好擔心，老師話寫信叫小兒到健康院評估！！

瑩瑩老豆

ben.suki 發表於 14-6-22 23:37
小兒現在2歲10個月，老師因為覺得小兒有學習遲緩所以話去健康院評估吓！因為小兒仲未可以自行大小便及表達 ...

就算評估結果係有學習遲緩都唔駛太担心住, 我囝2歲9個月去做評估, 評定語言發展慢左一年, 要排期接受訓練, 但排政府要約2年, 私家又冇去, 只靠平時返學同在家多D 同佢講野, 到差不多四歲已講返多野, 到五歲近來做了一次評估, 大致上已冇乜問題了.

carmantse333

我囡囡都係3歲先開始戒到片無任可遲緩

LittleBallBall

回覆 瑩瑩老豆 的帖子

想問下叫私家轉介政府, 係排咩既評估? 其實我有試過去健康院問, 佢話叫我自己睇私家醫生, 睇傷風時又順便問過私家醫生, 佢又無話可以轉介番政府, 只話如果覺得佢腳肌有問題 (因為我仔成日都會話腳痛), 就去啲骨科專科照下咁.... 都無人可以講到我知進一步係可以做啲咩評估....

Olympian

你一直都有觀察小朋友的發展，所以我不覺得你遲了幫小朋友。肌肉都是以操練為主，你仔都係輕微，4歲開始操一點不遲。我估小朋友有點低張（肌肉張力低），小肌會影響自理和書寫，要找職業治療師訓練。大肌影響運動和上身穩定性（會影響書寫），還要驗檢一下有沒有肌肉協調的問題，如有運動技巧會明顯落後，如拍波，抛接波。這方面要找物理治療師訓練。可以搵私家介政府兒科，睇下政府會否安排職業或物理治療，另繼續排協康，其他機構都有服務，應唔駛排咁耐，但係我唔多熟，特殊版的家會較多資料。可先找職業治療訓練，我認為較重要。另可買書自己教個仔。

瑩瑩老豆

LittleBallBall 發表於 14-6-30 16:04
回覆 瑩瑩老豆 的帖子

想問下叫私家轉介政府, 係排咩既評估? 其實我有試過去健康院問, 佢話叫我自己睇私家 ...

我都唔知叫做乜評估, 總之我同私家講左阿囝唔講野問題, 佢就寫封信叫我fax 去大口環兒童醫院排期做評估.
到去做評估時除左語言, 另仲會做埋眼耳手腳(例如叫佢行路上落梯級)等都好全面.

可能我囝係語言問題才轉介去大口環, 而你只覺得佢腳肌有問題所以叫你去骨科.

ben.suki

知道,健康院提早7月9日約見再決定方法,見步行步,快d揾到解决方法,希望兒子盡快踏上正確路,多謝大家鼔勵

chingchingma89

你可要求普通科/兒科醫生替你寫轉介信到衞生署的CAC排期，約一個月左右，CAC會安排你和小朋友先見姑娘，見姑娘後的半年至九個月後，CAC會與你約見醫生做評估，你可根據評估結果和醫生建議排社署的服務。上述評估服務費用全免。

你又可到一些私家機構做綜合發展評估，有關評估如有心理學家認證，你可直接把有關評估報吿結果排社署服務。上述方法可縮短輪候評估的時間（約半年至九個月時間），惟評估費用約數千元不等。

ben.suki

好清楚,很感謝妳