係未評估確疹之前

芒果米池

請教下，當孩子發皮氣撞頭，做啲咩可以改善佢惡劣嘅情況？



如果佢不斷揮物件(包括自己隻手)來次激自己，係咪要立即制止?




平時比較吸引佢嘅遊戲就係同佢追逐，你地平時係屋企有咩訓練比佢呢？


而家2歲，其實比較之前嘅情況係有改善，但比起同年紀小朋友還差距很大，只因佢硬頸唔聽指令。



我用左好多時間同心機先講服左老公接受呀仔現在情況。佢終於肯花時間同我傾關係自閉病嘅野。唔再只有我講，終日話我諗得太多

silvermijar

明白你感受, 初初我老公唔肯接受, 到去到精神科醫生講話連我老公都有DD A仔傾向果陣, 我老公即刻無聲出...

請問你平時點教小朋友?你係全職自己教嗎? 我好好彩我仔就無咩呢D自殘情況, 佢只係一唔如意就坐街, 勁喊...

我建議你如果情況許可, 初初 可先比佢在家先唔順佢意, 地下舖好晒野, 佢一發脾氣, 就即刻放佢係床度(張床應該係最軟的地方吧?), 任佢自己撞頭喊, 你都要視如不見,就比佢學習自己控制情緒, 否則再大D好難再教架! 另外,  我諗佢可能有D感統問題, 你比佢SWING下, 爬隊道咁, 改善佢感統, 其實最好你還是出去找個專家先評估小朋友整體情況, 不過如果你覺得佢某一方面特別差, 你可以搵左果方面0既專科做評估先比較準確.

芒果米池

原帖由 silvermijar 於 13-07-12 發表
明白你感受, 初初我老公唔肯接受, 到去到精神科醫生講話連我老公都有DD A仔傾向果陣, 我老公即刻無聲出...  ...

咁佢地係咪會簡單評埋父母？我諗我都有自閉傾向，不過呀媽果代唔識咁多。



係呀，我係全職湊佢，多數會玩下型裝，放ABC, 124，一係就同佢打拍子跳舞，落下公園，開頭佢只會係公園跑圈，而家都會扒上遊戲架，但就唔太玩滑梯，最唔愛玩千秋。仲教緊佢用匙吃飯，隻手成日都會反轉。其實佢呢個年紀係咪可以單腳跳？佢好少會慢慢行，多數快步走！



即係係屋企唔好就佢？佢唔順意，就撞落枱，任何一個地方，有時真係用盡力撞，有時會就住力。我足住佢就大喊，喊到我lam實佢為止先平服。




佢到而家，訓覺都係唔愛冚被，有時仲掉哂落大人床唔要。




想問其實係咪去得做評估，多數都8成係確疹？

silvermijar

精神科醫生跟我地家長面談, 唔多唔少都聽到我地父母0既問題, 可能我老公果陣咩都搭咀, 有D九唔搭八咁.. 所以DR就覺得佢都有呢方面問題喇!!

你咁講, 我細個都可能喇, 我印象中, 我自己小學係無朋友, 記A~Z記極都記唔到, 去到小二突然成個叻晒!

你仔仔識講野未架? 要佢玩晒成個公園0既設施, 唔好只比佢玩單方面0既遊戲, 佢好可能係感統有DD問題咋! 我個仔細細個係完全唔會SWING, 佢係呢幾個月先SWING到, 仲要好鍾意, 之後就各方面能力都提升左好多好多, 我諗你要諗下點樣可以氹佢玩滑梯同SWING先, 可能初初一兩下先, 就算佢唔玩, 都要迫佢玩一兩次, 否則佢就越大越難迫佢玩架!

如我仔咁, 佢初初比工人抱慣左, 一落到街就要人抱, 我就陪佢坐街, 喊到佢收聲為止, 試左好多次尷尬厚住面皮比人指指點點, 但我都唔理咁多, 佢長到可以喊足一個鐘架, 當佢喊到攰, 佢就收聲, 佢死死地氣行, 不過久而久次, 佢就唔會再扭抱了.

