世襲生暴增 名小一爭崩頭

NICOLE123

世襲生暴增 名小一爭崩頭
(星島)2011年1月13日 星期四 05:30
(綜合報道)

(星島日報    報道)新學年官津小學小一統一派位月底展開，根據教育局公布數據，全港統一學額將減少近一千八百個，其中受「世襲制」影響，全港近二百四十所小學逾千個統一學額被「侵蝕」，而十九所小學在新學年推行小班教學，令統一學額減少近四百個。有小學校長指，學校取錄「世襲生」創新高，相信受到「沙士    」後嬰兒潮影響，預計個別受家長歡迎學校的
學額競爭更為激烈。另外，全港有五十所小學未能在自行收生階段達取錄十六人的「開班線」，面臨殺校危機。

　　記者：梁子健

　　在剛過去的小一自行收生階段，未獲派學位的學生須於本月二十二日至二十三日，辦理統一派位選校手續。教育局公布最新的小學統一派位學額資料，經本報統計，學校取錄有兄姊就讀或父母任職的「世襲生」人數今年明顯暴增，近二百四十所小學合共逾一千一百個統一學額因「世襲制」而被扣起，較去年約七百九十個增加逾四成。

　　「世襲位」較去年增四成

　　天主教伍華小學與南元朗官立小學被「世襲制」而扣起的統一學額多達十九個，約佔該校三成的統一學額，並列全港取錄最多「世襲生」的學校。南元朗官立小學去年起推行小班教學，校長李慧珠指自行收生階段接獲申請較去年增加一成，她相信「沙士」後出現嬰兒出生潮，不少嬰兒屬家庭裏的第二胎，而今年適齡入讀小一時兄姊仍然在學，故學校取錄的「世襲生」有所上升。伍華小學校長關偉華建議，家長在統一派位時應審視區內學校的競爭情況，「統一派位時選校策略宜保守些，以免最終兩頭不到岸」。

　　多所地區名校統一派位學額亦被「世襲位」佔用，其中九龍城區的拔萃小學及喇沙小學分別減少十一個及六個學額；東區的北角官立小學減少十一個；灣仔區的軒尼詩道官立上午小學減少七個；沙田    區的浸信會呂明才小學
則減少十四個。

　　「沙士」後嬰兒潮所致

　　津貼小學議會主席張勇邦認為，「世襲位」以有兄姊就讀為主要取錄條件，現時本港家庭以獨生或兩個子女為主，預期「世襲位」暴增未必持續出現。對於有意見質疑「世襲制」影響社會向上流動，他認為學校取錄「世襲生」無可厚非，「從家長照顧子女的角度來看，總不可以兄弟姊妹『東一個，西一個』」。他呼籲，家長在統一派位宜分析區內學校形勢，多考慮區內一些冒起的學校，不應只盲目追求名校。

　　聖公會油塘基顯小學總校長李少鶴亦指，家長以平常心看待學額競爭，因應子女興趣與能力選校，不必過分緊張。

　　50校收生未達開班線

　　在自行收生階段，共有五十所學校未能取錄達十六人的「開班線」，其中二十八所更取錄少於十名學生，其中九龍城、沙田、油尖旺及深水?區各佔三校，若統一派位階段取錄人數仍未達標，將面臨殺校危機。去年因收生不足而一度面臨殺校，其後獲准開辦自資私立小一的樂善堂劉德學校，在自行收生階段已取錄十九人，校長陳嘉敏表示當局下學年起將恢復資助，殺校危機解除，而辦學團體注資舉辦英語遊戲小組，成功重拾家長信心。至於去年同樣面臨收生不足，將軍澳    的基督教神召會梁省德小學及中西區的新會商會學校，自行
收生階段則分別取錄十名及十四名學生，仍未擺脫收生不足的陰霾。

fanwong29

分分鐘每個校網衹心儀1間2間,揀直資/私校報幾多間都無問題,將來催世直資/私校競爭性好大,好嘅學校只有越來越難入,升中學都是一樣,揀番一條龍來back up先有保障。

w_y

世襲戶真係開心又放心. 官津仲要免費教育添. 羨慕不已.

Daniel-Florence

世襲位是否應該癈除?

silvia_ng

原帖由 Daniel-Florence 於 11-1-13 14:42 發表
世襲位是否應該癈除?

要廢就更加要廢宗教分, 舊生分。世襲分就好難廢除, 因為一個家長要去兩間學校照顧兩個唔同小朋友, 一陣又見家長, 一陣又運動會, 好難HANDLE。

但宗教同舊生就真係冇意思! 如果個老公以前喇叭舊生, 咁佢個仔又可以入埋去, 就真係世世代代都比佢地入哂啦。

lovelyaudrey

1000%絕對同意

sthnothing

舉埋腳贊成!!!!!

