◇◆保良局吳多泰幼稚園(2)◆◇

蔚晴

原文章由 PIGPIGMA 於 08-4-3 11:10 發表
蔚晴


有我地陪你, 都係咁屎 ,想唔想下星期四LUNCH TIME去九龍公園裝下佢地???? 不過唔知係邊到????????

我都好想過去裝吓,不過嗰日我有好多野做,唔知去唔去到!!!!

蔚晴

原文章由 tobemum11 於 08-4-7 08:58 發表
唔好意思,甘多位mama
心急想問,有冇mama住馬安山要仔仔女女坐校車返吳多泰架?來唔來呢?會唔會好辛苦呀一早起身等校車,校車係學校門口落?定係落左要行呀,我去過學校門口都唔見可以停車既地方
太多問題,ma煩晒,5月註冊 ...

tobemun11,
我唔係住馬鞍山,不過希望可以解答你,校車每朝會8:00到,起初都覺得好早,不過慢慢習慣左都ok,而且如果上到小學都要咁早啦,學校後面係馬路,我囡囡話有個後門,落雨都唔會淋濕.

蔚晴

原文章由 堯堯豬媽 於 08-4-8 10:37 發表
你地有無諗住星期四去旅行換夏季校服呀
好似今日有成30度,我怕果日佢地又跑又跳,
跟住上番冷氣巴會就咁攪點左

不過我聽日都會打去問下老師可5可以換,
yiu豬家陣係屋企已經著緊背心 ...

我今日已經同蔚晴換左夏季校服,因為天氣真係太熱而且冬季件運動衫又好厚,所以我偷步換左先,最多聽日著返冬季校服啦!!!

蔚晴

補祝靚女斯澄生日快樂,身體健康!
呢幾日bk好似我咁傻吓傻吓,攪到而家先可以同亞靚女祝賀,真係唔好意思呀!

蔚晴

原文章由 堯堯豬媽 於 08-7-10 11:35 發表
聽日見埋家長,班衰豬就開始大放肆喇
我已經講明比一個星期亞大少放肆,
跟住mon - fri照常做作業+溫習,sat&sun就自由行動~~
學校咪派番D係朝早上堂時做既生字既.....
我諗住唔好side ...

嘩!唔係掛得一個星期放肆,不過我同您一樣咁諗,橫掂D作業仲有咁多剩,不如俾佢地做埋佢,慳番D!您PLAN左幾時去長隆呀?天氣太熱要小心喎!舊年蔚晴熱到有輕微中暑,記得要飲多D水,袋定D鹽去,或者可以飲保礦力,玩得開心D呀~~~

蔚晴

各位,
我想問今年學費係幾錢呀?

蔚晴

原文章由 堯堯豬媽 於 08-8-6 13:30 發表
收到信喇~~~
學費加左--->$600
你地睇左封信未呀
今年9月1日係咪剩係佢地返,我地5使陪返呀??

好似學費係加左$300喎,唔係$600,我都想知係咪8月25日係蕭漢森開家長會,9月1日剩係佢地返學?

蔚晴

原文章由 joefoon 於 08-8-11 04:18 發表

蔚晴
關 『蕭漢森』 鬼事:;pppp:

joefoon,
我打左電話去問老師,過往9月1日的家長會今年會係8月25日係蕭漢森進行.

蔚晴

囡囡係細囡,同其他同學比較理解能力會較差,可能係咁所以就好活潑,坐唔定,但做功課都ok,而且唔會好慢.
我知道活動教學唔係咁死板,但囡囡可能會較難明白.但可以有開心的校園生活;而傳統教學會好悶,或會令囡囡討厭返學,但學業上會較容易掌握.
我想大家俾d意見,謝謝!

蔚晴

joefoon,
斯澄俾我感覺係一個好明白事理的小朋友,雖然我只係接觸過佢兩次,我相信會喺好短時間佢應該明白,其實媽媽唔係冇用,而係偉大,為左佢好連份工都放棄,專心照顧佢.

蔚晴

我都決定咗去沙呂交表啦!

蔚晴

原帖由 堯堯豬媽 於 08-10-9 10:05 發表
琴日你地大小姐大少有無同你地講,
佢地係學校成班換運動衫呀????
yiu豬講D唔講D,再問佢就直情唔講添:;pppp:
唔知咩事呢

我知佢地係錄影行CATWALK,不過詳情都唔係好知,前日我囡書包夾咗張字條,要帶運動衫&運動鞋,點知噚日12:10pm,黃老師打俾我話想留我囡係度放學錄影,所以冇俾佢上校車,等我叫婆婆唔好等校車,其實唔好都唔得啦!您都冇俾佢上車,而且事前我咩都唔知,黃老師仲話唔知會影到幾點,不過學校會有LUNCH俾佢食,我知最終好似影到4點幾5點,之後亞囡留咗係學校跳舞到差唔多6:00pm先離開學校,之後婆婆話佢係車度食咗個波羅飽就訓咗,不過我放工返到屋企見佢鬼打咁精神.

