喇沙小學堂費擬加56% 增至5,000元 家長斥不合理

elbar

■喇沙小學擬下學年增收堂費，由每年3,200元增至5,000元。


津貼小學名校喇沙小學擬下學年起增收堂費，由每年3,200元大幅增加至5,000元，加幅逾56%；有家長斥不合理，不滿增幅「仲高過直資學費平均加幅」，批評校方不應將費用轉嫁學生；喇沙小學則解釋，政府限制收生令其收入減少，故需靠加堂費達致收支平衡，惟未有公佈詳細開支預算。

喇沙小學上周五向家長發通告，宣佈正就加堂費收集家長意見。


通告指，因政府2008至2009年實施限制班級人數政策，學生整體人數減少兩成，堂費收入因而減少，加上過去數年校方入不敷支，未來數年需要更換冷氣、鮮風機等大規模修葺，故擬於2017/18學年起將堂費由每月320元加至500元，即每名學生全年繳交5,000元堂費；預計加費後，收入可由原本約360萬元增至560萬元。


校方：因應物價漲


該校小一家長陳女士向《蘋果》表示反對大加堂費，「加唔係唔得，但一次過加咁多就唔係太合理，一加就加超過50%，仲高過直資學費嘅加幅」，陳女士又質疑校方無逼切性加堂費，「佢可以申請教育局其他基金、QEF（優質教育基金），亦應該節流，唔應該將支出轉嫁畀家長」。


另有不願具名的家長則指出，通告僅將堂費及租場費列作學校收入，未有計算教育局資助額，質疑校方刻意營造學校入不敷支，等同誤導，促校方詳細交代堂費的運用計劃、增費理據。


喇沙小學覆稱，正就增加堂費諮詢家長。校方強調加費是因應物價上漲及局方限制班級人數政策影響，已收回的家長回覆當中，近九成同意加費。校方亦解釋，教育局資助額與堂費收入是分開處理，已主動安排家長會解答家長疑問，惟未有透露堂費的詳細運用計劃。


教育局則稱，未收到該校的增費申請，局方2002年曾批准該校每年收取3,200元的堂費申請。局方續稱，除非獲批准，否則學校不得向小一至中三班級收取堂費。

elbar

等同直資學費　學界詫異


■喇沙小學今年擬申請大幅加堂費。


教育局早年批准喇沙小學向每名學生收取3,200元堂費，校方今年擬申請大幅加堂費，津貼小學議會顧問、資深小學校長張勇邦對此感詫異，稱從未聽聞小學可收堂費，又指教育局應公開小學申請堂費的準則、程序、審批標準，供所有津小學校參考。


促教育局公佈審批準則


教育局指，根據《小學資助則例》批准喇沙小學自2002年起收取3,200元堂費，該例僅指明校方可向教育局申請堂費，以達致用於教育需要的開支，但未有列明申請準則和局方審批原則。


張勇邦稱，業界從未得悉小學可申請堂費，「我哋平日講緊320蚊一年，高過320蚊都已經要申請……冇聽過小學有堂費概念，通常高中先有」，又指教育局無公佈堂費申請準則，「咁你批得，即係有一套機制審批，咁就應該向業界解釋，最終申唔申請到都好，至少要畀大家知」。


他又質疑，津小同時獲政府資助及向家長收取與部份直資學校學費相若的堂費，做法弔詭，擔憂部份學校「越富越強」，「咁你有錢買教育服務、增加設施、改善環境，就自然可以吸引人嚟報讀」，亦質疑學生成績好會否有助申請堂費，批評局方現行做法不透明。

siden

嫌貴唔喜歡可以轉校。大把人等住個位。

QQpa

siden 發表於 17-6-2 12:25
嫌貴唔喜歡可以轉校。大把人等住個位。

相信係。即使加到SPCC 咁一樣唔夠位

hkpapa852

elbar 發表於 17-6-2 12:25
等同直資學費　學界詫異

張勇邦稱，業界從未得悉小學可申請堂費

呢句真定假呀?

不少名津小, 或者津中, N年嚟都有收堂費.

張校長間小學同一辦學團體既多間津小, 如DPS, 聖提女子, 協恩, 多年嚟一直都係咁收啦!
唔係咁都唔知呀?

雲牛

哈哈, 真係唔知依家仲有堂費呢樣嘢.

我史前讀中學時就記得有收過.

siden

雲牛 發表於 17-6-2 12:44
哈哈, 真係唔知依家仲有堂費呢樣嘢.

我史前讀中學時就記得有收過.

雖然唔係間間有，但其實堂費好common, 通常一百幾十至數百一個月。

monodad

抽水行遠D

KWBN

你情我願, 唔願意俾多＄180 一個月可以轉校, 騰出學位俾願意俾的學生就讀. 大把人想入喇沙 喇沙最少十幾年冇加堂費, 算是不錯

SingMom

hkpapa852 發表於 17-6-2 12:36
張勇邦稱，業界從未得悉小學可申請堂費

呢句真定假呀?

聖公會旗下都分開唔同堂口. 唔知唔出奇.

hkpapa852

SingMom 發表於 17-6-2 15:12
聖公會旗下都分開唔同堂口. 唔知唔出奇.

張校長貴為前任津貼小學議會主席, 現任顧問, 如果連有津小係一直收堂費都唔知, 又點講得過去呢?

咁呢個所謂教育局認可既津貼小學議會, 又有乜功用?

雲牛

不過呢個 document 係寫高中收取堂費:
http://www.edb.gov.hk/attachment ... gfai-homepage-c.pdf

[document  名真係廢: tongfai!]

SingMom

hkpapa852 發表於 17-6-2 15:25
張校長貴為前任津貼小學議會主席, 現任顧問, 如果連有津小係一直收堂費都唔知, 又點講得過去呢?

咁呢個所 ...

我之前都未聽過DPS, 聖提女子附小, 協恩等有收堂費.

MrBeast

吳得掂office 夏天可以唔開冷氣嗎？若唔得，點解會expect 學生能冇冷氣專心上課，今天的香港，這已是necessity，就算唔資助全部，都應有一部份

Soundervolt

哈哈 平均四百蚊俾學校一個月既開支，以一間用中央冷氣，室內泳池及其他高質素設施，連鋼琴都用Steinway & Sons嘅學校。如果因為嫌貴真係可以揀過第二間學校。如果喇沙轉為直資，咁既收費都應該唔會有人呱呱嘈去抽水啦。

Soundervolt

呢兩位投訴嘅陳女仕及不願透露姓名家長真實姓名叫陳蘋果同姓蘋名果兩位家長囉…我就真係冇聽到有乜反對聲音，呢個亦係經過PTA既决定。其實喇小已獲喇沙基金會資助咗唔少開支，學生已變相得到著數，根本唔使理一尐街外人指指點點，借題發揮。我真心建議未係用家既家長有機會到學校參觀，去睇下四百蚊一個月抵唔抵俾。

lunhome

樣樣都免費, ok?

Soundervolt

SingMom 發表於 17-6-2 15:41
我之前都未聽過DPS, 聖提女子附小, 協恩等有收堂費.

DPS收3000蚊，協恩附小收3000蚊，聖提女附小收1600蚊堂費一年。

Soundervolt

lunhome 發表於 17-6-2 17:22
樣樣都免費, ok?

每日加送叉燒飯就比較合理。

mcl203

Soundervolt 發表於 17-6-2 17:24
每日加送叉燒飯就比較合理。

加隻煎旦更佳 ~~~