唔冚被? 咁你地有無冚?? 一係你比個公仔佢, 叫佢同公仔冚被先喇, 佢 見人地冚得多就會模仿架喇~ 你可能要TRAIN返佢模仿能力先呀! 因如講野同學習都要經由模仿開始~

我想跟你講, 如你真係覺得小朋友有問題, 就算DR話佢無問題, 唔通你就唔理佢?? 唔上訓練? 唔做家居訓練? 其實去做評估對我來說只是排服務, 就算佢確診佢係A仔定唔係A仔, 我都一樣會同佢做TRAINING, 因個小朋友真係有需要. 而唔係去做評估係為左LABEL個小朋友呀! 我明白, 有些人可能覺得評估左佢係咩先決定佢上D咩訓練, 但如果醫生話佢無事, 唔通做家長就唔幫小朋友? 所以唔好諗確診係咪A先, 首先諗下, 點樣幫小朋友, 才是積極的想法!

unfunny

好同意你silvermijar，不要理他是A仔或不是A仔先，總之發現他有問題的先找訓練給他改善一路找資料去問下下一步怎做，我仔仔2歳半前比同齡的慢講話及脾氣差，我立即去家庭醫生寫紙去CAC派期由見如姑娘及做評估約半年，後評估為言語遲一年及懷疑自閉証徵狀，轉介看精神科，在這等見CAC評估半年我私自見過心理醫生，做言語治療，社交小組訓練及帶他去公園及去街見識新事物，真的進步很多說話表達多有簡單3至4個字句子，3個月後見了精神科醫生後他說仔仔有交流有眼神接觸太比例小，聽指令，完全沒固執行為，冇自閉古怪行為，因言語遲緩影響佢與人溝通相處引發脾氣，現要言語治療為重要，但他也會跟進的，我認為2至3歲言語遲緩影響小朋友很多方法發展，表達不到需要我地不明他，他又蚊憎發脾氣了，到現在他3歲3個月了言語及表達比同齡還差啲，我也要努力教導他及比訓練他，一定可以追到的。

芒果米池

原帖由 silvermijar 於 13-07-13 發表
精神科醫生跟我地家長面談, 唔多唔少都聽到我地父母0既問題, 可能我老公果陣咩都搭咀, 有D九唔搭八咁.. 所 ...

我細個時，比較鐘意2到3個人一齊玩，我怕人多，會覺得好煩。其實我好有興趣參加童軍之類活動，無奈呀媽太保護我，所以無法參加。發覺自己想法成日同其他人唔同，興趣有異，多人鐘意或者流行嘅野，我都好似無咩興趣咁，所以我覺得自己有呢方面嘅問題。但我爸係我幼稚園時自制啲flash card比我，所以我都算記得好快。



我仔仔連爸媽都未識講，又有啲人話男仔會遲啲，話一開口就會講好多野，但我都係擔心。佢係公園都算玩得多喇，就係唔玩千秋同騎馬。就有的坐上去用腳行嘅車仔都唔玩，因為主要要佢坐定定就唔鐘意，但如果話怕千秋個離心力又唔似丫，平時爸爸抱佢玩飛天都好開心嫁。



最初都有聽過話如果佢扭喊，就唔理佢既方法。係屋企，佢唔比我入廚房唔理佢，就大喊，但佢好夠un力！喊到一個半鐘，攰就瞓，但我以為佢幾日後會好轉，點知次次都係咁長氣。係商場試過有實Q黎睇下咩事。。。




我都知道佢有好多野要追反，我唔知係硬頸定係咩，佢到而家都唔肯用杯飲水，比佢會另開或者用手推開，但沖涼就用啲細杯cup仔偷偷飲啲沖涼水。我最怕係佢大力撞個頭，真係好心痛但又制止唔到佢！溫柔細聲氹佢唔得，唔理佢會繼續撞，真係撞魚果種，大聲罵佢，會停，但到下次又炆又再撞過。




其實你講得好岩，我都係咁諗，就算doctor話無事，我都覺得上啲課程係好有幫助。但係最大問題係錢方面。我問過協康，上堂啲位都留比啲做左評估嘅學生。順便問下你，有邊間做評估最快又比較好？係做果間密集課程係邊間呢？



仲有個問題，政府評估完係直接排學位？定其間都會有啲密集課比小朋友上下咁嫁？



Many thanks!!

