- 在線時間
- 296 小時
- 最後登錄
- 19-9-15
- 國民生產力
- 44
- 附加生產力
- 1266
- 貢獻生產力
- 0
- 註冊時間
- 04-4-23
- 閱讀權限
- 10
- 帖子
- 2315
- 主題
- 52
- 精華
- 0
- 積分
- 3625
- UID
- 21735
|
Re: 老師用這種罰學生方法, 是否合理? 我很不開心, 請給意見.......
其實連你自己都唔知點做,其他人更難幫你決定呢~
我舉出我女女個例子,意思唔係話單單得你個小朋友學校有咁情況,而係你自己都要明白一個道理,小朋友點解會俾人罰先囉.....
做錯事只要改過就可以了!!!
但個小朋友自己被記名6次,被罰企食飯,都重未清楚自己做錯乜事,唔知錯乜,咁點改過呢???
作為家長,顧及兒女自尊心係應該,但更應該搵出小朋友犯錯o既原因先最為重要,我想問問,若果今次唔係攪到罰企食飯,咁係咪你由得佢繼續被記名呢??6次變10次...由得佢記?你係有問過其他媽咪,但你有冇問過班主任或學校其他老師呢?同校的家長or在bk的媽咪雖然都可以俾到意見你,但實實在在學校的情況唔係老師最清楚嗎???呢個topic入面唔少回覆都覺得你要先了解情況,但你有冇搵一個最直接方法去了解呢?
我個女學校一樣有同樣懲罰,但我個女既唔係當時被罰學生,年紀亦比你小朋友要細,都可以清楚講出那個同學為何要被罰,被罰過程等等,有諗過你小朋友點解講唔出個理由嗎?已經二年級了,雖未至於叫好成熟,但都已經適應學校環境,亦應該知道班房規則,係真唔知?定唔敢講出自己犯錯原因呢?你話佢細膽,但你係佢媽咪,你唔係佢最信任o既人嗎?對住你都講唔出?二年級學生應該已有足夠表達能力去講出呢件事了,未必好清楚,但無可能完全唔知~
你要做o既事,最好都係問問老師小朋友學校情況才再作打算吧....
你有覺得自己小題大做嗎??我覺得無囉,只係你個題目唔應該針對學校在先,問題應該針對你小朋友,係小朋友太怕事唔敢向你認錯丫?定係小朋友真係唔知自己做錯丫?呢兩個都係大大大大問題呀!佢有做而唔敢向你認,會唔會你同佢溝通有問題?若佢唔知自己做錯乜,係咪你無真正了解過佢學校生活呢?有認真去協助過佢嗎?
唔好再因為個女被罰而諗埋一邊,學校應該係小朋友開心學習o既地方,每日咁長時間都留在學校,一係將事情攪清楚,我相信任何問題如果可以家校合作去解決,效果係事半功倍的,若你對呢間學校咁無信心,咁轉校好了~ |
|