小朋友上左分離班後,變得更怕分離,更唔鐘意返學

Kmnnbb

我小朋友27個月,佢不嬲都係慢熱,細膽,唔係咁鐘意同小朋友玩。由於9月要返學,所以上個月同佢上左分離班比佢適應,點知佢上完後,而家變得返playgroup一齊上堂嘅都一入門口就喊走,唔想玩唔想上,驚左！以前上playgroup都會玩的。好擔心,我可以點做幫佢。
個時上分離班,一見唔到我就會喊到落堂見到為止,放學問佢,佢會話因為見唔到媽媽,想揾媽媽,所以喊。

另,大家有無27個月好嘅playgroup介紹呀？有啲見24過月後就無playgroup


謝謝

letterland

其實學校都會比時間小朋友適應
唔使咁早再上分離班。

ngakiho

我估你小朋友未ready, 你會讀n嗎？如果讀就等返學先分離，或者讀k前開始上！唔好嚇怕佢。

我女都係膽小型，佢而家三歲，係佢自己提出要返學，因為無上n,我同佢講明媽媽唔可以陪，頭一當可陪一陣，第二堂已喊曬唔入課室，第三堂開始ok!

lokapo

我小朋友用左2個星期時間適應左。

swarovski2011

其實學校都會比時間小朋友適應 唔使咁早再上分離班。 x2
其實pn班是預備k1前適應，所以上預備班已經是提早了，毋需要再早點的
唔駛太擔心，學校有方法處理的，你同佢enjoy 下現在親子pg吧

swarovski2011

現在pg和pn是同一間學校嗎？如不是，佢適應左現在pg的學校，都要重新適應新地方，都會再喊過的，所以不用急，返pn時才開始適應吧！

Tongselina

我的小朋友都係27個月，係呢間playgroup 都上左3個月，開始試獨立上堂。上星期四喊足差不多一堂，今日半堂，有好開始！老師話唔怕，由佢慢慢。點知supervisor話叫佢去番playgroup,因為佢喊，同學望住，造成滋擾！我第一次聽到呢d說話，第二堂，佢想expect d咩！我quit左！

lamhoilam

我覺得幼稚園老師比playgroup 老師更有經驗處理呢啲事情，反而playgroup 啲老師麻麻（可能新？young? 年資短？）
不如停下，等開學，由老師處理。唔好而家就嚇親小朋友

Tongselina

原帖由 kamanching 於 16-06-21 發表
所以揀playgroup都要揀D有註冊既, 最好係個centre有註冊，老師要係註冊幼稚園老師, 个要有經驗先得。有好多 ...

其實我地都盡量配合，係上分離玩之前都有同老師講左囡會勁喊，可能會影響同學,係佢地話正常，唔使擔心，好多小朋友都係gum..初期又叫我地上堂初期陪佢，慢慢放手，跟住又話晤陪得，爸爸坐出面，開門俾佢望到,跟住又話唔開得門，叫我地出去由佢喊，爸爸立即出去，由佢喊！佢喊又話滋擾！咩都跟佢地做！轉黎轉去都係1-2堂的事！大人都唔知你想做咩，可況BB

Tongselina

原帖由 kamanching 於 16-06-21 發表
所以揀playgroup都要揀D有註冊既, 最好係個centre有註冊，老師要係註冊幼稚園老師, 个要有經驗先得。有好多 ...

其實個度所有老師都好好！老師非常有愛心，好錫小朋友，係個supervisor,不是落手教的那位！

vpo0615

當年返PN啱啱開學時, 好多小朋友未入門口已喊, 正常喎, 幼稚園D老師/主任/校長有晒準備; 過咗兩三個禮拜, 已無乜小朋友喊喇.

janice0909

我仔仔都上緊自己返既playgroup, 頭兩三個星期同你情況一樣，去到樓下已經喊定，果度做既姐姐話佢淨係同我分離先喊得咁勁，上堂係無問題好開心，佢地幫我影左好多仔仔既相，又拍片俾我睇，真係笑哂！個仔好奸！係我面前做戲！哈哈！做媽咪有時要識放手，信佢做到，佢宜家頭也不回直衝入班房

deenpo

不如你鼓勵下佢，如果你今次番學唔喊，有獎勵。例如你叫佢講想食啲咩，or有咩玩具咁。
我囝係歲半上cpda分離班,第一堂分離，全場小朋友都喊，上多幾堂都有進步。最last 果次，個衰囝仲扮喊呃我。所以，喊係過程。俾佢自己慢慢調節啦。

你越唔肯放手，佢越難成長架。

Tongselina

我而家俾佢上芭蕾舞！好彩元朗小公主非常好，可以俾我一齊慢慢試！

Kmnnbb

回覆 ngakiho 的帖子

我仔會讀n,所以先諗住比佢早啲小班啲時候慢慢適應,點知仲嚇怕左佢