英華小一常識題考起家長

elbar

http://the-sun.on.cc/cnt/news/20131107/00407_012.html


名牌小學一年級時事常識題目深奧程度「大超班」，不但小學生「十問九唔識」，連家長也被考起！網上近日瘋傳深水埗直資名校英華小學一份發給小一生的常識科時事工作紙，內容竟涵蓋內地實施旅遊法、藝人曾志偉辭任演藝人協會會長等艱深時事題，令人嘩然。本報以此進行街頭即場做問卷測試發現，九成受訪小學生「全捧蛋」，即使家長從旁協助亦只能答對六成題目。有教育界人士狠批題目冷門兼太長、用字太深，對小一生而言屬「太過分」。校方表示已檢討並更新出題指引。




讀小一的田氏「孖女」接受測試，結果每題均有她倆不理解或「唔識讀」的詞語。




10條超強題目




唔識好正常
鄧太 （小三生家長/答對三題）：「好深，大人都唔識，我同個女好少搭的士，對的士加價完全無概念，如果學校要我哋一齊做呢份功課，九成會肥佬，小一學生更加一舊雲啦！」




郭同學（中四學生/答對七題）：「我三分鐘去完成，覺得有少少難度，至少係三、四年級的題目啦，曾志偉一題同時事無關，小一學生由家長陪同一齊做相信會好啲。」




方同學（中六學生/答對十題）：「讀咗幾年通識，份卷對我嚟講會較簡單，但小一生好少會睇新聞，所以唔識答好正常，加上問題用字較難理解，我覺得起碼小五程度先做到。」

該份「英華小學2013-2014年度上學期常識科一年級時事小百答工作紙（一）及（二）」，引起大批網民和家長熱烈討論。

九成初小生捧蛋

本報記者昨在大埔區，隨機向三十名小一至小三學生和中學生以該工作紙作即場測試，結果九成受訪初小生「捧蛋」，只有個別學生答對最多兩題，部分學生在家長協助下亦只能答對六至七題。若以十分為滿分，受訪初小生平均得分六點六分，當中最多人答錯的士加價題，亦有不少學生誤以為馬來西亞是菲律賓的城市。相反，受訪中學生則平均有近九成準確率。

英華小學陳副校長接受本報查詢時承認，有關題目屬該校小一級常識科上學期網上工作紙練習題，學生每月須完成一份，但不會計入考試分，題目由常識科老師從報章頭版新聞取材。

陳副校長透露，校方有見最近有關題目引起大批家長及網民討論，即時與科目老師開會檢討，認同部分題目程度太深和太冷門，故已更新出題指引，要求老師選材時須同時考慮頭版新聞的熱門度和客觀性。她解釋，設時事題目的是鼓勵學生多閱報及多留意時事，校方不介意家長陪同子女透過討論合作完成工作紙。

部分問題無意義

資助小學校長會副主席張勇邦看過有關題目後，直言太深太長，不適合小一生作答，而「辭任」、「淘汰」等詞語更是小一生較少觸及，颱風題則似考核學生記憶力，「記得本年最強颱風嘅意義喺邊呢？問到曾志偉辭職，係咪想考學生識唔識曾志偉呢？其實老師出題都應該考慮背後學習目的係乜，唔可能樣樣都問。」

香港教育專業人員協會教育研究部主任張銳輝批評，「小一常識科出呢啲時事題太過分了，相信連初中學生都只係勉強識」。他質疑，部分題目與小朋友的生活無大關連，例如的士加價、內地實施旅遊法等，學生「連題目都唔識讀」，質疑會適得其反，打擊學生對時事的興趣。張建議老師出題應圍繞學生的程度、興趣和生活範疇。

tinyan1977

回覆 hadwinboy 的帖子

神校小一工作紙同英華嗰張差天共地！英華小一嗰張大約喺神校小四程度！

aidan08

講咗好多次，我諗好多人唔係concern深淺問題，而係意義問題，anyway, 唔明的或不願意接受意見的，始終無法理解點解咁多人覺得呢份worksheet會引起咁多Noise, 連政治傾向都搬埋出嚟，講真，就算有陰謀，都先要件事值得討論先會引發咁多討論吧！呢件濕碎事，點都阻唔到大家對政府發牌黑箱作業的不滿吧？報紙未出，家長圈都議論紛紛啦！

judy

我唔想再講深淺問題，但我想講今次件事o既動機。當日各大報章應該都係講因免費電視牌照事件有過萬人晚上包圍政總, 但唯獨"東X日報"例外。我本人覺得"時事題"哩事件絕對唔會係"A1" 頭版??! 這間"梁粉"自我染紅報社令我感到可惜。

