開始見有媽媽講報k1資料。。感慨萬分

ella1029

令我想起上年幫囡囡報名及interview 時的情況。。。。。取報名表時排長龍。。Interview 撞時間。。。Interview 臨場表現唔好。。。日日上bk 睇消息。。。日日睇信箱結果。。。收到waiting/reject letter 等。。真係大半年都處於作戰狀態。。希望將報k1既媽媽積極面對，放鬆心情，唔好比咁大壓力比小朋友

ccoic

原帖由 ella1029 於 13-05-11 發表
令我想起上年幫囡囡報名及interview 時的情況。。。。。取報名表時排長龍。。Interview 撞時間。。。Interv ...

我女係09年12月B, 上兩年我都重複以上你所提及的步驟，(2011年以細B身份報K1, 2012再以超大B身份報)，今年終於可以抖下………

mrschiang

好感慨咁快又一年，希望今年報考K1既小朋友個個都可以得到心儀既offer^^

kittyland06

各位媽咪，港島區除咗 st Paul 仲有邊間必報？我個女會响維記讀 pn.

ella1029

因為競爭激烈, 所以我上年都報左好多間有真光,spk,救恩,kcs,ST CLARE'S ,聖心,明我,玫瑰崗,寶血,上書房,...好誇張

kittyland06

終於讀邊間呀？

petercck

唔駛咁緊張喎，
一場遊戲而已。

luckyveronique

走過來這一步才知道當真就是一場遊戲罷了！

面試4家，三家有offer，偏偏最想入的比waiting，慢慢調整好心態選擇一間并繳了昂貴的學費和按金后（因是國際學校），心儀KG開始了call waiting，仲要系AM。。。真系一場遊戲一場夢。早知如此何必苦苦折磨自己

小洪寶

Bb 係11月細仔，面試機會少之又少，今年再戰k1, 有左上年經驗，又多左選擇，心情反而輕鬆。
就算今年多左面試機會，細仔都係吾箸數，得吾得靠佢自己Lu, 做亞媽用愛支持就ok

bingbingo

在上年只報了數間 KG，幸運地完全沒有撞時間或一日要 in 兩間甚至乎數間的情況出現，總算是平平安安地渡過了。亦很幸運地獲得了理想的 offer。在此多謝 EK 媽媽們的鼓勵和互相扶持、資訊的不斷交流。不論孩子有多大，做爸媽的，總有牽掛。總之，在任何階段，都一起繼續努力，然後平常心面對結果，共勉之。

joysic

我一直都係以平常心面對、
...我覚得個細路開心最重要。
因為依家0的童年實在太辛苦...百般武藝sigh@@

anniehah

回復 小洪寶 的帖子

我仔仔都係11年11月出世, in得少同樣沒有offer, 家下都只有樓下一間offer, 所以都留左位. 今年主要in k1 希望可以搵到間心意ga幼稚園,
但對幼稚園都唔係太了解....好擔心好緊張...

ella1029

回復 anniehah 的帖子

我囡囡10月尾bb...in PN得一間Offer, 好彩最後call waiting入到附近學校...到in k1時上 bk 睇到好多mama分享d面試過程同d學校情況...真係有好大幫助

bingbingo

原帖由 anniehah 於 13-05-13 發表
回復 小洪寶 的帖子

我仔仔都係11年11月出世, in得少同樣沒有offer, 家下都只有樓下一間offer, 所以都留左 ...

可能要考慮會不會再考 2014 年 N 班，轉做超大B！有一些受歡迎的學校不接受 8 月後出生的小朋友報 N 班；有些不接受 10 月後出生的小朋友報 K1。但也有一些不接受超大B，要 check 清楚心儀幼稚園的要求再去佈署！

anniehah

回復 bingbingo 的帖子

新手媽咪好煩, 好擔心....開始越來緊張........

taktakchichi

bingbingo 發表於 13-5-13 17:09
可能要考慮會不會再考 2014 年 N 班，轉做超大B！有一些受歡迎的學校不接受 8 月後出生的小朋友報 N 班；有 ...

己經好少學校會寫明8月/10月以後出生唔收K1申請, 因為教育局講明K1適齡係2歳8毎個月.... 休息一年K2下學校再開始考小一啦

小洪寶

我暫時無計劃做大b，想小朋友試下先。我都知道吾同學校有吾同規定，好彩我吾係非某間學校不入既家長，我既心態係口碑好學校收當然開心，人家學校覺得亞仔吾岩吾收都無計，第二間可能仲岩亞仔呢

oooasis

好有感觸！
由上年pn開始，當時只報了幾間，結果全軍覆沒！那種失落，徬徨，被否定的感覺現在都記得。
然後到k1，識驚，報了十幾間，每一間都認真努力對待，不知用了多少時間和心血。
取表，填表，用了過百張A4紙，一個字寫得唔靚就全部再填過，上網揾學校資料睇到半夜。買面試服飾買了過萬，影800蚊的報名照，全因沒有信心，太緊張。試過壓力太大，伏在檯上哭了出來，也試過收到心儀offer開心到想喊。

現在回頭看當時的自己，真係覺得好可笑。但這成個過程令我學到好多野，更加從容淡定的去面對得失勝負，亦更加清楚女兒的優缺點，擅長和不足之處。更加明白幼兒階段最重要的是獨立自信，禮貌，良好的性格和基本的生活常識，而這一切，都是需要父母長時間的陪伴，關愛，教導，才可得到的品格。而不是學術，playgroup，面試班，可以學到的。
希望來年的家長，都可以入到心儀的學校。