心儀學校收咗，可否早點放留d位出黎?

gulubma

作為waiting 小朋友媽咪的我們，度日如年，我地早日收到電話，又會可以早d通知而家學校唔讀下年k1, 學校又可通知其他媽咪有位，佢地又可早日放下心頭大石！

其實小朋友最無奈，9月1日番咗一日，9月2日又要番新學校， 校服都買唔切，心情都冇時間tune 好，有個暑假俾媽咪講下新學校，去下新學校玩下，同其他新同學和老師都好。

努力合作才能抵抗香港這個咁變態嘅教育制度!

協恩收咗，交咗留位費係聖心，聖羅撒，根德園嘅媽咪可否做好心，打電話俾學校放番個位出黎？

Aaby

完全明白你的心情
我一定會o係協恩交留位前作出決擇，可能會唔去協恩交留位。
但以我所知, 好多學校都係等到5月交埋大訂，先會call waiting。

jasonicole

無錯呀！大家都身為家長都應該明白其他家長的心情！我小朋友是好彩已有心儀學校收左，但都好明白其他正等待學位的家長感受，大家早幾個月決定選校，就能幫到其他人！我相信未有offer的家長等這幾個月都會好辛苦呢！請大家幫下其他人喇！

IPSSJ

呢幾個月,每一曰都好難過,真係度日如年~但我深信所有小朋友一定會有間好好嘅學校收嘅!希望在明天!

BeeBee1129

我相信上天會有安排嘅, 仲有SPK到時仲多家長放位.

cindy1980

下星期宣道放榜，希望在人間

gulubma

回復 Aaby 的帖子

謝謝你aaby!!!
希望身為人父母的我們以身作則，做事唔好遲疑不決! 唔好下下要到交9月學費，甚至開學日都仲此係到諗!


其實，耍龍校，留住個名校幹什麼? 全都係數一數二的學校，你怕佢關門唔辦學? 想阿囡入女校，留番間男女校幹什麼? 你怕番到學先知原來係男生?早D俾小朋友知多D新學校嘅人和事仲好啦!


我真心希望各位開thread問 XX vs YY，問到前軰俾咗咁多寶貴嘅意見同資料後，真係為早日下決定，而唔係齋晒自己阿仔阿囡有幾叻!


晒野唔該上天台!

(呻完，唔該晒!!)

nekoti

回復 gulubma 的帖子

我都有同感.. 見到有5, 6個offers, 問人意見邊間好, 我心諗: 你有多一個offers既時侯唔係應該已經同之前交留位費果間比較下邊間好d, 如果係之後果間好d, 就算交左留位費都應該打番電話去放番個位出來, 反之就後來者唔好交留位費.雖然話好多學校5月左右先call waiting, 但係始終都係選一間姐, 係咪真係要到last minute 先決定到?!

manbe

有d人仲會因為有選擇困難症而最後好怪獸咁比小朋友讀兩間學校，為咩呢

gulubma

teambuilder

明白樓主心情，不過希望各位明白唔係所有家長都會一早肯定會讀邊間。我有時都會問人，女拔好定係協恩好，十次有九次的答案都係：收你先算

而且有時報呢班係會派去另一班。即係報英普，但派中英，報上午，就派下午。更有些學校，報今年，派下年。。

對於選擇幼稚園，每個人handle方法唔同。我會尊重其他人的權利。如果有好心人放位，不論佢係諗左一日就放定係諗左一個月先放，都係佢地的選擇，而咁樣亦不代表有選擇困難症，講完。

gulubma

看人家答你的答案就明白你你問時人地未收你，而我所講係收到多間學校取錄信先出post問的情況。

一句講晒，風水輪流轉，今日你咁對你，明日人地咁對你，k1只是開始，仲有小一！！！

teambuilder

回復 gulubma 的帖子

你想點對人？人地呢一刻唔放位出黎係因為未揀掂。他日換轉係你揀唔掂唔通就草草決定？咁不如邊間收就讀邊間好了，何必追求名幼？ 同埋我冇hold位。

gulubma

唔係申請學校時已經對學校有一定的瞭解？，或者你覺得見人地報，多人報，係名校就報咗先就唔係草草了事？

上得黎ek嘅家長大多數早係小孩已在媽媽肚內上bk, ，平心而論，pn都點都開始計劃啦，好 ，上年9／10月報名至而家都6個多月啦，要做到取錄信先諗?

