

yankaka 發表於 13-6-5 14:12
25分咁堅? 我個仔都係得20分咋(父母舊生+適齡)! 你另外嗰5分喺宗教分?

不過學你話我都會考私小同直資架啦 ...

係啊, 阿仔仲有5分宗教分.

我可能主要考私小, 因為直資學校唔知幾時要註冊, 或者到時再研究下各校的日期再決定.

yankaka

yame 發表於 13-6-5 14:15
係啊, 阿仔仲有5分宗教分.

我可能主要考私小, 因為直資學校唔知幾時要註冊, 或者到時再研究下各校的日期再 ...

25分真係無敵架啦, 除非神級啫!
我target嗰間, 咁多年嚟15分都入到, 所以其實我都有d lazy架啦, 但點都會考直資私小囉, 不過有d私小都會數咗冇得自行架, 到時記得問清楚!

maggieandrachel

原帖由 hl2003 於 13-06-05 發表
死喇，我都係交到校務處，同埋都唔係第一日交快撈

唔使擔心，咁多人叩門，校長才不會親自收叩門信！11 net幾間大熱學校，都係校工姐姐收表㗎。但未必等於冇機會，加油！

Charlotte_mom

yankaka 發表於 13-6-5 14:18
25分真係無敵架啦, 除非神級啫!
我target嗰間, 咁多年嚟15分都入到, 所以其實我都有d lazy架啦, 但點都會 ...

年年都有RUMOR話邊間邊間神級25分唔收, 但奇在跟住就有人話20分入左, 我只可以合理懷疑其實有人以為自己25分, 其實係20分LOR
我反而頭號TARGET係直資, 一黎我鐘意果間咁岩係, 二黎我實在信唔過呢個變態抽獎遊戲, 等到6月我唸我會發顛

tomato100hk

何謂補底拔尖？

taktakchichi

Charlotte_mom 發表於 13-6-5 15:53
年年都有RUMOR話邊間邊間神級25分唔收, 但奇在跟住就有人話20分入左, 我只可以合理懷疑其實有人以為自己25 ...

今日有個post個樓主話佢個朋友抽中第2志願何壽南, 但跟住有人話佢個朋友 (又係朋友?) 排甲一乙一都抽唔到:

http://www.edu-kingdom.com/forum.php?mod=viewthread&tid=2589577&extra=page%3D2

呢種情形照道理係無可能, 除非呢個"抽獎系統"有問題..... 如果係咁可以投訴教育局堆番D派位結果

所以"朋友話", 有時真係唔可以盡信

yankaka

Charlotte_mom 發表於 13-6-5 15:53
年年都有RUMOR話邊間邊間神級25分唔收, 但奇在跟住就有人話20分入左, 我只可以合理懷疑其實有人以為自己25 ...

其實我屋企附近唔太多直資ge選擇, 因為我要就番幫我揍嗰個唔可以太遠, 又有個細跟尾, 資助的長遠來說化算點!
我當然都唔想玩大抽獎呢個變態遊戲啦, 就係因為我有20分喺手, 唔想報好多間直資私小係咁去考咁囉! 但點都要報番三四間做後備咁解囉!
我target嗰間資助, 我計過啦, 除非係父母舊生+宗教分+適齡=25分, 因為該小學冇幼稚園同中學部, 咁自行時一定唔會有一同二項出現! 你話父母要係校董呀, 辦學社團成員嗰d, 唔會有好多掛! 所以有25分的人不會好多, 唔係點會年年都有15分入到呢!
點都好啦, 我都好目標明確架啦, 除非係我心目中嗰間唯一ge直資收啦, 如果唔係我都唔會放棄呢間資助架啦!