失去對子女教導的耐性了

ROSANNA

自從九月開始做全職媽咪, 發覺跟囡囡的關係沒有以前那麼好, 一來沒有工人幫手, 二來長時間對住真的沒有以前那麼有耐性, 有時見她做數學錯來錯去都犯同一樣的錯就火都黎, 次次叫自己不要勞氣, 但係最後都忍不到.  其實自己對她的要求又真係高了些.  但自己又Control吾到自己, 很多時在學校門口接囡囡放學, 都聽到很多家長訴說自己子女考試或測驗如何大意, 發覺都發生在自己囡囡身上, 但係每次責罵她後都十分內疚.  想知你地D全職媽咪有冇好似我咁癲癲地???

Leomami

Rosanna,
     我認為呢種行為唔係癲癲

ROSANNA

Leomami,

謝謝你的意見, 我會試一試! 有空再交流下.

xp

我雖然唔係全職媽咪,但每晚放工買餸煮飯吃完又要教剛讀小一的囝囝做功課,開頭都好好心情同佢檢查功課,但到最後都係我發老脾!

朋友媽

我亦是因個女今年開始讀小一，所以剛開始做全職媽咪，全職媽咪真是很苦悶啊! 個腦好似唔使用咁，所以未全副精神全集中係個小朋友身上，好似自己監視佢咁，以前因工作很少時間對住，未唔多覺，宜家日對夜對梗覺佢曳，常常提醒自己要冷靜要比d耐性，但唔知點解d火話來就來，收都收唔切，d功課重緊張個佢，見佢亂來，巴不得自己做埋佢果份無咁嬲，我老公都話我變得好無耐性又惡死左，我自己都覺得，但又要教功課溫習，又要做家務煮飯，心情梗煩躁d啦!

桃子

Rosanna,

這是正常現象. 因為我地做全職媽咪日日大部分時間都係對住小朋友, 對佢地一定係有d 要求架啦! 初時我都好似你o禁, 一唔順眼就話佢, 令到親子關係好差, 有時都覺得自己好煩.
後來我睇左d 有關親子的書, 都係好似leomami 所講. 不過就真係要慢慢學習, 仲有記住如果佢地做得好, 就一定要讚下.

其實做全職媽咪一d 都唔容易, 希望大家努力練功(控制自己情緒), 小朋友聽教聽話. 想發火咪上來bk 同大家呻下law.  

小孩子的天空

我也是兒子今年開始讀小一，個仔派中文測驗時看到火起，剩係D點，撇扣了十多分．我咪起勢咁鬧佢，之後都好後悔．不景他是第一次測驗，我咪同佢friend反，在晚上慢慢傾下，點知佢話比我知佢今天測英文好快做完仲訓在！收卷時老師才叫他起來，佢仲以為好叻，我差D氣死！ :evil:

ROSANNA

小孩子的天空:

你個囝又真係幾好笑, 當然吾係我個囝我就笑得出, 如果係我個囡, 我一定會好似一隻獅子咁"咆哮"!

ckw921

Not only you.  As a working daddy, I have been losing temper for a long time, esp. when you are tired / sick you still have to teach the kid.  Indeed, I think the current syallabus has already exceeded the mentalities of p.1 students.  That's why they always fail to meet our requirements.  If I were rich enough, I would let my kids have an easier and happy primary school days.

