荃灣/葵涌區中學一問

rclamlam

TikTikmum

聽講你阿女間成績係一般喎, 所以你要問番學校有無1/3同學係BAND 1, 同埋看下全級人數幾多來計算.

陳兆民/保良局八三總理/伍若瑜都係BAND 1中中, 會考成績都好好.

同埋你要看番你小朋友適合讀英中定中中, 唔一定讀中中既成績同發展無咁好, 因為中三之後, 大部份科目會轉晒做英文, 而且中一/二學校都會加強係英文方面.

rclamlam

RT

你仔仔係荃灣區, 咁你阿仔係BANDING幾呀? 本身我女係荃灣區, 只係跨區轉左地址所以先報葵青區中學, 如果我轉唔到區既, 我第一志願都無揀番葵青區中學, 因為機會始終大過係番荃灣區.

你都知, 荃灣區學位實在太少, 英中得3間, band 1中中得王少清, 如果想博第一志願入到英中或band 1中中, 真係報跨區係最大機會, 因為大部份家長都唔敢博第一志願, 而且葵青區去年就會比每間學校大約9-11個學位比荃灣區, 我相信入都機會大, 阿女同班同學都有個第一志願揀跨區band 1中中, 佢成績係band 1尾band 2頭, 佢都入到第一志願葵青區中學, 你可以考慮下, 如果轉到葵青區更好.

RT

Hello, rclamlam,

我實際都唔係好清楚我個仔係band幾, 不過我諗都係band 1尾band2頭到, 所以都係以band1中中作target.

唔好意思,我唔係好明你所講既 "如果我轉唔到區既,我第一志願都無揀番葵青區中學, 因為機會始終大過係番荃灣區" , 你意思係咪如果冇轉區,第一志願都會揀荃灣區呀?又另外好似自行分配學位時可以跨區喎, 咁我諗住同兒子去葵青區的band1中中面試,好似你所講, 每間學校都有大約9-11個學位留比荃灣區, 咁機會可能大的, 唔知得唔得呢?

rclamlam

RT

我寫得唔清楚, 我既意思係, 你係荃灣區, 如果可以轉區就最好, 唔可以第一志願揀葵青區既中學機會會大過揀荃灣區既王少清.

你自行不分區域, 所以你考葵青區無問題架, 今年可以報兩間自行, 你係咪打算兩間都揀band 1中中? 同埋你要番意, 因為可以揀兩間中學, 所以會無形學校會多左揀最叻既學生, 你要留意呢點.

xmanman

rclamlam

請問你知唔知道葵青區的學額會唔會多d,  因為我住葵青, 小兒學校在荃灣,  我考慮緊邊區機會會大d!  我的目標中學是中中 (band 1尾)? 請指教!
  

sameiyi

我個女在基慧小學五年級同六年級全級考15-25名, 我本人想幫佢揀荃官, 但我個女想揀安柱, 其實兩間學校邊間好D, 有冇邊個熟識荃灣區學校的精明家長可以指點一下

Flyer66

HI RT,
我仔,原選荃灣區後來發現實在太少選擇了,固轉到葵涌區,
因為打聽倒善德幾好,所以自行便選了它,不過在面試當日,就令我改觀了,一)左右報考的仔女媽媽,個個都話自己個細路考得一般,都考全級10名內,在這相信阿仔入圍不大.二)好多人話不會知道是自行收或是派位收,在這校有第二次會面,那就機會大了.三)當日校長話比些提示我們如能入選第二次面談,在面試中必問的是:如果在日常發生學術上之問題,那誰可幫到您. (我就認為應該是老師能幫到學生,不是要答天皇補習社) 就此我放棄它了,最後選擇了直資學校, 我仔考30/180.

xmanman

Flyer66

請問你最後選擇了那間直資學校???  因為我都想了解多些直資學校,  它比官中 or 津中好嗎?? 你仔仔成績幾好呀, 點解要放棄, 而選擇直資學校呢??? 唔好意思, 問你這麼多問題, 因我兒子今年p.5, 所以想知多點!  謝謝!!

rclamlam

xmanman,

葵青區中學學位一定多於荃灣區, 因為荃灣每年都要有部份學生派去葵青區架.

中中葵青區有 - 保良局八三總理/陳兆民/伍若瑜/全完, 呢幾間可以考慮, 八三100%有band 1生, 陳兆民今年都應該有9x%係Band 1(差唔多100%), 伍若瑜就90%band 1生, 全完就7x%band 1生.

