CAC言語治療師

April2019

小兒正在排E位, 剛收到月中可見CAC言語治療師, 話預2小時.
請問有經驗媽媽, 這次是否做評估的呢? 之後仲會唔會有 session 跟進?
或只是普通見議?
謝謝!  

legolas625

我見過大口環的ST，第一次等左半年，見左1小時，做評估，問我係咪排緊E位，我話係，ST話因為已排緊(其實排緊唔代表有，好多人排左2年先有)，只可再安排一堂，教你點教小朋友，再有一堂係小組，要再等6至9個月，等通知。

第二次ST係第一次的一個半月後，係另一個ST，做小小評估試下個小朋友，再教左小小技巧，岩岩半個鐘就送客。我同先生慨嘆千辛萬苦搭兩粒鐘車黎，見就半個鐘，無太大得著。

我感覺係求其，如第一位ST話計番個語言能力俾我，最後無左件事，趕住散場，接見下一名小朋友。

本以為有E位之前，可以有醫院頂住先，其實係唔得，因為我見過的OT治療師，不幸地都係求其型，俾人感覺唔想做，無做評估就話我小朋友感統無問題。只不過安排左俾你，有好過無，唔好太大期望。

好彩我而家有小朋友後交少左稅，如果要交幾皮稅養呢班人，我會好激氣，政府工真係好做。

不過，ST有講評估結果會寫落報告，醫生會見到。

clingy

多謝分享！我小朋友等佐年幾了，都仲未有得見st評估。我地自己出去做st，一堂幾百蚊，已經上了差唔多20堂。我估等到cac的st評估時候，我小朋友都唔算太落後了

carmenkmlo

原帖由 legolas625 於 14-09-05 發表
我見過大口環的ST，第一次等左半年，見左1小時，做評估，問我係咪排緊E位，我話係，ST話因為已排緊(其實排 ...

完全講中晒心聲。
我小朋友聽障+言語遲緩(私人及CAC已評估)，
現在排緊E位，問CAC可否安排他先上ST,
言語評估姑娘說他已排E位，所以不會安排ST!

E位基本要等1-1.5年，私人ST要$600-$800上45分鐘。無可能負擔這筆昂貴費用！
作為父母，眼白白看著小朋友錯過黃金治療時間。

其實，政府教育完全忽視SEN小朋友，
資源不足，又沒有完善配套及支援幫助家長。家長既要接受小朋友特殊需要的事實，
又要自己尋求解決方法。

教育局聽覺訓練服務小組，
只安排2次訓練給小朋友…
半小時內…也只跟handout解讀，
基本沒有直接教授怎樣令小朋友開口及模仿的技巧。有點hea的感覺…
山長水遠帶小朋友去…我自覺浪費了時間及不值。

legolas625

有時我覺得呢班SEN家長似人球

社會福利署、教育局、醫管局，衞生署，當我們係人球，把我們踢來踢去，其實是推卸責任，例如話另一邊會幫你，所以我地呢邊唔會再跟，又例如話好多人等緊，因為多左大陸人，你要有心理準備要等好耐，口口聲聲話盡早介入，咩黃金治療期，根本講一套做一套。

carmenkmlo

legolas625 發表於 14-9-9 12:55
有時我覺得呢班SEN家長似人球

社會福利署、教育局、醫管局，衞生署，當我們係人球，把我們踢來踢去，其實 ...

所以如果父母全相信政府，小朋友會錯過很多機會及浪費時間。
現在我也不會坐以待斃，也積極找一些小組課程給小朋友。

係呢，Legolas625，想請教一下，
妳小朋友現在是否已上緊E位？
或者他的言語有否改善？

legolas625

只見過e位的st一次，話10月起隔周，或一個月2堂，未知成效，但其實好靠父母教講野

legolas625

其實e位我覺得好少堂，連pst都唔係每周有，資源少得可憐，始終都要靠自己。

有政府醫生同我講要爭取多d資源，但辛苦得來的政府治療師全部是求其，我仔的政府ot6月見過一次，下次係10月，話4個月後再觀察下，如果等佢，小朋友的黃金治療期就咁浪費4個月，加上我們之前又等左幾個月先見到ot，黃金治療期好快就無哂，敗哂係呢個制度和呃飯食的人手中。