jazzmama

同意呀, 依家 d 傳統學校為左操 fit d 小朋友,
出埋 d 陰濕題目, d 小朋友錯得多, 又唔合格,
攪到無晒自信心  :evil:

karencircle

我昨天都對阿囡發晒火，她放學後還一邊跳跳紮一邊吃下午茶，怎知一吃完埋位做功課就話眼訓，寫到d字亂七八糟。叫她擦左寫過就望著我喊。現在返全日制d時間很趕，要早早就上床睡。放學返到家到上床只有三個多鐘，但是就有十幾樣事要完成，遇著囡囡這個慢郎中，真是皮質諄直線上升。

kammyman

絕對喺我ge心聲,不過我嗰個喺囝.大家互勉啦!
kammy

karencircle 寫道:
我昨天都對阿囡發晒火，她放學後還一邊跳跳紮一邊吃下午茶，怎知一吃完埋位做功課就話眼訓，寫到d字亂七八糟。叫她擦左寫過就望著我喊。現在返全日制d時間很趕，要早早就上床睡。放學返到家到上床只有三個多鐘，但是就有十幾樣事要完成，遇著囡囡這個慢郎中，真是皮質諄直線上升。

Charlotte_Hung

我都遇到相似的問題，真係好激氣。
我想只有極高EQ的人，才能好好的教導小朋友；我曾在雜誌上看過一遍文章，文章中提及兒女是上天送給我們訓練EQ的人，或者我要跟囝囝說多謝，因為他每天都在訓練我的EQ！
  :wink:

karencircle

兒女是上天送給我們訓練EQ的人

我以前周圍的人都覺得我EQ都幾好，而我亦太高估自己la，現在上天給我一個再培訓的機會。我都要好好多謝下這個好像天使又似魔鬼的小老師。

winoma

我EQ唔高(我老公都成日話我), 現在有時都比阿囝激死, 呀!見你地小朋友返P.1咁情形, 我弟日咪嘔血, 好, 我要現在開始努力訓練自己.

Jean

呢個問題已經纏繞左我好耐.  每當我對個仔發完脾氣後, 我會一直內疚,一直down,一直同自己講今晚一定一定唔好再鬧,一直想下用什麼方法避免發火,直至第二晚. 足足折磨自己10幾個鍾. 好啦,已經ready好要溫柔教佢,諗住因材施教又諗住一面講笑一面教,到後來大家都知道個ending. 即使大火燒唔起,星星之火點都有. 多謝大家俾個位我係到嗔!    :-|   

cow

如果父或母開始發火，便由另一個教，應該會有幫助。

greatgirl

在香港讀書是這樣的了。很漂亮的教仔theory是冷靜下來才想到的。香港電台每星期日早上鄧靄琳主持的program, always mention a lots of 親子relationship，都講得好有道理。但鄧靄琳和其中兩位城中媽咪曾接受magazine interview，大約係話以前跟大家的worst situation 差不多；但現在的親子relationship已大大改善了.......because.... they all changed from local schools to Internatinal schools!!! Sounds easy if you have money. Our education Dept 高官羅太曾被人questions she didn't understand our 苦况because her sons were studies in Int'l School...her explanation was.... because her sons came back with her from England or wherever when she was assigned to work oversea. That's why she needed to put them in Int'l School after return to HK. But if 她之前是派往大陸或落後國家工作，佢番HK會唔會俾個仔讀親中或程度差的學校吖？
你們已經很偉大，其實個個local shcools' parents, 9 out of 10 都是這樣的。唯有發顛時入bathroom or bedroom 清醒cool down一下再教。多D同小朋友communicate及向小朋友say sorry lor! Let them know you are their parents not DEVIL!

SYMAMA

原來大家面對同一個問題, 前天我問她覺得老師們怎樣, 她說她的ORAL老師跟我一樣咁惡 :evil: 我跟住答,我就是這樣教你, 如果我不是這樣教你, 你真的會自動自覺地做完所有的功課,溫習和讀書嗎 你現在的成績是怎樣得來的?試想想.
而我女兒只用眼看著我,然後就笑啦

BBee

等我回應下先!!!!
我都好似你地一樣有時癲癲地,連老公都話我EQ比以前差,真是好唔開心~!都唔諒解我!!!  每次我覺得忍唔住就入廁所洗手洗面,入廚房飲水,(都好浪費食水!!!)

還有三個鐘(放學啦!)又就到我的EQ Training Course...

大家比心機呀!!!!!!!