你小朋友係全級名次幾多, 如是band 1組別, 你可以揀八三/陳兆民/伍若瑜第一志願, 第二就揀全完, 第三就要揀band 2中學架啦.

rclamlam

sameiyi

你女讀邊間基慧呀? 我女舊年都係基慧讀, 不過係馬灣個間, 你女今年係六年級, 點會咁快有名次? 不過你囡囡如可以keep到名次, 就一定係band 1生, 如果想自行考到荃官同安柱機會真係好細, 反面統一派位機會大, 荃官就有尖子多出, 成績都好好, 不過又好谷學生, 安柱我聽過簡介會, 校長辦學理念好好, 雖然學生壓力都唔少, 但係見佢地個個都好開心, 普遍成績都好高, 只係無荃官咁突出.

xmanman

rclamlam

好多謝你的回覆,  你都好清楚葵青區, 你的資料好有用   !

講返我個仔, 佢算拉車邊,  即band 1尾, band 2頭,  如果頭三個揀八三/陳兆民/伍若瑜會唔會好冒險呀??   

rclamlam

Flyer66

葵青區除左善德都有好多英中好架, 你要知道係自行收生階段, 如果唔係全級20名以內去考英中, 機會就十分細, 大多數前10名既先會有機會入到, 最後能否派到去英中, 大多是統一派位時考到.
想問你仔仔宜家讀邊間直資呀? 但係全級考30應該揀番英中資助中學好o的, 我都有諗過派得唔好比阿女去讀直資, 但係要交學費真係吃力, 因我細女又要番幼稚園, 每個月開支都不少.

rclamlam

xmanman,

你一定要確定佢係咪係band 1生範圍, 如果唔係就揀既方法都唔同.

如你首三志願按你排法選, 一定好有問題, 如派唔到首兩志願, 派到第三志願既機會會很少, 暫且當是band 1尾學生, 因為band 1頭同尾都無分別, 係統一派位只係看你既組別同隨機編號好唔好, 所以唔可以太博, 博得緊要會首三志願都入唔到, 有可能派左去10志願之後既中學, 到時你真係驚到震. 所以你只可以第一揀八三/陳兆民, 第二就要揀伍若瑜, 最多第三揀全完, 呢個排法已經係有o的博架啦.

你要知道我聽朋友講, 係八三讀書真係幾辛苦, 唔會少於英中, 因為佢地好惡補英文架, 係今年11月之後, 每間中學band1都會有簡介會, 不過陳兆民/伍若瑜/全完就唔會有, 你需要問番小學同留意下區網資料.

xmanman

rclamlam

唔該你!  啊仔今年P.5, 仲有得追, 為有比D壓力 佢, 希望佢考好D,  今年都係探訂路,  在他P.6時作好準備!  所以今年就會去聽簡介會! 請問如何得知各中學的簡介會!
其實我對此三間陳兆民/伍若瑜/全完都有興趣,  不過我所知道的資料真係唔多

rclamlam

xmanman,

你宜家要阿緊要阿仔努力啦, 因為自行收生時會看番5年級全年成績同埋6年級第一次呈分試成績, 真係不可以錯失架.

個時學校有資料, 係網上面都會有家長講邊間開間簡介會, 同埋去個間中學既網頁看, 又可以打去問下.

你想再知咩資料可以再問我, 我知既一定會答你.

sameiyi

dear rclamlam,
真係好感動你咁快回應我, 我個女讀荃竟圍果間, 我講錯左, 六年級未考, 五年級下學期報分試老師話係20-25名, 五年級上學期反而好D, 係10-15名, 所以我真係有D覺得高不成低不就, 想今年揀荃官又心大心細, 而安柱又唔太識, 所以好苦惱, anyway, 真係好多謝你回應我, 希望你既經驗可以指點下我

rclamlam

sameiyi,

大家分享經驗姐, 無所謂啦, 我都想你個女可以考到好既中學.
當然啦, 20-25名真係唔上唔落, 但係只要揀學校揀得好就得.
你看下阿女考第一次呈分試之後先決定邊間啦, 到時你再話我聽, 大家一齊諗下.

sameiyi

rclamlam
你意思係米自行去考安柱同荃官真係機會好微?佢啱啱考完鋼琴七級138分,上年校際鋼琴攞優異, Flyer 14個盾, 有冇着數? 我仲想問下, 我自行報考揀安柱, 電腦第一志願荃官,呢個策略有冇問題呢?

sorlo

安柱既收生標準真係高, 不過以你小朋友既課外奬項, 都算係有机, 叫佢努力的呈分試再考好成績的啦~~~

rclamlam

sameiyi,

如果你自行報安柱, 統一揀荃官中, 萬一要叩門, 安柱講明唔會考慮, 好多學校都要自行同統一第一志願都要揀番佢學校先會考慮叩門位.

宜家鋼琴真在太多人可以考到好高級數, 除非田徑方面有o的成績, 唔係都只係比無既好少少, 今年考自行可以揀兩間, 你可以兩間都報, 不過都會有分第一同第二, 你再聽下今年既方法先.