um...................我比呢間學校一百分,老實講,我當年只係in咗兩間,一間係藍田x思,一間係又一村,in完又一村,我知道,我要嘅,就係咁樣....首先,學校入面各人嘅態度,都令我覺得好被尊重,我唔係嚟乞個學位,其次,喺每一個工作人員,老師嘅眼內,我都見到熱誠,我地唔好問孰真孰假,佢肯假比你睇,我認為,佢都係好重視你..
入學後,老師熱誠,細心,我唔知其他學校會唔會更好,但係,我已經好滿意,好記得家長會,李校長介紹全校嘅工作人員,個個笑笑口,個個由心笑出嚟,相信,呢d就係佢地嘅團隊
囝囝有氣管毛病,上個月有一個星期請咗假,老師隔幾日就打嚟問候不特止,仲叫我爭取時間休息,好照顧囝囝,呢一點問候,我認為,值千金 ,最近天氣轉,有時見囝囝返嚟可能少咗衫,可能少咗頸巾,原因係,老師有留心小朋友情況,會代為減衣,我感動到嘔電
我愛呢間學校,當然,我知道,佢比起人地講嘅名氣係輸蝕一點點,但係,我可以好肯定,又一村學校好適合我嘅小朋友,佢變得,有禮貌,有信心,喺我心目中,適合,遠遠超越"好",我亦認為,囝囝的起跑線,是充滿自信,充滿愉悅的..
最後,想回應一下有關課程深淺嘅問題,究竟,點樣為知深??點樣為之淺呢??又一村係有學卷嘅學校,佢需要跟住教署定下嘅範疇去制定佢嘅課程,我相信,呢個情況,同一般有學卷提供嘅學校唔會有好大出入,每個星期,我都見溫習簿有英文句子,e.g.,i brush my teeth everyday,又或者,普通話會教b,b,b播音樂(普通話),希望,呢少少資料,對有關課程有疑問嘅家長,會有丁點幫助..
最後,我想講,我愛又一村!!!
多謝
|
發表於 11-11-8 13:24
