幼小銜接唔到點算好

新手家長

做人家長甚艱難，我小朋友今年升小一，開學之後一直教到我心力交瘁，我小朋友係比較難集中既，通常坐係度一陣就開始四圍行玩其他野，其實之前幼稚園老師都有反映過呢個問題=.=加上而家讀既小學既功課聽都幾深，唔知係咪因為咁我個仔更加無心機做，如果想話訓練小朋友集中力同注意力，唔知又有咩方法呢？而家有無D班係可以訓練呢D野既呢？
另外，細仔其實好快就會K3升小一，如果之後想同細佬報D升小預備班，唔知各位又有咩推介？定其實都唔係太需要報，由佢自由發展？

brother4

上網打* 注意力訓練*有很多方法介紹。。

Yanamami

戒零食，小心選食物，盡避添加剂~

新手家長

回覆 brother4 的帖子

有無邊間中心試過是ok的？
另外，坊間會唔會有練習可以買比小朋友做下幫補下？

brother4

冇去中心試過!因亞大當年學校有支援小組，佢參加至小六。另二位家長講方法得對的!

wan_sosin

幼稚園老師已反映過，當時有無什麼建議，你做過什麼幫佢?
就算去上專注力班，一星期得一兩堂，唔會起到明顯作用，返到屋企都要自己keep住日日訓練才會有進步，所以只要屋企肯花時間幫小朋友，去唔去上堂都可以，只要你懂得一些方法就可以了

新手家長

回覆 Yanamami 的帖子

添加劑好似話會令佢更加唔專心，所以都盡量少比佢食有添加劑既野

新手家長

回覆 wan_sosin 的帖子

老師同我講佢坐唔定，我都有問可以做d咩幫到佢，老師話要同佢一齊做d佢鍾意做既野，同埋要多d draw佢attention，其實我一路都做緊，但我番工其實都唔係咁多時間可以同佢一齊玩，再加埋而家要做功課就更加難

新手家長

回覆 IloveJJ 的帖子

就係無咁多時間，所以想搵d好d既同真係幫到既center睇下會唔會好d，如果都係無幫助，可能真係考慮自己轉part-time教佢

新手家長

回覆 IloveJJ 的帖子

其實我都好怕我自己係咁谷佢會令佢反感，但我又真係好擔心佢成績係咁跌，同埋可能因為佢係大仔，我自己有時都會無耐性，因為仲有個細既要睇住，一急就容易暴躁，我先生見到我咁，就話不如搵其他人教可能會無咁大壓力

miujoey

回覆 新手家長 的帖子

我囡幼稚園都是happy school , 今天剛升小一, 完了第一次Test , 英文最差得60幾分, 我唔開心又緊張, 買了一大堆補充想俾佢做, 但靜下來想想, 其實個囡已經好乖好努力,  每日長時間在學校學習, 1星期2日仲要去參加學校樂團, 佢都無怨言又合作, 返到來仲要做功課都算快完成唔洗好勞氣, 其實一切都幾順利, 成績可以慢慢來, 只要平時佢做功課時都明白就可以了, 所以我都唔想俾佢同我自己咁大壓力, 見佢返學開心就好了.

新手家長

回覆 miujoey 的帖子

我都係呢種咁掙扎既心態，有時我都知其實佢已經表現得好好了，所以唔應該PUSH得佢太利害，如果唔報班我自己可以教到佢其實係最好既，因為小朋友最需要好多時都係媽媽既關注，我都想買少少補充同佢一齊做啊，如果你做過有邊本好用可唔可以都話我知啊？我企係書局有時真係茫無頭緒

miujoey

補充只是放假做下英文閱讀理解, 平時無時間做, keep住每晚半個鐘伴讀, 主要是英文書.

個個小朋友適應步伐都不同, 發覺家長門太緊張, 成日以為自己小朋友有病, 不太專注心散都是小朋友的通病, 大家一起加油  

miujoey

還有我囡讀phonics 一年, 竟有意外收穫, 就是默書時好易記得d字, 通常佢自己攪掂, 次次都90幾 100分.   

miujoey

IloveJJ 發表於 16-12-16 16:22
我以上講既銜接方法，係指你細那個。
讀小學那個既問題，就複雜啲。
首先，你要了解佢邊方面追唔到先?另外 ...

多謝分享, 好有用

stockmike

佢仲細, 要以一個正常小朋友係唔專心的看好去看他. 我諗呢度過來人家長都無乜邊個敢說自己小朋友小一時能像機器般專心做功課. 太少而太成熟時你又會擔心他無好奇心. 只能說現多鼓勵而不看結果, 你緊張時你情緒會影響到佢, 至佢內心好憎功課, 日後問題仲大. 先SET 低目標, 完成便算, 不執著靚唔靚對唔對, 來日方長.