Band 3生變Band 1生？

greentea000

同事女由p4升p5暑假開始力追，音樂、常識自己教，中文、英文、數學、視藝全部大學生專科專教。假期全部無得玩，每次測考/評估無進步就換老師，個女讀到喊，同事都喊埋一份。最後叩門入中華基督教會協和書院，黃大仙b1英中。
樓主仔時間更少，仲唔發力，凍過水。

greentea000

Eat_Sleep_Play  其實咁讀法就算比你入到band 1都係咪一件好事？
________________________________________________________________________________

係咪一件好事言之尚早，始終中學有6年，好多變數。

反而係有幾多父母可以「見死不救」？谷俾人話，唔谷過唔到自己。「一息尚存」都會努力下既，努力左唔得都無野好怨。。。中學再繼續努力囉！

而咁成功既例子係好少既，個女合作+好補習老師+全家一齊搏命，求其一個因素都唔容易。佢女谷完有咁大「成果」，比谷左都上唔到既好，起碼係谷呢堆裏面佢女資質上乘。谷還谷，唔代表佢女無學到野，始終試係佢女考，而且叩門更難！再講高小都唔追落後，上到咩中學都更辛苦要追返既野更多。

佢女中學當然繼續補習，主力補中英數，其他佢女自己搞掂。今年F.2，讀普通話班(中文能力好既學生)。搵個機會我八下佢女考第幾先 ^^

又，谷出b1成績，真係有家長甘心去b2學校？點同仔女解釋？

greentea000

CALVEN 發表於 17-4-4 14:36
想知小一至小四階段點解成績都上唔到去，
到左小五會突然band 3變到band 1 ?

同事個女本身唔太差，小一開始1星期3小時1對1全科補習，平均都7x~80上落。點知小四大考完班主任話係b3，晴天霹靂，同事以為係b2。於是做阿媽既即刻發功，目標係b1，唔得起碼b2，點知得左。
另外，同事對補習老師好狠，呢點好多家長反而無要求。

greentea000

Eat_Sleep_Play 發表於 17-4-4 14:55
這個是一個好問題，可能上到小五先知重要，小五先嚟谷

仔女自發動力當然更無得頂 谷都事半功倍

greentea000

Eat_Sleep_Play 發表於 17-4-4 15:29
點狠法？同佢講無90分就炒咗你？

每次測考/評估名次無進步就換老師

greentea000

Eat_Sleep_Play 發表於 17-4-4 17:00
換老師要重新適應，又要重頭了解小朋友特質，如果遇到一個好的補習老師係事半功倍，不過呢D嘢同請工人姐姐 ...

所以話同事好狠，亦抵佢搏到。
又，咁多其他顧慮排係成效之前，分薄左時間、精力，搏唔到係正常。

greentea000

CALVEN 發表於 17-4-4 16:50
但6月初已第一次呈分，你有咩計劃盡谷？你仔有無配合？

係啦，即刻行動最實際！

greentea000

回覆 little_yolky 的帖子

全日流流長，有得玩已經偷笑，非常時期無幾多家長俾玩全日，除非去旅行。
我對面屋有1個女仔，完全無補習，父母要睇鋪無時間，佢咩都自己搞掂，經常係樓下超市見佢1個人買野，如果買2件有折/買3送1佢會問我有無興趣。父母無谷佢，但佢有谷自己，等小巴時間都背生字，上年由錦泰考入保一。

greentea000

回覆 aquarius828 的帖子

啊，有次我見到佢屋企牆上貼左:
距離呈2x日

距離呈3y日

保一，必勝！

協和，必勝！

greentea000

little_yolky 發表於 17-4-5 11:26
人哋成績好, 就一定有理由既。但點都係自谷效果好過被谷。

如果無需要，就唔使人谷你又谷。
而"需要"係變數，當大圍小五發力，肯定有人行前左，每次呈分都大洗牌，咁你唔谷有無落後左？身邊大部分係因為呢種"擔心落後"而谷。

greentea000

little_yolky 發表於 17-4-5 12:05
即係, 其實如果小朋友一向穩定/自律, 保持自己既步伐就可以? 見人哋催谷, 開始有D擔心。 ...

嗱，咪就係呢種焦慮令家長唔理3721齊齊谷埋一份囉！
又，仔女穩定又自律本來佢考級頭1/3內係b1，點知呈分被擠到次1/3係b2，有人發力叻過佢，佢被迫落後左，咪好無奈囉！

greentea000

little_yolky 發表於 17-4-5 12:53
人做我無做, 好似好蝕抵丫嘛.............

