小朋友固執性格如何改善？

yannietimb

不知道在這裡post對不對，希望給我些意見，仔仔快三歲，由一歲開始就熱愛英文字母和數字，中文字認讀也超同齡，我們在他好細就開始伴讀，前陣子給他看漢字基礎500, 發現大部份字他都能認讀，數字現在能數到千位（平時出街佢會不停咁數，可以數足一個鐘），對加數有初步掌握，比較同齡的表妹和朋友仔，學術好似快好多，但自理就不太好，還未完全戒片，又未識自己著鞋著襪，他有先天中度至嚴重聽障，表達能力尚算不錯，但由好細個我們已經覺得他有固執性格，排列abc同number, 要由a or 1開始順序，睇vcd又堅持第一隻碟開始，完美主義，排number如果中間唔見左一個就會唔再玩落去，有時好免為其難先肯繼續，是病態嗎？我們擔心是亞士保加，但平日同人溝通又好似問題不大，由於有個表姐做過iq test, 資優邊沿, 但有憂慮症，幼稚園階段做了很多遊戲治療才得改善，我覺得仔仔有點似表姐，我看完這裡既post, 覺得仔仔比真正資優小朋友有大段距離，但想知道他的固執性格我要如何跟進才好？前幾天他拿住本填色薄本來好開心想填色，但發現頭兩頁係俾人油左(因為係人家送既舊書)，佢堅持要我擦左果兩頁俾佢油，解釋了好多次不能擦，可以油後面，佢都唔接受，堅持叫我擦，令到大家心情都唔好！
還有這兩三個月開始跟他伴讀時，他總不留心，只顧留意書本上的頁數，搞到我成日覺得好氣餒，花很多心機揀書買書，但他都對故事內容無興趣咁，我應該如何引導他？還是順他喜好只偏看有關數字同字母書？

yannietimb

原帖由 idy926 於 15-07-31 發表
亞女小時出街又係吾肯食，開頭我以為佢挑食，漸漸發現佢好多食物會敏感，有時味精都會，所以出街吾願食，但 ...

佢又無敏感，不過我都諗過係佢唔鐘意街外野味濃同味精，佢而家出街除左烏冬，湯粉，叉燒包，其他試都唔試。。。

S-Kwok

原帖由 idy926 於 15-07-31 發表
亞女小時出街又係吾肯食，開頭我以為佢挑食，漸漸發現佢好多食物會敏感，有時味精都會，所以出街吾願食，但 ...

我仔都會，一敏感就咀腫或起粒粒

idy926

yannietimb 發表於 15-7-31 16:57
我仔都唔鐘意食出面野。。。所以到現在我還會煮飯俾佢出街食，因為食自己煮的可以食成大壺，食街的就一隻小 ...

亞女小時出街又係吾肯食，開頭我以為佢挑食，漸漸發現佢好多食物會敏感，有時味精都會，所以出街吾願食，但果時佢細講吾出，只係覺得吾對路，咪嘜都吾肯試！有時食完無耐會周身痕甚至咀腫。到我明白左佢有嘜野吾食得，避開吾食，佢先慢慢肯食街野。你不妨留意下有無這方面的問題

yannietimb

原帖由 idy926 於 15-07-30 發表
本帖最後由 idy926 於 15-7-30 15:06 編輯

睇到你地個post，原來我個女細個都好多奇怪固執野，有d一定要 ...

謝謝分享，我地而家努力向個仔說道理，教佢不用每樣東西都順序，希望潛而默化，佢慢慢會接受改變！

yannietimb

原帖由 lillymarie 於 15-07-29 發表
我細仔出街唔肯食屋企未煮過的菜色，結果有次同婆婆一齊去飲茶，他只肯食白飯，激死婆婆。我地都唔理佢，出 ...

我仔都唔鐘意食出面野。。。所以到現在我還會煮飯俾佢出街食，因為食自己煮的可以食成大壺，食街的就一隻小碗，去飲茶佢淨係食叉燒包，其他所有都唔肯食，唯有諗自己煮既健康d, 無咩所謂啦！

keep-calm

想請教大家，此類小朋友適合傳統重學術型的小學？新派活動教學型直資小學？或國際學校？哪類型發展較佳？

YanKanMom

阿囝也是固執仔一名。隨著年歲漸長，某一些固執行為是有改善的，例如願意嘗試多一些不同的食物，去一些不同的地方，參與多一些活動。不過骨子裡仍是固執焦慮的，到某一些位便會浮出來。悲觀的想這些特質或會伴隨他一生，樂觀些想他能與這些特質共處，適當時修飾一下，做到不妨礙他的生活社交便好了。

idy926

睇到你地個post，原來我個女細個都好多奇怪固執野，有d一定要做嘅野我吾會遷就，（例如要去照相鋪影相，佢次次都吾肯，係門口喊成粒鐘，結果眼都腫埋，我都要佢第二日再去影，又係門口磨一輪，真係吾明）要喊就喊到夠，只怕就壞左佢，或者人地話我吾識教女。。。而家個女10歲，固執巳經少好多，只係仲有d焦慮....

細時如果有d無傷大雅嘅，我會比choice佢，但大大下吾work lor,佢會提出其他選擇，下下討價還價，超累

lillymarie

yannietimb 發表於 15-7-29 11:05
我都有照開，諗住佢會抵唔住誘惑，點知佢真係寧願唔睇，佢真係好講心情！食野都一樣，唔肯試新野， ...