圖窮見匕首；理屈陰謀現。

陰謀論，係BK見得多，通常係低手之作。

話之你背後之陰謀是甚麽，事實就是事實；不會因"陰謀"，錯誤變正确。

mttmtt

回覆 hadwinboy 的帖子

哩個topic都停咗一段時間，最近又再討論?? 都真係幾煩!!
因工作好忙， 我好少機會可以發表個人見解， 但今日好早就返到公司， 所以亦可以發表吓!
我都有比貴校張工作紙我囡囡睇(我囡囡是小二)，佢嘅回應係"咁容易!!!"，老師同同學都好早講咗啦!! (佢學校差不多每日常識堂都會有老師或同學帶剪報同同學分享，老師亦會講解) 小女只係覺得曾志X果條比較奇怪。
大家唔好誤會，我唔係想話我囡囡有幾叻，只係想指出大人覺得深，唔一定小朋友覺得深。可能我比較蠢，好多時候我發現亞囡識得嘅比我多，比我仲了解深入!!
好多學校d 時事題都同貴校差不多，所以有部份家長唔會覺得深。但當然亦有人會覺得小學生唔應該去了解咁深o既事同詞語。其實時事同文字又怎樣分深與淺呢??

我唔想再講深淺問題，但我想講今次件事o既動機。當日各大報章應該都係講因免費電視牌照事件有過萬人晚上包圍政總, 但唯獨"東X日報"例外。我本人覺得"時事題"哩事件絕對唔會係"A1" 頭版??! 這間"梁粉"自我染紅報社令我感到可惜。

請用家家長唔好再為這件事回應啦! 係EK分分鐘都可能有該報社人員用方法再起事端!! 謝謝

Chris852

老實說, 我最初對英華印象十分好, 但了解更多後, 改觀了.
Anyway, 無線新聞經常講:  "無線新聞, 與您息息相關."
那些提目頂多只可以對大人來說還可以, 對小朋友說: 沒有關係.
識某某, 不如識Obama總統, 習李, Bill Gate, 等有有影響力的人.
英華常識是給其家長嗎? 恕我直言.! Really no offence!

hadwinboy

原帖由 WKDRB 於 13-11-20 發表
首先，我發表的不是甚麼「偉論」，而只是一個常人都應該懂的「常識」。

其次，要對貴校一些不合理的教學 ...

多謝賜教. 唔好意思，我實在沒有時間再討論下去，你慢慢吧. You win

hadwinboy

原帖由 skkeung 於 13-11-20 發表
曾志偉也不是娛樂花邊新聞？

他辭任的原因是什麼?

marble2004

回覆 aidan08 的帖子

You have said exactly what I wanted to say...Lucky enough is my kid is doing pretty good at school so teachers are not picky on her.

Though I also studied at local school, again, I was lucky enough I learned English via a number of westerners and they had good heart in teaching.  Like what you said, it's really free thinking throughout all the years...Even Chinese History, my lecturer at university also told the class they could not challenge for what I presented as long as what I said was correct with relevant supporting, they could not I did not say this and that.

Now, obviously, teachers don't have a heart and could not accept opinion from others...In fact, what I told them were constructive and I discussed with them in a very polite manner.  It's quite the opposite when I found the response from the teachers...sometimes, I think are they qualified!!!

So I could not buy the idea that those parents support the school blindly...this could not help the kids's development but just hinder their future

1234ats

後生一代連的士加價不知，港鐵何時全面使用智能車票不知，為何港鐵每程減收0.1 也不知，交通工具是民生一部份，竟然說可以不用知，我覺得很悲哀。
--------------------------------------------------------------------------------------------------
我唔系后生一代，但以上所讲的我通通唔知，亦无兴趣知。想落又真系几悲哀。

aidan08

我日日睇報紙，亦對主要時事好熟悉，不過，港鐵每程減收0.1我真的不知，我亦相我身邊好多專業人士、中產都未必知，我亦唔覺我唔知呢件事會比人話我脫節和愚昩。少搭港鐵咪唔留意囉，呢則新聞有咩咁值得每個市民都要留意呢？所以，大人都在篩選自己需否知道的新聞啦！培養閲報習慣係需要，但都係嗰句，點樣培養先係重點，冇人話細路唔需要培養關心時事！

skkeung

曾志偉也不是娛樂花邊新聞？

hadwinboy

原帖由 WKDRB 於 13-11-19 發表
我相信不需要甚麼教學專家，只要稍為有理性懂思考懂分析的人一看就知出這些垃圾題目是對還是錯吧！

你若 ...

