ABC-DAD 發表於 22-7-28 21:39
有啲聚會有dress code,收到請帖會申請禁制令去打官司? 現實是社會上大把約定俗成的事物,其實很多曾經都是多數人的習慣。當然社會 會進步,覺得唔妥嘅,有人會嘗試改變多數人。搞唔掂就訴之於法律。打得贏,就可以强逼多數人去改變觀念。輸左呢?也可以埋怨法律唔公道。當然,就算唔講觀點與角度,有時法律又真係有唔公道。唔係都唔使改法例。
去聚會,唔跟指示,主人家多數比面,最多下次唔請你。下次收唔到帖,你又無證據證明主人家歧視。所以,聚會中或多或少發現有客人唔理規矩。但有些情況,比如大學面試,我估就甚少有人唔跟規矩。你會擔心唔跟規矩嘅後果(其實可能無後果)。問題係死左無仇報,點證明大學唔收你就係因爲你破壞規矩?原來要考慮後果!係窩,位學生頭髮唔敢唔剪,剪完先去告學校,點解係依點上又唔怕有後果?
學校有校規,可能其中一條對男生的頭髮有要求。假如學校輸左官司,學校要改校規。校規無可能係法律之上。Dress code情況其實有咩分別?Smart causal都話呀,formal 係咪歧視窮人呀?真係有人去搞,又搞贏,有案例,以後係香港就唔可以對衣著有要求?
最後我當然尊重不同宗教。不過,由於信仰關係,入廟我會禮禮貌貌,但一定唔會拜神。係我唔尊重佢,還是社會需要互相尊重?
|