請問有無媽咪既小朋友返緊"官塘社區中心-基督教服務處"幼兒園呢 ???

dleelm

你們會否安排子女讀1-2年nursery再報其他出名或上一絛龍的幼稚園呢?? 有咩意見??  我又心多多想幫個囡報d一絛龍的幼稚園,如培正,民生, 不過如果佢在幼兒園讀得開心又學到野, 真係唔知轉唔轉?? 你地點睇?? 定係疊堆心水讀利間, 唔攪咁多??

kitty28

Hello
我個囡囡現在十五個月，現在很煩惱，不知2005年2月入學還是8月入學。
如果2月入學要讀4年半幼兒園。

芸迪

tungwai: 明白哂 入到心儀間學校就梗係轉啦 你囡囡有冇唔適應, 會唔會掛住以前既老師/同學呢 我聽講小朋友轉校都係一件大事, 怕對佢地心理有影響.

dleemlm: 我就打算睇下恆恆今年讀成點先再決定. 但今年年尾都會幫佢報多幾間幼稚園, 到時多個選擇

芸迪

kitty28: 首先如果囡囡唔入幼兒園, 邊個幫你湊先? 如果囡囡係有人湊開, 你又放心既, 我就覺得唔駛咁心急, 到年尾, 你睇下囡囡既發展先再決定囉.

相反, 如果囡囡無人湊既, 2月入學都係一個好選擇.

芸迪

janetlam: 禽日in完, 決定讀邊間未呀 對學校/老師印象如何

dleelm

芸迪
遲d又可以同你交流下幼稚園資料啦!!

janetlam
決定讀唔讀呀? 我都係住tko, 你住邊處?

kitty28

謝謝你的意見！
我是全職媽媽，待囡囡上學穩定，我才找工作。
昨天我和janetlam74到幼兒園參觀及拿表格。
我住tko

jho

This is a good topic for us to think about it"「再思優質幼兒教育的意義」"
http://www.baby-kingdom.com/modules/newbb/viewtopic.php?topic_id=157212&forum=6&1

Kelly-Ng

聽到你們的分享，我都想以一個過來人的身份來分享我的經歷同感受，其實我有兩個細路，大仔最初讀幼兒園，後來轉了讀啟思，最後更入埋培正讀小學。最初我都好開心，以為讀一條龍小學一定好理想，唔使為佢升學担心，但個仔返了培正三年後，我發覺佢冇晒創意兼缺乏主動，次次做功課溫習都好辛苦，好似我迫佢咁，我覺得好失望。其實，入讀這些傳統的學校都未必係一件好事，他們欠缺創意，好死板，主要用功課來練習，大大握殺小朋友全人的發展空間。於是我比個細女入讀幼兒園，讀了四年，期間每都覺得佢好主動、好有自信。她現在入讀教會小學，將升二年班，她仍能維持主動、活潑的性格特質，又好問、又喜歡閱讀，我覺得仲有意思。希望這些心聲能給你更多的啟迪。

jho

我同意較傳統既學校會令小朋友缺乏創意同主動，但係我覺得小朋友個人既性格都會影響佢係學校既適應同表現，反而我覺得陳鉗笙教授講，家長選擇幼稚園時，應該著眼於學校的教育質素多於出路，而建立小朋友既自信同埋學習興趣最重要，這是我個人既睇法。

Michael仔媽咪:
        你地c班好似剛剛去完參觀九龍公園，我個仔個班下星期二去，可否分享一下情況呀?另外我剛收到先生派既通告，知道下星期五學校邀請名班爸爸到幼兒園包糉同埋慶祝父親節，我覺得幾有趣，我叫我老公去參加，Michael仔既Daddy會唔會參加呀?一齊玩丫!

rubytsang

你地好, 我有個問題想請教一下
因我已幫bb報了啟思幼兒園, 點解會報讀, 因自己想小朋友入小一前能開心無壓力地渡過他在幼兒學習生活, 因啟思多注重小朋友的身心發展, 而不是注重好成績地迫小朋友, 另因為我只認識所謂有些知明道的學校, 所以忽略其他好的幼兒園, 當看到你們對基督服務處幼兒園後及與朋友講話他們都有讚無彈, 所以可能會考慮轉校, 本星期三我便約了參觀, 若參觀後與自己的教育理念一樣的, 可能便會考慮轉到此間, 你們有什麼意見給我? 另你們會否給小朋友讀1年幼兒園便把他轉讀正式幼稚園? 因好似話幼兒園由2嵗讀到6嵗, 課程難與小一函接, 點樣衡量?