既然不清楚，那麼我建議你先了解清楚其他小學如何教時事才發表偉論，起碼我母親曾任教港島神校常識，也說與其校小一時事題程度相約，也是如此抽報章內容出工作紙(但會避了暴力色情跳樓等新聞) 又或，其實你可去信教育局，建議取消"時事" 一項，好過你如此屈就在 EK 舒發不滿。因是教育局通過加插認識"時事" 於常識一科，當時是認為小學生常識不應限於課本，要知道社會、(再引申) 世界發生什麼大事，而閱報習慣需要從小建立。反觀現時後生一代從不閱報，或只留意娛樂花邊新聞，所以教育局要倡議廣泛閱讀。後生一代連的士加價不知，港鐵何時全面使用智能車票不知，為何港鐵每程減收0.1 也不知，交通工具是民生一部份，竟然說可以不用知，我覺得很悲哀。以上各項我個小一囝全部知，関心時事、認識社會，這是我做家長的理念。多謝賜教。

eviepa

WKDRB 發表於 13-11-19 23:03
我都係議事論事，用詞可能的確有點狠辣，你說得對，當別人感覺被言詞傷害或被侵犯，會自動架起防衞機制，甚 ...

//我都係議事論事，用詞可能的確有點狠辣，你說得對，當別人感覺被言詞傷害或被侵犯，會自動架起防衞機制，甚麼道理也聽不進耳，我也應該檢討用字用詞，否則任何道理都是白費。//


好奇怪你會咁溫和，其實九萬幾人都想你用詞唔好咁狠辣。

ANChan59

aidan08 發表於 13-11-19 22:58
我明白你所講的情況，其中一個原因，都同中國人對老師的觀念，和老師這個行業的習性有關。因為我以前在一 ...

多謝分享！

aidan08

marble2004 發表於 13-11-19 22:47
回覆 aidan08 的帖子

而且，糾正學校的不足之處，對自己仔女亦有好處。而且，糾正學校的不足之處，對自己 ...

我明白你所講的情況，其中一個原因，都同中國人對老師的觀念，和老師這個行業的習性有關。因為我以前在一間國際性的教科書公司的市場部工作，要接觸好多老師，基本上我要見的客戶對象就係老師。我第一日返工，我老闆(一個在這行業打滾了很多年的老江湖)已同我講︰你面對的是老師，雖然喺一般人眼中，老師咪又係一個行業，唔見得有咩咁巴閉，亦不是其他專業人士咁受人尊重，但係，老師慣咗在班房內一人獨大，所有人都要聽佢支笛，久而久之發展出一D自傲的性格，好多時覺得自己啱晒。同時，我哋中國人，或者可以講亞洲人的教育模式，都係老師講，我哋聽，好少發問，亦最好不要諸多意見，這也是老師覺得自己啱晒的原因，好難接受批評......

外國人的教育模式互動D，學生有意見會提出，老師亦傾向多角度思考，不設model answer，所以外國人的老師又無咁多唔接受批評的情況。

對於你所遇到的問題，我真係深表同情！明知老師係錯，你指正佢要好大勇氣，因為佢可能會視你仔女為眼中釘，或者特別針對你仔女，好多人基於咁嘅原因，都忍氣吞聲......

marble2004

回覆 aidan08 的帖子

而且，糾正學校的不足之處，對自己仔女亦有好處。而且，糾正學校的不足之處，對自己仔女亦有好處。點解要維護校譽而咁盲從附和呢？？

Reference to the above statement only, not really related to what is being discussed in this thread.  I strongly support 而且，糾正學校的不足之處，對自己仔女亦有好處。點解要維護校譽而咁盲從附和呢？ I also raised some issues to the school and flagged some mistakes on what the teacher taught.  But guess what, the teachers asked me to shut up.  But indeed they are wrong.  I discussed with the teachers after I spotted the mistakes and further discussed with a number of people.  I found out in fact, the teachers on one hand, have not further their education and secure what they have learned, and on the  other hand, they do not want to admit their mistake - this is really a shame.  It's not wrong to make mistakes, we all make mistakes, right?  But the point we have to correct our mistakes.