我細仔出街唔肯食屋企未煮過的菜色，結果有次同婆婆一齊去飲茶，他只肯食白飯，激死婆婆。我地都唔理佢，出街食飯，好多時讓他自己揀自己想食的，若是一班朋友食飯就唔理佢，由得佢唔食。

wan_sosin

原帖由 S-Kwok 於 15-07-29 發表
試新食物呢權嘢，上到小學會有好大嘅改善。

我仔上小學之後，食嘢方面得少少改善！
不過好多小朋友都會明顯好咗。

S-Kwok

原帖由 yannietimb 於 15-07-29 發表
我都有照開，諗住佢會抵唔住誘惑，點知佢真係寧願唔睇，佢真係好講心情！食野都一樣，唔肯試新野， ...

試新食物呢權嘢，上到小學會有好大嘅改善。

yannietimb

原帖由 lillymarie 於 15-07-27 發表
買返個大大的時鐘啦！時間是60進制, 佢現在唔識係正常的。但我地仍然可以用他們可以理解的方法教他們看時間 ...

我一陣要去買翻個先得！佢好鐘意睇鐘的，相信佢會好喜歡，謝謝

yannietimb

原帖由 S-Kwok 於 15-07-27 發表
有時仔唔肯睇嘅嘢，我會照開，如果佢有興趣，佢就會睇。

我仔好得意，依家大咗，會識得揾借口安慰自己（佢 ...

我都有照開，諗住佢會抵唔住誘惑，點知佢真係寧願唔睇，佢真係好講心情！食野都一樣，唔肯試新野，次次叫佢試新野食都好似我會毒佢咁，有時佢自己想試，明明食過好味，諗住第二日再俾佢食，又再點都唔肯食，好似唔記得前一日食過咁

gingerm

原帖由 yannietimb 於 15-07-25 發表
講得很中，我仔係幾近個月開始這樣，可能跟焦慮也有關係，佢而家出街成日會擔心商店閂門，怕天黑，會向餐廳 ...

同我仔仔一模一樣，成日玩一陣就想返屋企，明明前一秒仲玩得好 happy

S-Kwok

原帖由 yannietimb 於 15-07-27 發表
我家姐都叫我要忍受多幾年，因為表姐升一年級後才明顯轉變！
我發現個仔當知道我們始終唔可以滿足佢既執著 ...

有時仔唔肯睇嘅嘢，我會照開，如果佢有興趣，佢就會睇。

我仔好得意，依家大咗，會識得揾借口安慰自己（佢好要面子，可能係比自己一個下台階）。

上到小學係會好啲，一方面學校唔會相就，遇上好老師，老師就會解釋，解釋得多，就會明白（解釋幾多次先明，就要視乎小朋友係咪受教、接受別人意見），另一方面，小朋友大咗，即人生經驗多咗，係會令小朋友有改善。

lillymarie

yannietimb 發表於 15-7-27 16:18
黎緊佢生日咁岩有人送手錶俾佢啊！尋日爸爸先教佢睇兩枝針的鐘，但當然佢未能掌握，因為我們屋企的 ...

買返個大大的時鐘啦！時間是60進制, 佢現在唔識係正常的。但我地仍然可以用他們可以理解的方法教他們看時間，睇住個大鐘具體易明好多架。我大仔是個焦慮兒，成日問我做乜乜未，例如準備踏3出門，佢問我走得未，我就反問他支長針指住邊個數字？他答2, 我就應他到支針行到3時，我地就走。
最好買個有埋秒針的，可以好清楚睇到秒針行咗一圈，分針就會前進一格。

yannietimb

原帖由 lillymarie 於 15-07-27 發表
回覆 yannietimb 的帖子

有沒有試過教他看時鐘？有長針短針那種。告訴他當兩支針去到甚麼位置，就會發生甚 ...

黎緊佢生日咁岩有人送手錶俾佢啊！尋日爸爸先教佢睇兩枝針的鐘，但當然佢未能掌握，因為我們屋企的是跳字鐘，佢很早就對個跳字鐘好有興趣，但對時間既觀念還弱，只知道個鐘跳到59就會變00,等我下次試下呢個方法先，謝謝你啊！

yannietimb

原帖由 S-Kwok 於 15-07-26 發表
佢地嘅固執，冇咁容易可以改變，可能要1、2年，甚至更長嘅時間。要日積月累，慢慢咁講道理，灌輸正確嘅態度 ...

我家姐都叫我要忍受多幾年，因為表姐升一年級後才明顯轉變！
我發現個仔當知道我們始終唔可以滿足佢既執著行為後，下次佢終於屈服，油顏色事件，我過了好幾天再拎本畫薄俾佢，佢雖然堅持油第一頁(在油了的圖上面再求奇油幾下),起嘛無要我擦左第一頁俾佢！另外我們有套唱遊DVD, 有4隻碟，佢每次都要由第一隻碟開始，所以睇黎睇去都係頭兩隻，我後來扼佢第一隻dvd不見了，只能睇3同4，佢發脾氣寧願唔睇，到尋日我又拎第4隻碟出黎問佢，佢問呢隻係第幾，之前望住個4字自己扼自己話係1字，然後就好開心咁睇