有冇只靠校內學業成績好, 冇活動獎項, 都入到 B1 學校?

hayamama

(舉手)我！ 小女，屋苑小學，小二至小六，全級之首，但獎牌欠奉！去年跨區往九龍城，派旅港。但甲部為石硤尾B1，藍田B1，何文田B1，派位後即日，拿著3A+A去叩門，全部都收，結果當然入甲一那間！

hayamama

shma1978 發表於 14-7-10 11:14
你好呀！想問問有冇自行考過瑪利諾修院同協恩呢？我個女都係普通小學，學業成績突出，但冇乜其他方面的奬項 ...

瑪利諾我地有選,但一定唔夠人地小學直上咁有優勢。不過交通關係,我住將軍澳,無直車到, 所以真心不希望派到去瑪利諾。是故也沒想到要去叩門。協恩本來好鍾意,但轉左直資,自己覺得如果呀女入到優秀的資助中學,可以慳番D學費留返將來上大學。其實,條條大路通羅馬,只看佢地有無本事捱下去而已。

hayamama

rayeu160 發表於 14-7-11 08:47
我覺得要睇名次外，仲要睇埋咩野小學。

讀咩小學都係其次, 我反而覺得, 學習態度先最重要。我女讀屋苑小學,無比佢讀咩英文班或活動,只學Ballet。大部份科目用中文授課,連我自己也認定, 一定不能跟市區小學的程度相比,所以提醒佢必須比別人更用功。佢連派位結果也不好,只派到第5志願, 我們咬緊牙關, 沒有任何獎項,只拿著漂亮的成績表去叩回最心儀的3間中學門, 最終入讀左甲部最想入的B1女英中。這一年,程度真的深左超多,已經唔係我自己可以再教佢功課,但她都習慣到英語學習,所以說,學習態度先係最重要。

hayamama

sarali 發表於 14-7-13 15:22
我想問一下, 你去考的中學只睇成績表, 但成績表只有ABC grade, 是否中學那邊有你女女在小學的名次在手的??
...

因為带備齊四至六年級上下學期成績表去，備註欄亦寫上全級首名名次，校長推薦信唔知有冇睇，唔知真實效用。

hayamama

是的，你說得對，首三名是會列在成績表上的。

hayamama

hkspiderman 發表於 14-7-13 21:13
我反而有興趣知這批高材生（全級5名內果批）平日用多少時間做練習操卷？ 1星期用多少時間上補習/公文/oral. ...

Hahaaa ~ 我地都一樣，沒有做卷，只學芭蕾舞一個課外活動，沒有補習。同樓上一樣，上課時要好留心！不過小女不才，閒時係會在默書測驗前两三天開始温習。佢不聰明，只好比別人努力d！