  

jho

Ruby Tsang,你好!
        係我個仔讀C班個時，我都曾經想幫佢轉讀名幼稚園，亦考過民生同埋禮賢會，但個仔好鍾意幼兒園D先生，問佢佢唔肯轉校。於是，我坦白將憂慮同主任傾，主任解釋幼兒園每年都有四五十人畢業，如果佢地銜接唔到小學，點會有咁多家長肯留讀?主任又比AB班小朋友做既字典同新聞剪報，同埋作既古仔比我睇，我反而好驚奇五歲既小朋友識寫咁多字，重會作古仔，都幾有趣幾有創意，所以先決定留讀。到而定B班，我覺得個仔學既字都OK，最重要係我覺得佢返學好開心，我惗咁冇壓力既學習，都只有係呢個階段才可以做得到。

michael仔媽咪

jho,我都有興趣叫michael嘅daddy參加呢個星期五嘅包糭活動，但係佢要等到明日先知佢要唔要返大陸做野。

rubytsang

Hello jho,

多謝你的意見, 因以前仔仔返過托兒所(現在沒有), 昨天我都請教過托兒所主任, 她說兩者最大分別是幼兒園是全日制, 社會福利處管, 而幼稚園只是半日制, 由教統局管, 而幼兒園因全日制, 無論在身心及學習方面都對小朋友較全面, 而幼稚園因半日制, 只得約3小時的時間, 所以無咁全面及學習上比較緊張一點! 原先所報讀的啟思係間好的學校, 但學費貴, 而基督教服務處原來以前是好難入讀的, 但因出生率低, 同埋翠屏村有成差不多7-8間幼兒園, 所以競爭大, 所以現在報名都有學位。

至於小朋友在幼兒園完成整個2-6嵗課程能否函接到小學, 其實現在的教育制度隨時改動, 到時可能又有不同。

而且現在很多幼兒園課程都與幼稚園都差不多, 反而針對小朋友的全面發展, 主任曾說過, 她的囡囡現升小二, 之前幼兒園和幼稚園都讀過, 對現在升小學都無什麼影響, 成績都不錯, 而囡囡的同學以前讀一間出名的幼稚園, 因學校和家長都迫緊成續, 無可否應在該段期間成續真的比較出色, 但升了小學, 彈藥都用盡了, 反而成績下降, 所以不是幼兒園和幼稚園問題, 而是最重要令小朋友對學習有興趣, 她建議我可留意頭一年小朋友學習如何再作決定是否轉正式幼稚園!

請問服務處的教育理念是注重那一方面?

我只想小朋友能開心地上學! 回家後會好開心地同我分享在學校的事! 而不是覺得返學是不開心的事吧!

hungng

hi,

各位媽媽, 想請問吓有無校車/保母車
到牛池灣威豪花園 或附近?
如有, 請問車程要幾耐?

thx.

kelvin_ay

hungng

有保母車到牛池灣威豪花園,
不過比較長時間, 約40分鐘
(放學要去完西貢材回來).
但我女女坐了半年, 算OK.

不過如果保母車, 可能去大坑東快D !?

芸迪

想請問你地既小朋友做咗身體檢查未?

有冇係佢地尖沙咀診所做? 會做d mud? 攪幾耐? 我打算今個星期六帶個仔去.

唔該哂!

dleelm

芸迪,

我都打算星期六帶個女去做身體檢查? 但係唔知點樣幫佢留小便, 真頭痛. :-x  :-x

芸迪

dleelm: 聽你咁講, 楹楹未戒到片 你就煩點留小便, 我就煩點留大便 恆恆唔係日日都有貨交, 所以我已經叫定嫲嫲, 萬一今日有, 都留起先

唔知我地到時會唔會見到面呢   

tungwai

我都 '林' 住呢個星期六帶個仔去驗身, 我記得個女以前我是前一日留起的, 因個女當時未介片, 咁將個 d 大小二便留在菲林筒內, 再將它個別包開, 再放入一個膠袋內, 再放入雪櫃 (當時覺得好尹突, 現在都覺得好尹突, 但冇辨法) , 或者睇下呢個星期六個仔上午有冇開大啦