唔該!!有無人知GC呢兩套First Steps to Reading 定 Richard Scarry's 邊套好d呢??

菜菜子

J&Amom,hinhinmummy:

唔該哂你地嘅分享呀....咁我唔買住喇,
費事放四年咁耐la...


你地成日講嘅大孖事件係咩事呀??
講唔講得架??乜大家好似好驚咁嘅.........
(八掛下,吾好介意)

菜菜子

講下套唐詩....

danniewo:

我諗我同你老婆買嗰套可能一樣,
粉紅色包裝的,一段廣東話,解釋完之後
再用普通話唸,之前段廣東話都幾煩,
但好在同一首詩一段廣東話當一首,
之後用普通話唸就當第二首,所以可以飛
走哂d廣東話解釋,咁都無禁悶咋.....
haha.......

hinhinmummy

菜菜子

係啦, 到時又有新的教材, 何必買甘多放係度舖塵?

同埋小朋友不好比佢地看甘多電視.

我不知有無關係, 但自從我買左呢d vcd之後, 就成日比兩個小朋友看, 諗住好過看卡通片.

點知個細仔中左毒甘, 一起身就開電視 + dvd, 從不比我看電視, 依家tvb做緊mug野節目都不關我事, 我屋企部電視變左卡通台.

不知係不係看得電視多, 細仔變左太專注看電視, 不肯開聲講野?? (純個人推測, 無証據)

J&A Mom

我無諗架啦, 不過你們提起我先講咋!

菜菜子

J&Amom,hinhinmummy:

oh............真係sorry喇!!!!!!!!!!

hinhinmummy

你們今年會不會去書展? 好似是7月21號.

danniewo

+MaMiAKiRA+，hinhinmummy，J&Amom，菜菜子，JackMon

我又來啦，各位supermama , 我成日咁叫我亞媽架，煮飯洗衫掃地湊孫仲可以做義工，真係非一般，我真係覺得女人係神奇架，我自問只可賺錢同埋同個仔玩下flash Card,得閒溝下女(只有我老婆)， 所有野都係我老婆搞掂，佢係我o既supermama2號，你地呢......3號，4號，5號....利害利害，不過你地後生過我亞媽好多好多好多，(女人↓絕對唔可以話佢老，唔係我驚我出唔到BK 個網站，成晚部機都hang左)，嘻嘻............

我個人比較樂觀，所以會自得其樂，人為乜呀，為仔女，為老婆。為亞媽亞爸，同朋友嗟，最緊要係開心，想講乜就講乜，不過如有得罪唔好怪我，我都係有話直說，無謂咁作狀呀，我個部門同事如果見唔到我都話悶好多，我o既工作都好緊張，而且責任仲好大，如過樣樣唔take it easy, 會好快癲架。講真做人最緊要大家快快樂樂，弄兒為樂嗎？

我仲冷叻同+MaMiAKiRA+話GC做Madeline特惠添，原來我咁背，以為第一手消息添，諗住過來話比大家知，wowoo......菜菜子，第二次留翻比我威啦, 我嬲架•

菜菜子

hinhinmummy:

我自己吾係好鐘意睇書,所以末去過書展架..
而家為左個仔就成日拎住本書law,haha..
係呢..書展有乜野啱bb買架!!

danniewo:

嘩!!乜你咁夜仲未訓,你都好superbaba wo,
你都同個仔玩下flash Card,我老公吾會架,
不過就多數佢買 食送 煮飯,所以我都吾係
supermama呢.....
GC做Madeline特惠,我都係咁啱睇到咪上來
會報下law,咪嬲la,下次留番比你威喇..haha..
GC嗰兩套野,我仲未係太識用呢..
仲要向你呢個superbaba請教請教架!!
hehe...........

hinhinmummy

菜菜子

書展其實無mug特別, 不過一次過集中晒好多種類的書比我們揀, 不駛周圍行, 不過就好多時因為時間緊迫, 人多而作出左錯的決定.

無記錯的話, 星期六, 日有d特別時間, 有兒童遊戲, 好似扭扭波, 上年就有摺草蜢.

今年我都應該會去.

+MaMiAKiRA+

ha ha!! 我同菜菜子一樣, 都係有時蝦子餅買餸煮飯, 多數
叫外賣, 真係失禮!!     都唔算係好mami啦~~ ha ha!!
都係我ma ma以前太錫我.... 先攪到我唔識煮飯!!  
所以我......... 就會自細訓練Babe做o野, 不過暫時淨係執
玩具先啦~~ ha ha!!  

我覺得danniewo你都算唔話得, 會同囝囝玩flash card.
我蝦子餅喎...................    真係未試過o架!! 唉!! 仲
要係我日日提住佢同BB講 "Eng o架拿sa" 咋!


danniewo,

無所謂啦~~ 報料唔怕重覆o架~~ 最怕無人上o黎報料咋!
係呢! 哩牌唔係幾見你太太留言o既!?? 得閒上o黎傾o下
嘛!!