原帖由 silvia_ng 於 11-1-13 14:47 發表


要廢就更加要廢宗教分, 舊生分。世襲分就好難廢除, 因為一個家長要去兩間學校照顧兩個唔同小朋友, 一陣又見家長, 一陣又運動會, 好難HANDLE。

但宗教同舊生就真係冇意思! 如果個老公以前喇叭舊生, 咁佢個仔又可以 ...

Daniel-Florence

Yup, u're right!

原帖由 silvia_ng 於 11-1-13 14:47 發表


要廢就更加要廢宗教分, 舊生分。世襲分就好難廢除, 因為一個家長要去兩間學校照顧兩個唔同小朋友, 一陣又見家長, 一陣又運動會, 好難HANDLE。

但宗教同舊生就真係冇意思! 如果個老公以前喇叭舊生, 咁佢個仔又可以 ...

GoodGrief

我是舊生，對學校的成功有小小小小的幫助和貢獻，可否讓我的子女多小小小小的機會呢，多一點點分？

[ 本帖最後由 GoodGrief 於 11-1-13 20:12 編輯 ]

chunyatmama

I agree to cancel the marks for old boys and old girls as I cannot see the benefit to the kids with this background.  For religion marks is desirable as the school may prefer student from the same religion background.

icbb1230

舊生分-我都贊成廢除。如我冇估錯，優先收舊生子女原因係父/母可以順利d幫助小孩適應及過渡小學生活。但係父母同子女年齡相差起碼廿幾年，廿幾年，學校內大部份嘢都變哂啦，父母都已唔認識學校啦！點幫啫！

宗教分-無得講，大條道理: 教會有責任培養教友子女成為教徒，所以讓教友子女在良好的宗教環境成長是有需要的。

Sheepy

完全唔贊成宗教分, 雖然原意係讓教友子女在良好的宗教環境成長, 不過d人可以因為嗰5分去做d違背良心的事, 而且小朋友因為無宗教或者唔同宗教而入唔到間學校真係好無奈囉! 我都係在中學時在學校的佈道會信主ga! 學校去令學生信佢的宗教唔係更好?

karen55407

父母為畢業生並非世襲，世襲生是指兄姊在該校就讀中或父母在該校任職。試想想如果你有大仔或大女讀緊，學校唔收你個細仔或細女，你同意嗎？如果你係學校教職員，你會唔會覺得學校唔收你嘅小朋友就係合理吖！

原帖由 Daniel-Florence 於 11-1-13 14:42 發表
世襲位是否應該癈除?

siulili

其實教職員呢個世襲分真係唔應該有，點解父母係到打工， 阿仔阿女就一定要收？ 唔通返緊工都可以方便照顧D仔女？  咁阿爸阿媽係HKU做校工， 咁HKU係咪一定要收佢入學？

其實正常情況下，父母都唔想同子女同校，在校小朋友如何分清父母／老師的身份？ 小朋友在朋輩間會否變相有特權？ 我就有聽聞過老師的子女因為這靠山去欺負同學啦。仲要係一間係人都話校風好的學校呢！

DBSPS在這情況我反而覺得做得比較好，老師的兒子一樣要經過INTERVIEW，但講明唔一定收， 和其他APPLIANTS同一個原則決定取錄與否。 但如果取錄， 作為教職員子女，可免費就讀，這是作為教職員的褔利， 而並唔係特權囉。

karen55407

其實我好多朋友喺官津校教書都無比自己小朋友讀返自己學校，只是有世襲優勢，但沒有使用。

原帖由 siulili 於 11-1-14 09:32 發表
其實教職員呢個世襲分真係唔應該有，點解父母係到打工， 阿仔阿女就一定要收？ 唔通返緊工都可以方便照顧D仔女？  咁阿爸阿媽係HKU做校工， 咁HKU係咪一定要收佢入學？

其實正常情況下，父母都唔想同子女同校，在校小朋友如何分清父 ...

siulili

如果你的朋友係果D超級名校教， 你估佢地會唔會使用呢？  我識好多人都有使用。 所以我先出我之前的POST。

其實我都有家人係教地區名校， 但唔係果種超級名校， 佢地都唔比仔女讀自已果間，去左隔離區報果區的地區名校。 當然佢地有把握先會咁做啦。 我親戚話同自已小朋友同校唔係咁好， 而且自已知自已學校的問題，都係唔好比仔女報讀啦。

原帖由 karen55407 於 11-1-14 11:30 發表
其實我好多朋友喺官津校教書都無比自己小朋友讀返自己學校，只是有世襲優勢，但沒有使用。