芒果米池

原帖由 silvermijar 於 13-07-13 發表
精神科醫生跟我地家長面談, 唔多唔少都聽到我地父母0既問題, 可能我老公果陣咩都搭咀, 有D九唔搭八咁.. 所 ...

Sorry 隔唔到行，睇到你好辛苦。

芒果米池

原帖由 unfunny 於 13-07-13 發表
好同意你silvermijar，不要理他是A仔或不是A仔先，總之發現他有問題的先找訓練給他改善一路找資料去問下下 ...

我諗我仔嘅情況同你講嘅差不多。但佢就比較固執，唔鐘意坐定，都算唔怕默生人，會撩人地，但人地撩佢就無咩反應。同堂哥就可以玩得好開心。係公園見小朋友吹泡泡，都會走過去指下笑下，唔知算唔算一齊玩呢？佢最大問題係唔鐘意聽指令，除左我叫佢唔好、出反去啦、過黎抱抱丫，其他都唔會聽，我都唔知佢係聽唔明，定係唔肯聽。

芒果米池

原帖由 silvermijar 於 13-07-13 發表
精神科醫生跟我地家長面談, 唔多唔少都聽到我地父母0既問題, 可能我老公果陣咩都搭咀, 有D九唔搭八咁.. 所 ...

一幫佢冚被會踢走，我地當然有冚啦，咁只好幫佢穿好似一張被果種衫囉。

Vichang

好似我個仔，佢仲未肯用飲水杯，上密集老師都搞佢唔到，我地屋企訓練佢佢請願唔飲水。

Vichang

我個仔周圍都排：step 協康，領思、耀能。邊度快便上邊度。

芒果米池

原帖由 Vichang 於 13-07-14 發表
好似我個仔，佢仲未肯用飲水杯，上密集老師都搞佢唔到，我地屋企訓練佢佢請願唔飲水。



  ...

人地講用汽水、果汁放落水杯引佢，開頭用飲管，佢有興趣就唔比飲管。可惜佢連汽水、果汁都唔飲。放落佢平時用開個水樽都唔肯飲丫。

idak

你仔仔係咪無乜點爬就學行，一識行就四圍跑，重有佢跑時手腳係咪協調等。

芒果米池

原帖由 idak 於 13-07-14 發表
你仔仔係咪無乜點爬就學行，一識行就四圍跑，重有佢跑時手腳係咪協調等。



  ...

佢大概10個月先開始想爬嘅動作，真正會爬都起碼1歲。15個月開始行，但都唔係好隱，成日衝到去咁，就算未得得好都唔比人拖，一拖就坐底。我地都係夾硬拖下放下咋，而家行得好隠，但通常唔會正經慢慢跟住我地得，都係唔比拖。我地拖佢放落地都會想帶令我地行，而且係快步行，唔想受人控制佢，總之唔會正經行。同樣氹同鬧就試過，用食物引佢都一樣。總之拖一陣就係咁，而定真頭唔想自己行，行幾步就要抱，係公園可以玩成粒鐘(快行的)。

silvermijar

回復 unfunny 的帖子

係呀，我聽你咁講，我都好高興。我自已由初初咩都唔識，到現在自已能獨當一面咁教仔，唔使老公幫手架。有時帶阿仔上st我都會好多問題問佢架，st都認同我的教法，其實真係好滿足，能見佢一步一步咁進步，已經是最大恩惠！

silvermijar

其實越細訓練佢用杯飲水會容易啲，因大左就會更自我，好難教呀。
咁請問你仔仔戒左片未呀？我由佢歲半多啲開始戒，兩歲叫做戒到了，現在佢連夜片都自動戒埋了。有時啲野越細訓練會比較容易，我阿仔自我行為，大左反而少左好多，可能我又早介入佢，有所幫助。
你有無見過啲鴨咀杯？初初佢歲半我就用呢種杯訓練佢，佢返n前已能用普通水杯飲野了。另外有啲水樽都好架，好易用，佢用開左覺得易用，應該可以轉到用杯飲水。