hinhinmummy,

可唔可以講o下你上次部CD player好唔好ar!! 我o地都
想買部細細o既o係房聽, 因哩牌我同蝦子餅都失眠......
好慘~~~~~~

danniewo

+MaMiAKiRA+

我老婆日日都上來睇下架，所以有時下午見到我但又唔講野咪係我老婆囉，佢唔識打中文輸入法架，有幾次發表都係一路打電話比我，一路問我點打，其實佢已經有塊手寫板，但唔知仲乜個software有問題，寫完又唔彈d字上網，我都要羅去修理下。等佢同你地講下啦，以下內容由佢發表啦，不過我代筆。

danniewo

菜菜子，

你係咪買o左phonics kids 同 first step to reading 詐, 我都有dd教材，如果係我可以講下點用，兩套好簡單詐。

Mrs. danniewo

+MaMiAKiRA+

好ar!! Mrs. danniewo

不如你就分享o下點用ar!! 我都係o岩o岩開始first step
to reading第一本咋! 隻碟係就係好生動, 但速度慢o左少
少........我Babe等唔切~~~ 所以我暫時都係自己讀比佢
聽咋~~~

akira

hinhinmummy

+MaMiAKiRA+

我上次買果部係panasonxx, 無記錯的話應該係1488, 可以免息分期12個月, 每個月121元(我都係分期), 還買左兩部, 仔同女一人一部.

我覺得ok, 佢可以當discman(雖然依家已經無mug人會用), 可以用乾濕電(專用電池or3a電).  開著會有藍光. 唱完成隻碟會自己熄機.

我就覺得好好啦, 因為比個女臨訓前自己聽cd, 聽完不駛成日起身看佢聽完未要熄機.

我都係不識煮飯, 上次工人放假, 自己煮公仔麵食都錄到隻水起晒水泡.  都係阿媽太鍚我, 不比我煮飯, 所以我要train我個女(但邊個train佢??)

菜菜子

oh.......完來呢度都唔止我一個係"無飯主婦"呢... haha...

尋日同bb去游水wo,佢勁鐘意游,游左成個幾鐘,
連奶都唔洗食呀,玩到唔肯上水tim,初初用船仔水泡,
之後見到表哥仔(11個月大)就咁游,佢見表哥仔用手
狂拍水,佢就跟住拍,之後仲用腳踼,所以真係要比
d bb 多d見面呀,次次見完都學到野架,番到屋企
就做番哂出黎,真係好好笑架!!!!!!!!!
係呢你地有無同bb去游水呀??????

+MaMiAKiRA+/hinhinmummy:

你地諗住幾時開始train女女呀,我都成日同我仔仔講,
大個d要幚媽咪手洗碗呀,媽咪同舅父好細個就要幚
手洗碗架喇,到你大個d呢個重任就交比你喇!!!
但係佢嘅反應就係儍笑...haha.......

danniewo & Mrs. danniewo:

我都唔識打中文輸入法架,之前用九方架,但壞左之後,
喺個電腦搵搵下揾到手寫板,所以先至傾到計咋...

係呀..我買o左phonics kids 同 first step to reading,
但真係唔知點開始好呢,如果你可以講下點用,就當然係
求之不得la..........Thanks!!!!!!!!!!!!!!   

菜菜子

呀..想問問大家套First Steps to Reading 內的
flash cards d 紙咁薄,你地同bb玩時點放呀??
請指教.........THx!!!!!!!!!!

+MaMiAKiRA+

hinhinmummy,

唔該晒ar!! 我依家都係晚晚要走去Babe房熄機~~ 都幾
煩~~  
你o地今年又去書展, 咪會再大出血lor!! 我真係唔敢
去, 費事忍唔住買o野, 所以都係托人幫我買一兩本咋!


菜菜子,

我琴日又係帶o左BB落樓下游水, 不過就係第一次咋~~
嘩!! 佢鬼死咁開心!! 攪到我都好開心!! 所以諗住以後一
個星期帶佢落去玩兩三次lor!!

因為係第一次帶0Babe去游水, 所以除o左買手袖之外仲
買o左普通水泡同船仔水泡. 佢初初都係用船仔水泡玩
o下, 但後來佢落過水之後, 就咩水泡都唔要~~~ 要自己
企o係池度潑水~~ ha ha!! 不過飲o左少少水!! 唔知驚
唔驚呢!? 我有o的擔心~~  

ha ha!! 其實依定仔仔都仲好細, 十幾個月~~ 暫時都係
train 佢執o下玩具咋~~ 不過真係幾好!! 佢真係肯執!!
上次有班 friend o黎我屋企, 其中都有人係有仔女o既, 可
能佢o地錫個仔, 唔會比哩o的苦工佢做!!
所以見到我Babe細過佢o地o的仔女都識得執玩具. 反而
佢o地話自己仔女, 整到屋企亂晒.......... 所以我諗細細個
開始訓練佢要企理, 有手尾都好緊要! 仲有著數添, 因佢識
執玩具之後........... 我真係可以執少好多o野o架! ha ha!
      

   

+MaMiAKiRA+

菜菜子,

o的 flash card 真係好薄, 易"巢"又易爛!! 所以我自己就
買o左o的透明牆紙(用o黎包書o個o的), 將佢底面都貼一
層. (貼之前我會o係張card底整番個中文解釋先), 然後逐張"介"出o黎!! 所以可以放o係地下玩, 又可以比 Babe 自
己拎住睇, 都唔怕會整爛!!

其他daddy mommy 呢??  

hinhinmummy

菜菜子

我自己係電腦跟佢的生字整過d flash card, 再用硬card紙print出黎, 佢原裝果d只cut左幾本出黎.