其實，名校的正取生不是幸運，爸爸媽媽一定有悉心栽培，不知練習過多少片模擬面試，出去同少個陌生人打交道，a-z,1-10, 顏色是最基本了。

我完全覺得你所說的是這班爸爸媽媽多年來所作的努力嘅“悔辱“！

正所謂“針唔到肉就唔知痛“, 我只想講出我地這班waiting 爸爸媽媽的心聲！

只想大家係ek, 甚至早係bk 媽咪會日日吹水嘅'舊相好‘ 幫手，已作決定的，請幫手打電話俾交咗留位費的學校，等學校早點call waiting.

做個負責任的人，讓有需要的人受惠。

Salad316

teambuilder, 唔駛咁谷氣，我路過睇你所寫嘅嘢都好客觀。可能有d 人太擔心，一時情急先咁講。不過討論還討論，你唔同意人地嘅觀點，都唔駛好似詛咒我得不到祝你都得不到咁嘅態度對人。話人者自己先諗下如果換著自己會唔會可以咁瀟灑決定到！

大家都係作為父母，明白未有理想offer嘅心情。但有offer嘅父母無得罪你，唔駛咁偏激咁指控人地。我曾經睇過另一d 叫人讓位嘅表題，一post出嚟就一呼百應，好多都想互相幫助。問人意見就話斷定人地用意在於曬嘢！你係佢地咩，點緊肯定啊！EK根本用呢分享教育意見嘅，係度問下都好正常je！就話人有選擇困難。講嘢會唔會刻薄一d呀？萬望自重吧！

jacobkit

我覺得大家唔好太擔心，其實WAITING 的位好少，排WAITING 的人也不少。

現在呢個香港無話小朋友無書讀的~我覺得在幼兒教育，學校都唔係最緊要，最緊要都係父母點樣教，斷估在幼稚園都唔會有咩群埋D唔好同學之類的問題
。老師現在都好多有大學程度，愛心耐性名幼唔會特別多

如果你只是諗住入了名幼天都光哂，指意哂學校，個小朋友最後都唔會有咩進步。

最後，一個小朋友ON WAITING、另一個小朋友入正選 實有原因，可能小朋友同呢間學校唔夾LA

kittyland06

大家都唔好咁勞氣。怪只怪香港嘅畸型教育制度及呢10年多咗好幾萬雙非嬰搶位。我自己住港島區，確實名校很多，但見到二千幾人報蘇浙玫瑰崗而有家長住深井青衣，我想問點解要3歲小朋友7點起身搭成個鐘車返半日學？家長真係覺得每天在校車上兩個鐘之後仲有心機返學？你可以話學校收就搬屋，真係咁易咩？一般中產真係賣樓買樓咁易？定為咗個小朋友比多萬幾蚊租而搬係值得？咁多家長人報我報，最後 suffer 係小朋友走幾場 interview. 我自問一間九龍學校都冇報將來亦唔會報，so far 亦只 register 咗 1 間幼稚園，主要真係希望小朋友返學返得開心！

macy456

大家亙相支持加油啦~ 希望在明天! 有時候見到人0地好多offers, 都明白可能其他人0既小朋友月份比較優勝, 而且父母下了苦功, 唔表示我0地無, 不過出來0既效果唔一樣. 可否入心儀0既學校其實真係其次, 如果真係和那些好學校無緣, 最少我們努力了, 入到唔一定識飛, 入唔到又唔一定無運行.....等待好辛苦, 又有點壓力, 不過you are not alone, 亙勉之.

albb

回復 nekoti 的帖子

講得好啱

albb

gulubma 發表於 13-3-2 16:14
看人家答你的答案就明白你你問時人地未收你，而我所講係收到多間學校取錄信先出post問的情況。

一句講晒， ...

多點包容，對自己下一代都係好事，如果人地係無咩受過唔識揀，又或者心理有缺失，都唔知自己想點。

連如何應變計劃都冇的人，他們子女都可能是受害者，咁我地都要體諒人地，
多年前我亦是被這班人對待過的過來人


Am pm又諗一餐，淨得pm又諗一輪

呢間近又冇普通話，好果間有英文又得下午，

其實都係得啖笑，冇得揀好地地，有得揀又多多聲氣，令一班冇野在手既媽咪煩惱。

其實幼稚園都只係起點，想小孩多點競爭力，只靠幼稚園一定唔得囉！