idak

回復 芒果米池 的帖子

我果時有個訓練姑娘話, 爬得唔夠感統有問題(前庭覺), 會影響情緒, 可以試下買玩具隧道等佢爬番多d。

唔飲水...我囡囡都係, 佢好想去玩具反x城, 我會係門口叫佢飲, 唔飲就走, 一定要就走唔好返轉頭, 佢想去公園我亦都係門口比水佢飲, 試得多知要做左先有得去, 佢都會飲一啖, 咁就讚佢飲水好叻對身體好。另外, 會放佢最鐘意食的野係度, 不過要佢飲水先, 初初實會扭, 但唔好尤得佢, 佢地其實係試緊大人d底線咋, 有個社工同我講要比小朋友明確指示, 唔可以一時一樣, 佢會唔知邊樣先係正確。

唔拖大人..我囡囡之前都係咁, 我老公同奶奶會追佢, 我唔會﹗我會唔郁叫佢拖我, 同佢講要拖住, 唔係我唔行, 最初緊係要係d安全地方開始, 如商場同天橋, 唔好係馬路邊,  亦可叫老公合作, 叫你老公亂咁走左去, 叫你個仔搵爸爸叫佢拖實, 到佢拖實爸爸, 就讚佢叻﹗再講要拖實爸爸亂咁走好危險。

個個小朋友都唔同, 我的做法未必適合你個小朋友, 訓練課程自己學完係屋企教真係好有用, 或者未必見到即時效果, 但唔好灰心, 昨日囡囡讀果間幼稚園見家長, 班主任都話囡囡進步左好多, 但同齡相比都係慢﹗

Vichang

原帖由 silvermijar 於 13-07-14 發表
其實越細訓練佢用杯飲水會容易啲，因大左就會更自我，好難教呀。
咁請問你仔仔戒左片未呀？我由佢歲半多啲 ...

我個仔好頑固，點都唔肯用飲水杯，佢嘅行為問題令人頭痛。我工人就快放大假2星期，到時我和我老公會好好訓練佢。

silvermijar

回復 idak 的帖子

讚同你0既做法,教小朋友就係要夠強硬架,否則佢地0既古怪行為和固執行為會日見嚴重,再大d仲難教架~

我自己日日都好似惡媽咁,成日要在街"喝"個仔,否則你講野唔夠"堅定"佢就會亂黎架喇~

因我好仔歲半我己經覺得佢有d唔同,所以我果陣己開始做左好多訓練比佢,初初可能未見成效,但大大下你會見到個小朋友0既轉變,我都覺得我地做大人要一致d,唔好一時一樣,否則佢未必會聽你支笛.

你地小朋友會唔會一開心就唱歌呀?我有d擔心佢有時失驚無神唱歌,都好"支"擾架~我係發覺佢開始識講野就開始黎料,我都要同社工/姑娘傾下點再調教下佢...

silvermijar

vichang,可能你工人平時比佢飲水都唔用水杯,成日貪方便比佢用飲管杯,(怕倒瀉又要抺地又要換衫),我果陣係唔做野睇住工人用水杯比水佢飲,佢先無呃我,所以我仔好快學識用水杯.
平時工人點揍你仔仔你未必知,就算你安左cam都未必你秒秒都check到佢~
好似果陣戒片,我唔係屋企佢就比我個仔著住片片,所以戒極都唔得,到我唔做野,自己睇住,一賴尿就要工人抺,個仔好快就戒左,果陣間唔時都會賴(因工人嫌麻煩,唔想成日抹地洗衫,所以成日話小朋友戒唔到片片)... 但工人走左之後,我仔所有野都好快教得識, (我指戒片,自理果部份咋~) 否則成日有人服侍周到, 有邊個唔會變懶丫? 唔好話小朋友, 我地大人在家都好似大少咁喇~ 哈哈哈!