大埔道崇真幼稚園家長分享站

winnie_1710,

你囡囡叫「翠兒」??
我囡囡叫「烔因」呀!
到時不如約埋個地點等相認吖!! 有咩提議呀各位??

烔因都係讀上午班, 不如約喺操場o既教堂門口等好唔好??

跳跳虎囝囝叫「子豪」,
wyl囡囡叫「烔因」(我老公都會去),
simsim囡囡叫「鎧悠」,
winnie_1710囡囡叫「翠兒」,
phylli囡囡叫「樂頤」。

我哋一於約埋6:00pm喺教堂門口等啦! 到時見!!

我去年幫囡囡打了水痘針, 流感針就無打.

蘇先生電話：81060279， 佢幾好人， 有咩可以直接問佢。

我6:00正去到崇真, 但見到教堂門口冇人喎 跟住我就入咗禮堂, 我坐喺第一行對住校長o架, 你哋有冇見到我呀? 烔因編咗入「上幼信」呀, 你哋呢?

不過我聽到校長話只有全日班及下午班才有課後活動,有啲唔高興, 點解上午班唔可以有課後活動喎??咁咪好唔公平囉?? 不過一班24人我就覺得幾好囉!

傻妹,

啊! 我明嘞! 但下午班有冇午睡的問題? 會否晏睡晏起身?
唔係呀! 今年幼信係吳鳳珠老師做班主任呀, 佢好唔好呢?? 鄭秀蘭老師做咗幼望班班主任呀! 我都想烔因編倒佢嗰班呀!

跳跳虎,

你囝囝係咪就係坐近窗口中間位個男仔? 我個囡都係坐同一張枱喺佢對面左手邊, 猛喺度用筆劃嘢嗰個就係佢, 我琴日著橙色衫, 你見唔見到我呀??

Phylli,

樂頤讀邊班??

烔因及子豪 - 幼信
鎧悠 - 幼仁
翠兒 - 幼望

好似話可以9:00-9:15, 記得帶齊嘢(相片8張、octopus、借書証、回條等)同食早餐喎! 書包裡面要有杯同毛巾盒, 乾濕毛巾各一條, 未戒片就要帶多幾條褲仔! 我仲有冇嘢漏??

winnie_1710,

其實我囡囡之前pre-nursery都係返全日, 我覺得囡囡學多咗好多嘢, 同自律性會叻d, 好似瞓覺同食飯, 都會比未返全日前叻, 加上我屋企冇工人, 所以k2我諗我都會幫囡囡轉全日(如果經濟許可的話 )

睇吓到時點先啦! 如果我老公搵到嘢做就我亞媽揍, 未搵到工就佢揍囉!

跳跳虎,

我終於見到你嘞! 幾時? 我老公今日帶咗部DV返學校拍低囡囡上課的情況, 所以咪見到你同你囝囝囉!  

PHYLLI,

我囡囡都好中意返崇真, 不過我唯獨是覺得佢啲行政比較混亂。其他嘢都唔錯。

Phylli,

因我要上班, 我沒有陪小女上堂, 但我老公有陪, 佢亦覺得大致ok, 但唯一上toilet安排較混亂, 很多時一班已進入toilet, 另一班便要在門口等, 學生加上家長八十幾人, 小學班學生又在樓梯上落, 情況真的頗混亂, 但我老公說可能因為現在只上一小時堂, 沒時間安排學生分批上洗手間才會這樣, 如正式上三小時堂又沒有家長時, 應會好一點, 但我已打算打電話俾班主任向佢反映一下這個意見, 我想如果你也覺得有問題, 不如也打個電話俾班主任反映下, 等佢哋改善吓都好, 係咪?!

跳跳虎,

係呀! 我老公返嚟都有講話烔因見唔到佢喊, 然後你走埋去安慰佢, 佢係咁o架! 好嗲爸爸, 見唔到就好地地, 見到就要黐住哂! 下星期冇家長陪應該會好一點, 其實佢讀pre-nursery都係咁, 返學第三日已經同我哋say goodbye嘞!

toilet方面, 我覺得要同班主任反映吓冇廁紙呢個問題, 派得一張紙, 除得褲嚟都跌咗啦! 而且洗完手都冇紙抺手, 唔係咁好囉!

課外活動我幫烔因報咗mon-thu的英語樂園, fri學芭蕾舞, sat就英語同普通話生活坊都參加。 你哋又點呀?

至於家教會我有參加, 因為將來無論參加活動, 發表意見都方便啲同有優先權, $30啫! 參加咗冇蝕底嘛!

不如叫phylli改咗呢個subject個「崇真家長會」咪得囉! 唔駛搬嚟搬去啦! phylli, 麻煩哂嘞!

LEON,

多謝你意見。星期六我哋會自己帶佢返, 所以問題不大, 另外, 課後活動只是一小時, 我覺得都OK, 不過, 到時我會視乎佢適應能力作出變動, 如果太勉強到時未唔返囉!

晞晞媽咪,

你住邊區? 如果轉嚟崇真會唔會太遠? 而且如果依家插班, 可能只得下午班, 你話你囡囡讀得開心, 咁不如了解多啲聖母先再作決定啦! 而且聖母收生是否全收抑或收部份, 你要了解清楚先啦!

不如我哋一齊向學校反映吓書包重量同廁所冇廁紙呢個問題啦!

今日問咗老師, 佢話因為適應週情況比較混亂, 所以toilet才沒有廁紙供應, 遲啲會有返喎!

有呀! 我幫烔因報咗mon-thu的英語樂園, fri學芭蕾舞, sat就英語同普通話生活坊。