請問做大B好還是細b好？

Bolau199042

請媽媽們指教，我個女2012年11月出世，宜家14個月，咁岩龍年怕難報學，見過我女既人都話個女比較跳皮，性格非常活潑好動識行識跑識周圍聊人玩，陌生人都能夠打招呼同抱，玩具食物肯同人分享，有時仲餵其他小朋友食，大至上識聽著鞋襪分水果做動作，但係唔識講野-_-# 請問適合做大b定細b? 如果細b 會唔會好難收？

amy_hippo

yuene 發表於 14-3-7 10:29
我細女10月尾, 上年細B 考10 間幼稚園, 全部REJECT, 最後得HK靈糧堂收, 讀了一年K1, 再冇所謂地試大B 報了 ...

我同你一樣,
不過有細佬跟尾,
仲諗緊簡龍校定讀反依家果間出年升K2,
依家讀果間係SPC.

catiou627

原帖由 catiou627 於 14-03-07 發表
我囡十二月中，我覺得佢同適齡的一月的小朋友只大十多天，其實我不是想囡考入什麼名校，只是想她能力強一點 ...

我囡由PN開始就係超大B，唔係repeat，我都唔想佢有留班感覺。

catiou627

原帖由 mybabycullen 於 14-03-06 發表
請問你孩子几月份呢？thx

我囡十二月中，我覺得佢同適齡的一月的小朋友只大十多天，其實我不是想囡考入什麼名校，只是想她能力強一點，開過靚頭，佢寫字隻手仔係有力D，輕鬆D，我試過提早一年當細B教佢寫字，佢係喊晒口。仲有，其實有D名校係唔收超大B的。

chywong

回覆 yuene 的帖子

係呀, 其實真係冇所謂, 只要自己覺得適合就得啦. 有人覺得無謂浪費一年, 又有人覺得用一年試考某d學校值得, 各有道理...

yuene

我細女10月尾, 上年細B 考10 間幼稚園, 全部REJECT, 最後得HK靈糧堂收, 讀了一年K1, 再冇所謂地試大B 報了香港真光, 德望, ST PAUL,

結果全部收, 最後諗了很久, 比她讀ST PAUL, 一條龍冇頭痕嘛, 所以其實到最後, 係睇你自己想佢讀什麼學校, 大B 入龍校一定機會大D , 如你諗住大抽獎, 就細B 都冇謂,

conniewktang

小兒十二月超細B，仲早產了成個月，現四歲多啲，正讀K2,唔覺有乜問題，認中文字，他比班中大仔大女叻，英文識的vocab也比別人多，數學也比別人好。很外向和健談，又多問題問。朗誦比賽，普通話或英文朗誦，學校都選他，而且，他似乎有無數的機會，更是校長和老師的寵兒。他全班最細，但反過來，他會教返大B學術上的東西。讀的不是私校，是PLK學券kg,但K1巳學寫字，初期有奌辛苦 ，但現在寫好難的中文字都冇問題，還會拿3個印加1貼紙。其實，也曾掙扎過好唔好比佢做超大，先生反對，而且，眼見不少超細B，都讀得好好，最後決定比佢繼續做超細B。不会盡信書本理論，會看實況，只信家長的栽培不會白費和自己的孩子有能力做好。絶不信個個年頭出世都會成功，年尾就包尾。咁個個做超大B都會成功，個個比仔女repeat1年，就冇人讀唔到書啦？！

mybabycullen

原帖由 catiou627 於 14-03-06 發表
其實做大B細B呢個問題真的沒有一個有確實結論，只是父母隨自己感覺而行。
我覺得我女兒現在讀書很好，很輕 ...

請問你孩子几月份呢？thx

lui

原帖由 conniewktang 於 14-03-06 發表
讀唔讀到書，細路要到中三、四先知，同做大細B冇關。開初，做大B會有so,但以後就不一定。所以留班是指中學 ...

我由細到大是細b,細人足足一年，一月出世。我又唔覺差過人，係細個唔勤力啫。不過，硏究証明細b人生際遇差d,建議做大b,睇你信不信。refer 一本書 "outliers"硏究成功人士全是年頭出世

conniewktang

所以無需要就不要做超大，除非追不上。

conniewktang

讀唔讀到書，細路要到中三、四先知，同做大細B冇關。開初，做大B會有so,但以後就不一定。所以留班是指中學，如DSE的階段。

catiou627

其實做大B細B呢個問題真的沒有一個有確實結論，只是父母隨自己感覺而行。
我覺得我女兒現在讀書很好，很輕鬆，班主任私底跟我，讚同我囡做大B，我知我當初的選擇是對的了。

catiou627

原帖由 conniewktang 於 14-03-06 發表
做超大B有so，這是當然，但大B都有叻同唔叻，如果touch wood，第時有需要留班，就比人大差不多2年，女仔會 ...

我都有同老公提過留班問題，佢話做大B都留班，咁做細B咪仲一定留硬班！咁又係。

conniewktang

做超大B有so，這是當然，但大B都有叻同唔叻，如果touch wood，第時有需要留班，就比人大差不多2年，女仔會唔開心，男仔或者感覺好啲。這不是早或遲一年搵錢的問題，是小朋友唔開心的心結！見到初中學生都有笑人哋年紀比自己大一、兩年的同學！

媽媽虎虎

我個囡係2010年11月b, 可以分享下

舊年又報K又報N, K 基本上冇乜好offer, 最後去左LH 讀 N

今年再用大B身份報K, 主要同佢考龍校, 今年完全脫胎換骨, 中左五條龍任我揀

所以對我個case 黎講做大B係有SO既

希望幫到你

思思baby

回覆 fion_yinyin 的帖子

我都覺得如果細B跟得上, 但夾硬要佢REPEAT 一年N/ K1 係浪費左佢時間同能力.

樓上有人話小朋友唔會因為係超大仔而覺得唔開心....我自己係年頭出世, 成個求學階段都有人笑我老D, 幸好自己成績OK, 如差的話會被人話"又老又蠢" (sorry 太直接).

我大仔係11月BB, 我比佢做細仔, 由K1-K3 學習都唔錯, 唯獨是性格上比其他同學BB (好聽就天真, 直接D講幼稚), 同埋大小肌肉差D, 相信到小學3/4年級個差異就會拉近.

chywong

我個女10月, 我地決定出年做大b. 其實而家間學校好好, 佢語言同認知都學得唔錯, 老師話唔使repeat, 只係手肌差少少.
眼見身邊親戚朋友細b, 不論仔女, 上到K3 or 小一好辛苦, 所以想佢 生理&心理都發展好d先面對.
而且幼稚園咁好玩, 讀多一年, 遲少少先進入殘酷既世界啦!

sweethoho

唔好理, 照考, 有學校收就返啦!
大D, 就冇咩大細B差異! 我見女D同學係細B都好醒

2Happy

如考到名幼或有龍的幼稚園, 做大B沒有問題, 因B大了可以解釋給他為什麼要做大B, 只因父母想B的學業及事業更上一層樓.   但如果是普通幼稚園, 是否值得做大B呢, 因B大了會不明白點解他好像REPEAT了, 我現在也有朋友都不喜歡她父母當時的決定.   細B大了其實已追到大B的能力.