carmenkmlo

明白，但係我所知道，有啲NGO機構如果小朋友已排到政府位，就要放返個個私人學位俾其他有需要的小朋友。
如果E位上堂咁疏散；其實對小朋友無乜幫助。
作為父母，好難選擇。

methy

E位訓練好過無。我仔未入S位前，係良景返E,2歲8個月，講詞語，言語治療堂一個月得一節，已經話好密，上一粒鐘，我跟足都學到技巧，每星期一節PST,都有言語治療原素幫補下既。但個PST比我感覺好hea.

入S位後，學校理念係各治療原素都要融入課室到，唔係上完個別言語治療堂，離開課室就唔識，治療師要同班老師夾，令到小朋友上堂可以運用所學技巧。所以入學S位後講野進步神速。

如果只靠E位真係唔夠，要自費去私人一星期上一節言語治療，小朋友先進步快。

芒果米池

我都想分享下。我覺得政府係評估果陣先認真。但我想講，第一次見醫生時，因為我仔扭得好勁，由半part開始有d扭，到我最後入去聽反個結果就咩都無講，打發我走，初時佢地成team人咁，話商討成個鐘，之後會報告比反我聽，點知係咁hea!
我要求要左職業、言語治療，佢話會見心理醫生，又安排d堂比我學等等......
話叫我上哂d堂先會再見醫生！想問你地係咪都係咁呢？續下。。。

芒果米池

我第一次見心理學家（但個學家只係一個普通姑娘），好開心以為會幫到好多，可以了解多d我仔嘅情況啦，係有同佢玩玩具嘅，但動作相當休閒，學家說話好少，我睇到都覺得悶，好hea，問我有咩唔明可以問佢，講真，我目的都係想你講多d呀仔情況比我知啫，我有唔明嘅都等左你咁耐，有咩係唔會知，所謂我唔知嘅，都係一d想你去提醒我嘅野！況且我都有係外面搵私人訓練，感覺佢地係把握分秒，非常重視果45分別時間，有咩我都問得7788啦！續下。。。

芒果米池

再一次，去見另一個心理學家，咁次佢個title係高過之前一位心理學家姑娘，因為佢穿白色醫生服嘅。去到同我傾計，問我情況，聽完就算，一d意見都無比，又問我有咩想知，咁我問啦，佢又問反我轉頭，問我對自閉症有咩了解，頂！咁你叫我黎做咩嫁，hea成咁就無謂浪費時間啦，去你醫院真係幾遠嫁，乜都幫唔到！係咁叫我去聽地版訓練，我去都要帶埋個仔，但佢點會有耐性坐咁耐丫，又話唔帶得！而且經過呢幾次見面，我對你地d死板又刻板既政trainning真係無信心又無期望囉！

芒果米池

想問有無jm上完地板時間，係覺得好實用，而幫助好大，可否分享一下呢？

carmenkmlo

原帖由 芒果米池 於 14-09-12 發表
想問有無jm上完地板時間，係覺得好實用，而幫助好大，可否分享一下呢？



  ...

想問下"地板時間"是什麼?

芒果米池

原帖由 carmenkmlo 於 14-09-12 發表
想問下"地板時間"是什麼?

大概 係教家長利用係地板嘅時間，透過遊戲 點樣同小朋友有一個愉快良好嘅溝通，張情感投入落小朋友身上，有良好嘅互動。

christinetin

回覆 April2019 的帖子

我等左接近一年終於做左，但覺得個治療師態度不友善、感覺求其。最後得出既報告係除了發音不正確是符合情況外，佢寫阿仔既情況比實際情況差好多(但事實唔係咁)，而最後除了幫我排I位之外，零支援。
後來我扲份報告比班主任同現時幫阿仔做治療既ST睇，佢話阿仔情況根本冇咁差。