小學文具一問

kumapig

囝囝今年升小一
想問大家而家小學生通常用咩類型筆盒/筆袋/文具袋？
謝謝

MissUmuch

kumapig 發表於 17-6-15 17:48
囝囝今年升小一
想問大家而家小學生通常用咩類型筆盒/筆袋/文具袋？
謝謝 ...

老師教路， 買簡單布筆袋就夠， 如果太靚， 或者係會彈出嚟嘅筆盒， 小朋友會唔專心， 顧住望/玩  筆袋/盒。  

kayi0556

中華牌HB 鉛筆, 筆袋

1998Ruby1998

普通耐用就得，一來太精緻嘅文具會令自己和其他小朋友分心，二來小朋友可能會比較文具甚至羨慕而偷文具，三來小朋友唔見文具機會率好高，普通野跌左冇咁心痛。

文具袋有顏色花紋嘅布袋就得（用透明膠套果隻的話又樣衰左 d），最好有兩格。用布袋係因為有時候 d 文具可能三尖八角，鐵盒可能會 fit 唔入，加上小朋友會跌鐵盒跌到崩曬。

中華牌 HB 鉛筆 2-3 支。

買個細細地有蓋嘅刨筆機，小朋友唔太識就力，好容易斷筆頭。

三菱黑色或者 Pilot 擦膠，唔好買卡通果種劣質擦膠（即係面頭有圖畫，底面質感唔同果隻），小朋友會擦到張紙黑／皺曬。

間尺用透明藍色膠套果隻（唔好太長，小朋友無聊玩彈間尺會容易斷）

螢光筆一兩支就得，不過初小應該唔需要用。

藍／黑原子筆一支，買 Pilot 果種，墨水果隻跌到斷墨就真係「一鋪清袋」。

Jane1983

筆袋比佢自己揀，其他文具如鉛筆、擦膠、間尺就買最簡單實用的，記得全部貼名。

MrBeast

去party 收埋d文具三生三世都用唔完，不過mami們開學都係要shopping tim 下先開心

rulerL

同意樓上所講，鉛筆、擦膠等文具要貼名，唔係話驚人偷，而係小朋友們真係好易整唔見，通常都係佢哋load亂，你攞咗我既，我又攞咗佢既，我仔試過連人哋功課都攞錯返嚟，我問佢係咪想幫人做埋呀？定係嫌啲功課太少要做多啲？
記得貼名，學校冷衫或者一啲可能會除低既衫都係。