點解咁多女仔都會想揀 女校？

sexymami

想問下各位，點解會想囡囡入女校，而唔揀男女校呢？

我本來一心係想搵男女校的，因為覺得人際關係處理各方面，男女校好似會平穩啲，待人接物等都全面。

但見好多人都target 男校或女校，又會有咩特別原因？

當然有部份係因為成績各樣，但除此之外呢？
男女校都有啲成績好的啊？

sexymami

kirstyau 發表於 17-12-12 10:18
以前就話怕唔識同男仔溝通，依家出去學野補習周圍都有男仔。我女要去參加社區幼童軍，唔會唔識同男仔相處 ...

就係因為讀大學時，覺得好多讀女校上來的，同男仔溝通時好似都怪怪的⋯⋯ 我都講唔出係咩感覺，總之就覺得佢哋欠左啲野

所以依家就唔多想囡讀女校

但又見好多好學校都係女校.... 其實男女校係咪真係差少少？

sexymami

blueaqua 發表於 17-12-12 16:58
1. 多是非
2. 分黨分派
3. 明爭暗鬥

同意！
正正都係我的想法

sexymami

asweetmom 發表於 17-12-13 07:16
你的標題重點和內容不符呢，標題的意思是女學生選女校，內容卻是父母選女校。
...

當然係囡揀學校，最終都係佢讀，所以都係佢自己喜歡的。
但選校過程漫漫長路，我作為家長都會參與俾意見，亦會陪佢一同參觀學校開放日之類嘛

所以我想問下各位家長，係咩原因令你/你囡囡想選擇女校啫

又或者以前讀女校的畢業生，俾你再選擇的話，你又會唔會讀女校，或俾小朋友讀女校？

sexymami

1998Ruby1998 發表於 17-12-13 04:31
的確單一性別學校 DSE 成績都比較好，女仔有 DGJS、St Mary's、MCS、SPCS、MSS、BPS，能夠有同樣好或更好成 ...

Ruby 咁我想問下你意見，如果俾你再揀，你會想讀男女定女校？

如果我囡係比較男仔頭，大頭蝦，上堂又會發下夢嗰隻，另外比較活潑，唔鐘意成日坐定定，佢冇乜機心，啲同學講咩都信十足，又唔識玩手段，傻下傻下咁

都應該男女校會適合啲，是嗎？

我好希望搵一間開心學校，玩得的，唔好讀死書，但當然都希望成績好啦！好似都唔容易搵...

sexymami

artroboy 發表於 17-12-13 18:11
都有好多好既男女校，唔講超神校，例如張祝珊⋯，學習氣氛一流，d仔又欺文，DSE 成績又勁。還有林護、聖馬 ...

有朋友林護同張祝珊畢業，都係唔喜歡間學校的
太過專注讀書了，可能因為佢哋都唔係最top嗰一堆同學，所以我喺到諗，係咪應該去啲一線尾2線頭的，如果佢在當中係中上遊的，可能佢發展各方面都會更多機會？

我希望佢中學有多方面發展，咩都可以玩下，人際溝通表達各方面都可以增強。反而學業就睇下佢有冇書緣，哩啲冇得迫，強求唔黎

啲人成日覺得早啲識就等於叻，一早就要迫小朋友花幾倍時間去學哩樣學嗰樣，其實我一啲都唔認同。

反而保持佢學習興趣，令佢喜歡返學，會自主學習，先係長遠之計。

越講越遠添....

總之就係想又玩得叻，又讀得好囉... 好貪心
哈哈

但發覺好似女校會多啲選擇

不過越講就越發覺囡都係應該讀男女校，我估我心底都有答案了

sexymami

1998Ruby1998 發表於 17-12-13 18:03
回覆 sexymami 的帖子

同我咁似嘅！不過我畀人欺騙得多，所以學會唔信同學。玩手段學左 12 年都係學藝未精 ...

係呀！就係咁樣！

依家啲女同學，成績好嗰一班都唔多喜歡我囡，唔鐘意同佢玩。

我囡唔明白原因，剩係覺得佢哋講佢是非，唔知點解佢哋唔肯同佢玩。

但我心裏明白，因為佢有少少被標籤做曳人，小小多手大動作，成日漏帶書本欠功課。

我叫佢搵其他同佢差唔多的（即間唔中都被老師話嗰啲）
但佢就話唔知點解感覺又唔想同另外嗰啲人玩。

佢心裏都覺得自己係叻人，但啲叻囡又覺得佢係曳人... 但同男仔玩就冇哩啲顧慮... 通常都會同佢玩，我估以佢性格應該都係男女校會適應啲？

sexymami

fionaytwong 發表於 17-12-14 15:03
問題係好嘅男女校比好嘅女校難搵.

係呀！
似乎好的男女校比較少...