Super 教育乜都 talk!!

danniewo

我就無你地咁專業，但我相信再多幾個音都無問題，好似每個人都有個中文名，英文名，甚至諭名，bb....個仔全都識認，唔會撈聯，其實細路仔真係好鬼叻，叻到你唔信，我成日都比佢赫一跳。所以唔好以為佢唔得，實質係我地唔得update.

twokidsmum

嘩！你哋好專業呀，做你哋D仔女真幸福！我忙到死，真係無咁多時間研究。

我嗰套phonics其實俾我個女睇當溫習嘅，個仔順便聽埋就學咗“pa”，昨晚就發現原來佢仲識埋“C”係“ca”。其實佢都只係當歌仔咁唱，我玩嘅時候咪好有節奏咁拿著個字母同佢讀：“pa”“pa”“P”或者“ca”“ca”“C”咁囉！佢不知幾開心！我唔使佢明白，只要佢腦裏面有D印象，3歲左右正式開始教嘅時候就快好多嘞！我唔知面試時老師會唔會問，不過我諗無論佢答老師“pa”定“P”，老師都唔會話佢唔識！

我唔專業，不過我見個女現在3歲半，已經學到“blended sound”，簡單併字都OK。她1歲幾嘅時候，別說phonics，大楷“A-Z”都未認得晒，細楷“a-z”一個都唔識呀！

講開小人國嘅普通話唸唐詩，好掂喎，一樣有“chant”，都唔使HK$200，我個女1年前已經識得諗晒2隻CD嘅唐詩嘞。我無時間教佢，只係俾佢當歌仔咁聽，等我有時間再選一部份解釋內容。

hinhinmummy

題外話呀, 你們用mug野放vcd比小朋友聽? 我個女間房無vcd機, 得部電腦, 但佢訓時我都訓, 得佢聽完, 我又訓著無熄電腦, 不知部機長開會不會影響小朋友呢?

twokidsmum

Hi hinhinmummy,

係廳就睇VCD，係房就播CD囉。

Phonics VCD/CD都有，普通話唸唐詩就係CD嚟嘅。

hinhinmummy

我想買部超溥cd機係房呀, 有無介紹呀, 只係聽到vcd就得架啦, 阿女間房細, 書檯得兩呎半, 放左部電腦已經無mug位.

danniewo

我覺得長開電腦對小朋友應該無乜益，你去豐澤百老匯睇下，我最近都買左部比個仔擠係放，但就屬於微型HIFi，都唔細部，去睇下旺角，真係有好多選擇。

hinhinmummy

danniewo

我都知長開電腦不好, 還要係個頭隔離, 都係今晚放工去看看.  

thank you

wwc

各位媽咪:
其實我想問多次,我都想買唐詩給囡囡聽,小人國有廣東話同普通話,但唔知廣東話好定係普通話好.可否比d意見.大家是否多數買普通話的?why??可否分享下.謝謝!

twokidsmum

我一來希望佢哋學普通話，二來唔希望學校教佢哋廣東話唐詩嘅時候佢哋會悶。

+MaMiAKiRA+

Hello stccmc,

其實我咩都唔識, 自覺比以前”塡鴨式教育”所累, 咩都
夾硬塞入個腦度, 博命死記. 所以想了解更多好o既教學
方法, 唔想再禍及下一代!!

你講得o岩, 其實仲會有大把o野要記. 唔係學o左phonics
就咩都識!! 所以我o地要比佢睇多o的唔同類型o既書, 帶
佢o地見識更多新事物!!
其實好似我自己o感, 我英文好差. 識o既字又唔多.........
但為o左Babe, 我都盡量查o下圍繞o係Babe身邊o既事
物o既英文係咩!! 好等我平時可以教o下佢, 等佢有印像!
例如沖緊涼, 就指住個浴缸話佢知係bathtub. 幫佢洗腋窩
時就話佢知係armpit, bellybutton, tummy…. 等等.
所以我都唔會所有字都整晒字卡比佢睇, 因佢大大o下....
接觸o既字自然多o左好多. 而佢又學o左phonics o既話,
只要佢對個字有印像, 就會好易記!!

其實我個人認為有o的外國人串字差, 識字少, 寫作能力差...
係因為佢睇得書少會影響大o的!! 唔睇多o的書又點可以識
多o的字!! 好似一個人無睇過關於Physic o既書, 又點可以
認識當中既專有名詞!! 其實或者o係其他媒介都可以接觸
到................但好睇你有無興趣去認知~~
所以我依家最當前急務o既係陪養Babe o既閱讀興趣~~

你張相好sharp喎! 你用邊款相機gar??  

