小一好灰

簡單啲來講

我小朋友以前小一讀三線學校，自認為讀得還可以，門門80，90分。後來想插班九龍塘學校，學期尾報咗新舊華德，基華小學，結果參加完筆試，一家面試都冇，我還打電話去問插班考試成績，只有數學剛合格，其他都唔合格，英文更是只有30幾分。所以學校跟學校之間是有很大差異的，最後只有一間二線學校要佢。所以你現在已經是九龍塘小學，證明已經先人一步了，起點高的。所以不用著急，不用氣餒，慢慢追趕，一定可以的了。最後我呢個小朋友升中就自行到band1A中學。

簡單啲來講

VIPPO 發表於 24-4-19 10:57
感覺真係要視乎小朋友幾時開竅, 幾時識得自律, 自主溫習, 知道咩係對自己有益無益,
一日未開竅, 一日從旁 ...

我覺得要睇親子關係，小朋友幼時多陪佢參加活動，多帶佢玩。佢雖然年幼唔理解成績考試重要，但家長唔開心，佢會在乎你，就會上心。相反如果小朋友別人操大，家長又唔陪佢玩，親子關係就冇甘好話，你要佢上心學業，你唔滿意佢成績，佢都冇咩感覺。
在香港要自然等佢開竅，風險係好大，因為中學係在一間學校讀六年，小學唔理，升到band2，band3中學話，等佢開竅想讀書，但身邊同輩都系唔要讀書，會受好大影響，到時就無力迴天。

簡單啲來講

LEE-Baby 發表於 24-4-19 13:00
多謝你的分享希望我都會見到曙光。

如果老師無迫得咁緊，我都無咁緊張，我都係諗住慢慢追，如果2- ...

其實還是一個心態。咁就係一開始在二三線的好處，冇人迫，慢慢追，打好基礎後，去到一線，夠吃好幾年。如果一上來就好難，其實都好打擊，但來都來了，就調整好心態，按自己進度來。

簡單啲來講

NEWTL 發表於 24-4-21 16:08
依句真，你對佢好，就算你鬧佢（有時真係忍唔住  ），佢都明白，會在乎你。
...

你唔開心，佢都會感同身受，鬧佢做唔好，佢就會做好，大家開心。但親子關係冇咁好呢種，你鬧佢，佢只會想到自己，好似自己受咗委屈咁，佢唔會想到係佢冇做好，唔會從自己身上揾原因。你鬧佢，就係你唔對，你唔可以咁樣對佢，始終唔會為你去學習。當然學習本身唔係為家長，但要讓佢理解係為自己前途，最起碼要高小才懂。所以我覺得小朋友幼時聽話，去做佢哋無法理解嘅事，其實係為咗家長做。如果親子關係冇咁好，佢哋本身太細唔法理解，亦唔會為你去做。所以古語有“棍棒底下出孝子”，用呢種方法逼迫佢做，做習慣後，佢自然明白學習好處。但現代係唔提倡棍棒教育，講究從心出發   

簡單啲來講

VIPPO 發表於 24-4-22 14:39
唉, 有時我都好唔開心, 好矛盾
因為間學校係教快教深, 小朋友(一年級) 成績中等, 但我知道其實佢比起同年 ...

呢個小問題唔洗太在意，只需想到呈分小朋友一定唔會犯呢種錯誤，做多了就知。學習要注重過程唔係為分數呢個結果嘛，除非你又有所求，比如要考好點成績為咗插班，咁就會痛苦。不然眼光放遠點，唔要為呢種小錯誤痛苦，到是如果小朋友無心向學，讀唔進書，呢個才要重視。