請問揾人做portfolio要多少$? 唔係專業那種.

mmcwwy2612

做PORTFOLIO唔係要比錢人做，而係你小朋友在幼稚園讀書時的德、智、體、群、美係要老師先知道及了解，如果你想要一份，就要一早要求老師做給你看，因為佢地要定期在學校幫小朋友影相及做報告，每月大約一份，所以在你小朋友就讀幼稚園，就可以要求老師做份PORTFOLIO以便不時之需。

mmcwwy2612

基本上由出世就可以開始，如果佢0歲入讀托嬰老師就會同佢做，到n1都會同佢做，甚至你可以要求幼稚園K1開始同你做，報告入面會有德、智、體、群、美、最基本。只要你向老師查問，其實好多幼稚園都會有份評估比你。

而且唔好介意我多口講句，其實老師都會係幼稚園時見家長，佢會比一份你孩子的評估給你，講真你報讀小學，派唔好理想學校，你想再去報，根本人地只係同你留資料，完全唔會睇你孩子的PORTFOLIO，咪浪費D咁的錢比人賺。

我自己做小學，年年都係咁收生，根本好多學額係好足夠，完全唔駛擔心無得入理想的小學，如果你選擇個D超級名校，好似銅鑼灣個間聖保祿小學，或者聖公會柴灣聖米迦勒小學又或者中華基督教會基灣小學個D咁名的名校就話爭到頭破血流O者！

根本小學就唔會睇佢幼稚園的評估，因為幼稚園係無考試成績。佢收你的評估都係做下樣比你睇，我做左六年小學，有咩家長未見過，佢地好似好緊張又攞哂個D派位証黎，又唔敢去已派的學校註冊，其實根本唔駛擔心。

mmcwwy2612

請大家不要浪費金錢，真的想做PORTFOLIO向你們孩子學校要求，唔好比錢人地做。做左份天花龍鳳的PORTFOLIO而內容和你孩子的性格、表現、有所出入，而又想要份PORTFOLIO為求孩子入讀好的小學，咁樣就係呃人，這份報告唔係真的你孩子所有的一切，要真實的PORFOLIO找你孩子的學校要求一份，根本唔需要錢，家長向校方要求，校方係不能得罪家長，佢地實會同你做，所以你們放心去問幼稚園老師吧！

本人的工作經驗不會騙你們。