+MaMiAKiRA+

hinhinmummy,

我同你case差唔多, 所以我o地就放棄o左自己間房o既
Hi Fi轉移o左去Babe room.............. 好大犧牲!!
ha ha!!  


wwc,

其實twokidsmum都講得o岩~~ 如果個小朋友咩都識晒,
好可能覺得上堂會好悶, 有o的甚至會搗蛋添~~
我諗如果你要買廣東話o既...... 就唔好比佢聽到耳熟能詳
o感o羅~~  

可能我Babe仲細, 所以我自己就兩樣都會買. 等佢有印像,
第日番學易上手~~ 而且我好想第日比佢讀以普通話同英
文教學為主o既小學, 所以驚到時佢無咩機會學廣東話唐詩!


你買之前要睇清楚ar!! 完全普通話o既包裝有少少唔同,
佢仲會標明係"普通話版"~~

+MaMiAKiRA+

容許我o係度再分享o下我o既喜悅!!  

話說早幾日我同Babe睇 " K" o既另一隻 vcd, 到唱 clap
your hands o個陣, 我捉住佢雙手一齊拍...clap yr
handsas slowly as you can...... clap yr hands as
quickly.................
琴日再同佢睇, 再玩. 到o左夜晚, 我醒起首歌再唱比佢聽.
佢竟然識得分 slowly 同 quickly~~ 真係令我興奮莫名!!

ha ha!! 可能已經有好多Baby仲細過我Babe都已經識分,
都唔算係o的咩~~ 但我真係好開心, 所以想同大家分享一
下~~  

其實開心之餘..... 仲想吐o下苦水~~

我o係我蝦子餅度得知..... 佢o的 friend 以為我對Babe有
好大o既期望. (可能係見我教咁多o野, 又買咁多o野)
講真!! 我撫心自問, 我完全無妄想過要我個Babe第日讀大
學, 要做o的咩職業!! 我只期望佢做個好人, 可以搵份穩定
o既工, 搵個好老婆咋~~   算唔算貪心!!??  

佢o的朋友o感諗..... 可能係有一日佢o地見到我捉住
Babe o既手教佢寫 abc!! 其中有個係小學教師, 佢竟然話......"B B 好慘ar!! 唔好o感樣對佢啦!! 以後大把日子
要寫字呀!!" 我聽到覺得有無攪錯, Babe都不知幾恨我捉
住佢隻手寫字. 好彩我蝦子餅都出聲話: "BB 不知幾 enjoy!!" 我都唔明, 佢身為一個老師都竟然視學習為"苦
事"!! 佢點令佢o既學生享受學習?? 由始至終, 跟本唔係
年齡o既問題, 而係要令個小朋友對學習有興趣!!

天ar~~~~~ 諗起都嬲嬲o地!! ha ha!!  

twokidsmum

Hi +MaMiAKiRA+,

如果只係當玩吓塗鴉都無乜所謂，唔好當認真要佢執筆寫字就得嘞。

我都唔好得過妳，我兩個仔女自BB開始已經鐘意自己睇書看圖畫，我要求工人每日都俾D書佢哋睇吓，唔好淨係玩玩具；另外，我大部份時間都很忙，所以只要一有時間我就會用flash cards幫個女溫吓習，或者邊玩邊教他們。

我老公的家人最近居然係我個女、佢D朋友面前話我癲嘅，係度拔苗助長。佢話佢就唔需要自己個女咁叻嘞！妳想唔想像到我當時係幾嬲！

hinhinmummy

stccmc

好認同你講某程度上係要背/死記, 好似乘數表甘.

但係我不太讚成要小朋友死背, 串字.

我老公成日話, 佢以前老師, 只係叫佢死記, he, she, it 用成, they 用are, i 用am, 但有無解釋過點解he, she, it 用is? 有d 又用are?

我係主張用靈活的手法, 加強的小朋友記憶, 而不想要佢死背文章.

如果小朋友知道點解, 再用活動教學, 加強記憶, 我相信比佢死背/死記更來得有效率.

如果學左phonics, 再加flash card/其他活動(遊戲), 不會比死背生字串法來得更事半功倍咩?

不過, 講下講下, 好似離開左'是否雖要甘早比小朋友學phonics'呢個point呢?

hinhinmummy

+MaMiAKiRA+,

真的, 玩玩下就可以, 千期不好要小朋友4歲前執筆寫字, 手腕未夠力.

另外, 外人點看都可以, 自己有自己一套教仔的方法, 只要自己認為可以就可.

我個女每星期學二次ballet, 游一次水, 都可以比我老公的哥哥話我比得太多課外活動個女, 但係佢哥哥係無小朋友的.

係我朋友當中, 我算係比得小課外活動個女, 我識得人, 補習, 學琴, 學畫畫, 學游水, 學ballet.

我只要認為係我同個女接受到, 我不會理他們的閒言閒語.

我的宗旨係, 不駛佢地讀名校, 做第二個李x誠, 我只需要佢地做人腳踏實地, 做個老實人, 開開心心甘成長, 身體健康.  

