點睇下午班

開心小花

我小朋友上午班同下午班都有返過. 上午班時, 日日早上最遲7:45就要拖佢起身, Warm up一陣先飲奶, 著衫. 有時, 唔夠瞓仲狂喊. 有幾次, 仲因為剛食完早餐即刻趕出門口, 係車上面嘔返D早餐出來.  後來, 改讀下午班, 反而好好多. 一來, 佢可以瞓到自然醒, 8點幾先起身. 跟住12點開始食午餐, 再施施然搭車返學. (因為, 下午比較少塞車.) 4:45PM返到屋企, 佢即睡. 通常瞓到6點幾7點起身, 沖涼.  我同老公通常就7點鬆D返到屋企. 佢就剛剛起身, 沖完涼.  大家再一齊食晚餐, 食完睇下書, 玩下, 晚上就10:30上床瞓. 暫時睇來下午班的時間就適合佢D.