蔚晴

原帖由 堯堯豬媽 於 08-10-21 10:51 發表
蔚晴

你都攪生日會呀????
係生日果邊見到你....

堯堯豬媽,
係呀!我想今年同亞囡開生日會,想係最後一年幼稚園階段有個開心回憶俾佢,不過原先唔想係麥記,但經過一輪考慮後最終都係去麥記.

蔚晴

原帖由 joefoon 於 08-10-24 05:49 發表

蔚晴、堯堯豬媽,
妳地囝囝、囡囡、開生日會
都不預我和囡囡

joefoon,
我而家都為左請人而煩惱,麥記最多係可容納40人,但我可能會有50幾60人,都唔知點好!

蔚晴

原帖由 堯堯豬媽 於 08-10-24 22:15 發表

蔚晴

你請晒全班??你識咪同全班D家長都有電話/email聯絡開??
如果唔係的話,我怕你會好似我咁,請左大半班,
得5個人黎咋(5個覆電話會黎,有2個岩岩星期日先覆唔黎,其他連電話都無個,我呢個星期日已經係,
我仲要個半月 ...

堯堯豬媽,
可能有D家長唔記得覆電話啫,應該都會有好多都黎.雖然我冇咩同D家長聯絡,我估如果全班20個人,應該都會有大約15個人到,因為之前有D同學仔攪生日會,好似都係咁上下,另外我囡有6-7個朋友仔,如果請哂我驚會好迫.

蔚晴

原帖由 joefoon 於 08-10-25 03:41 發表
有無人要血呀
這幾天教斯澄做功課、
教到 血、
如果可以 肥膏或肥油、
就好哪、

joefoon,
我要血呀!因為我有地中海貧血,但肥膏肥油我都有好多,唔駛客氣!

蔚晴

原帖由 堯堯豬媽 於 08-10-29 20:08 發表


我唔係嚇你,生日會當日,真係得呢5個黎,
其中一個朝早打黎話病左黎唔到添~~~~
所以你真係預算得好好先得
最好張卡寫明黎唔黎都一定要覆!!!!!
否則怕你回禮就大失預算咋
我自己就明知得5位,就預多一份咋,
其他就算黎 ...

補祝堯豬生日快樂,快高長大,可以派到間好學校~~~~
雖然唔係好多同學仔到,不過我諗堯豬嗰日一定玩得好開心,其實小朋友只要有食有得玩就開心,我BOOK左第一城嗰間.

蔚晴

原帖由 堯堯豬媽 於 08-11-3 10:18 發表


蔚晴

第一城果間幾好架~~~
岩岩有位BK mami上2星期攪完,
都成廿多位小朋友+幾多大人,
全程無悶場
又唔會吹人埋單,又識攪氣氛,
亞大少差D連蛋糕都無得切,
好彩我地及時阻止佢地咪切咋....
好過希爾ton多 ...

堯堯豬媽,
我都希望可以玩得開心,如果D姐姐夠經驗會好好多,我鍾意第一城麥記出面有個空地,可以俾D小朋友玩遊戲,唔駛咁迫;另外我已PM地址俾您,多謝哂!~~~~~

蔚晴

原帖由 堯堯豬媽 於 08-11-3 15:02 發表


寫完先諗起......駛鬼寄咩~~~大少同亞囡同校架嘛!!
咁你趕唔趕住用??趕就我放入書包聽日叫大少比亞囡,
不過你要PM全名比我,如果唔趕,我咪照寄lor~~~
大人你意下如何 ...

唔趕喎!12月先開生日會,您可以交俾老師註明上高F"蔚晴",由聽日開始我囡會呢個月大部份時間留係學校至6:00pm.
放學後會同老師一齊食lunch,之後就做功課跟住午睡,4:30pm開始跳舞直到6:00pm,係咪好顛呀!!!!

蔚晴

原帖由 堯堯豬媽 於 08-11-3 19:09 發表


咁我聽日叫大少比亞囡喇!!!!
點解可以係食lunch+午睡既?????
幾時轉全日架????
如果係我都想咁做呀

事原老師之前打俾我,叫我俾亞囡參加跳舞班,仲話亞囡好有天份等等,我仲返去以為好勁咁同老公講,不如俾佢參加啦!(點知中咗計,原來有幾個家長都收到老師一模一樣電話),老師叫我預算成個10月都要留校跳舞,冇校車要自己椄放學,因為會有比賽,點知11月都要成個月由星期一至六日日跳,而且大多數要4:30pm-6:00pm,嘩嗰d時間婆婆要3:30pm送返學校,唔走得至6:00pm,大約7:00pm先返到屋企,根本攪唔掂,而且原來仲有幾個比賽,咁起不是要跳一年,我同主任商量可否安排一程校車,但主任話安排唔到,起初
我話唯有唔參加跳舞,但主任話已預咗人數,最好唔好退出,唯有安排亞囡放學後留校食lunch,做功課&午睡,4:30pm開始跳舞,直至6:00pm婆婆接放學.