+MaMiAKiRA+

stccmc,

一o黎我係話佢o地睇得書少會"影響大o的", 而唔係話所
有人~~ 點解我有o感講!!? 係因為我o係好耐之前睇過一
份調查報告, 講到… 何解咁多外國人識講, 唔識寫 or 寫作
能力差……… 報告得出, 部份人有拼讀困難, 而有部份人
就唔中意睇書!! 其實你個博士朋友唔會唔有o的”類似”
拼讀困難?? 因哩個症好普遍o架喎!!

講真!! 我o地由始至終都知, 都強調識o左phonics 唔係萬
能!! 有好多例外o既字唔係以正路o既方法拼讀!! 所以你
真係唔駛咁在意~~

其實你話仲有好多o野要背頌, 我同意. 但你話要死記......
我就一o的都唔同意!! 你所提到o既o野當然要記啦~~ 但
我覺得都唔駛死記, 依家已經係新世紀, 已經有好多活動
o既教學方法, 唔駛夾硬塞o的o野入小朋友個腦!! 好似唐
詩o感, 記係記, 但係唔駛死記!! 好似我買o左o的唐詩CD
比Babe聽, 佢o地演譯得幾好. 唔好理Babe暫時吸收o左
幾多. 以我自己為例, 以往填鴨式教育下….. 夾硬死記, 塞
o的o野入腦, 塞到亂晒~~最終得個桔~~ 但我反而聽隻
CD, o係個輕鬆完全無壓力底下….. 已經真真正正識多幾
首詩.
仲有好似歷史o感, 我都想分享o下自己o既愚蠢~~ 上歷
史堂… 個阿sir講得悶, o的同學仔就個個o係度大聲傾計,
攪到我都分埋心…. 傾埋一份. 到o左會考就死背!! 唉~~
當然背唔到咁多啦!! 除非記醒好啦~~  但後來有次考完
會考同個friend傾開歷史好難背….. o感佢就同我講, 要
記o既o野唔係咁多. 主要係年份, 當你由頭到尾將本書睇
一次, 理解o的事件內容就會好好多. 後來我真係試o下番
幾頁睇睇........ o個刻真係想大叫救命, 原來唔係咁難ga!
仲愈睇愈有興趣...............真係悔不當初..............

所以我覺得係好多o野都要記, 但學習環境, 教學方法好
緊要. 係唔係死記真係好睇個教者o既方法吸唔吸引!!

諗諗o下.......我o地會唔會太離題呢, 我o地本來係講緊學
letter sound & letter name o既先後, 學phonics 會易
記o的生字.... 唔駛死記咋喎~~ 點解你又會搬埋o的唔關
學phonics 事o既乘數表, 唐詩, 歷史出o黎o既!!?? 如果
話要記, 仲有大把數唔晒o既"中文字"好似堤壩入面o既洪
水向住我o地下一代湧緊過o黎啦~~ 中文字無拼音, 無
剩....... 要教Babe, 我都要投降~~~ 不過字卡教得幾多
得幾多, 起碼佢有興趣睇書, 問題都唔會太大~~

不如我o地唔好再argue 落去, 無意思~~ 其實我o地都對
phonics一知半解, 再argue落…. 比o的高人睇到, 真係會
笑死佢o地!!
大家都有自己o既見解, 睇堅持自己o既睇法! 與其浪費時
間游說對方接受自己o既睇法…….. 倒不如, 用o的時間諗
o的創意吸引小朋友學習好過啦~~

其實...........一開始你都認為要學phonics o架!! 只係學
先 or 後o者!!

最後我斬釘截鐵o個多句"到題"o既說話!! "ca – at ->
cat" 點都好過死記"cee - a – tee -> cat"

算把啦~~ 不如我等淨係討論o的好教材o既心得仲好啦!


twokidsmum, hinhinmummy,

原來你o地都受到其他人o既批評, 我o地無做錯, 唔駛你佢
o地o羅!!

呀!! 係呀, 講番我教Babe 寫ABC, 莫講話我對佢唔抱太大
期望, 就算我對佢有好大o既期望.... 我都唔會咁心急要佢
識寫字啦~~~   我只係想比佢feel o下我捉住佢隻手,
竟然可以寫到個佢有o的認識o既字母出o黎, 等佢覺得有
趣o架咋~~~   

marieyuen

+MaMiAKiRA+ ：

完全同意！
+MaMiAKiRA+ 好o野！

+MaMiAKiRA+ 寫道:
不如我o地唔好再argue 落去, 無意思~~ 其實我o地都對
phonics一知半解, 再argue落…. 比o的高人睇到, 真係會
笑死佢o地!!
大家都有自己o既見解, 睇堅持自己o既睇法! 與其浪費時間
游說對方接受自己o既睇法…….. 倒不如, 用o的時間諗
o的創意吸引小朋友學習好過啦~~