如果你目標係入返聯繫中學，而阿女靠自己可以做到，咁如果係我，我就唔發功啦，但一定全程昅住，萬一有咩易郁即刻補救。

greentea000

IloveJJ 發表於 17-4-5 13:00
我都時時擔心呢個問題。我聽個仔講，差唔多全班都補習，我都好驚。

响中英文來講，我哋學校考運用，我睇 ...

去補習既其中一個目的係貼題，以前會考同高考好多平時無補習既同學都去下雞精班就係咁解，我自己會考科生物都受益左（C〉A）。而家下放到小學，見過有補習社針對dgs搞模擬試，每科$3xx，勁快滿額，唔係dgs既都去考。

greentea000

del

greentea000

回覆 little_yolky 的帖子

[size=30.3998px]咁目標係b1，多少要發下功啦！
[size=30.3998px]大埔b1生派入b1中學係85%咋

greentea000

little_yolky 發表於 17-4-5 11:50
其實想知道, 依家大部份同學仔小一已經開始補習, 咁, 到小五發力谷, 仲有乜可以谷?

C6話, 呈分試唔係睇邊個小朋友叻, 係睇邊個小朋友個阿媽叻喎, 到底仲有D乜可以谷?

初小去補習社功課輔導班果Ｄ1對x，我唔認為係谷 :happy:
起碼要1對1，有針對性，家長有明確要求既，即係有推動力 / 壓力先係谷。

補習老師本身又係一大變數，(1) 個老師咩資歷，直接影響佢可以教幾多野；(2) 個老師有無心教好，有心教好係非常花心血既，佢要發現到學生既問題，唔係頭痛醫頭腳痛醫腳，思考點教明白，自己識同教識學生係兩回事，教極唔識只可以內傷，唔可以好似父母咁鬧下出氣；(3) 谷都要講策略既，時間點安排、各科比重幾多、幾時重拳出擊幾時回氣。

學生方面，谷對"天天向上"同"話之你死"呢2種係浪費氣力，對"逼下就讀多Ｄ"呢種最有用，隨時發揮小宇宙爆發力驚人。

高小開始學生既資質多少睇到，智力係天生既，而能力係可以後天培養既，重點係正確既方法+持續既練習。

greentea000

little_yolky 發表於 17-4-5 15:43
九龍城暫時應該仲有足夠學額容納所有B1生, 不過過多兩年人多就唔知了。而且, 大埔區B1學額都相當充足, 所以有一兩間B1中學要收部份B2學生。

呢3年升中既幾個細路仔，唔知咩事都睇中莫壽增同迦密柏雨，鬼咁有要求 :sickmilk:
搞到我Ｄ表哥表姐幾咁擔心 :toocold:

greentea000

IloveJJ 發表於 17-4-5 12:11
好生性。點解可以咁?佢哋父母要看舖，咁佢哋係自己响屋企嗎？

佢老豆中三之後就做左麵包學徒，而家有自己麵包鋪。成日同個女講：我有3樣野幫到你，首先係舊生幫你入左錦泰(有聯繫b1英中)，之後靠你自己行上保一啦；其次我有麵包鋪，你就算讀唔成書仲可以跟我學做麵包，再其次學唔成做麵包仲可以學做老細！:joyous:
平時佢放學去麵包鋪幫手，送下外賣、收下銀咁，係果度做埋功課，到父母收鋪食埋飯先一齊返屋企。星期六、日佢多數返學校溫習 / 制服團體，父母驚佢1個人係屋企有咩事無人知。

greentea000

little_yolky 發表於 17-4-5 17:34
功課班我都覺得係托管成份多D, 但係, 我哋好多同學仔都有專補。私補多唔多就唔知。都係你果句, 我都覺得請 ...

補習老師方面，好多家長無用盡力 e.g. 輕易唔換人
請工人就話有2年合約姐，上門補習短既1星期通知，絕既今日補完叫佢唔使再黎啦！:quiet:

天天向上型需要既係優化，唔係谷。

greentea000

lovebb2 發表於 17-4-5 17:38
什麼是 天天向上形?

自動自覺讀書+有興趣有求知慾+成績唔錯
呢Ｄ通常有自己1套學習方法，又行之有效。