S1 1st Term Exam Result 派左幾份卷, 失望!

oscarmama

我是否好怪？好多時見家長話子女上到中學成績大不如前，好擔心，要即刻溫補習咁。
其實我仔响小學科科都9字頭，上到中學科科都係合格多少少，有1、2科吾合格添，但係我真係吾太緊張。我只係提吓佢，下次考試要睇吓自己因咩吾合格，自己想辦法去改善。
如果佢搞得掂，我希望吾到最後一刻都吾補習。俾佢試吓揾出自己學習方式先囉！

oscarmama

kathyso422 發表於 14-1-21 12:12
我用自己經歷來分享 中一的時候,不慣用英文讀, 所以成績很差,好多科目都不合格;自己身邊卻有很多人考得很不 ...

閣下的意見非常寶貴，亦非常真實。
我先生亦經常提醒我，男孩子需要俾多d空間佢哋。我先生成日都講，道理，小朋友係明白嘅，但係佢哋未有個心去做好，我哋要做嘅係，為有慢慢地、有耐性地引導佢哋以及等待佢哋開竅。


我而家等緊

oscarmama

Sasaalan 發表於 14-1-21 09:59
回覆 oscarmama 的帖子

我囝今次都有兩科唔合格, 我考慮緊是否請補習. 不過, 個囝話班上好多人唔合格:noth ...

我就咁睇，如果好多人吾合格，即係吾係你囝囝個人問題，有可能份卷深咗，又或者係個老師教得吾好，呢種況我吾會考慮補習。除非佢次次都吾合格，又或者好多時候只有好少數人吾合格而每次佢都有份，即係佢响呢科理解及吸收有障礙，我就會考慮補習。

oscarmama

lui 發表於 14-1-21 16:56
唉，阿女剛中一（其實yr 6),數學已考probability,剛what's app 我，好多科低份，其中一份maths 合格，第二 ...

你女讀國際學校？

oscarmama

shystc 發表於 14-1-24 13:56
我女學校連測驗卷都唔派,想睇吓問題係邊提點吓個女都唔得
真係要靠阿女自己發現問題去改善先有用....:igiv ...

少年係要俾佢哋空間去宣洩吓或減吓壓。如佢哋可以响佢哋有信心嘅項目發揮得好，做起事上黎個人會積極咗，好多時學術成績同時會提升。

oscarmama

windflower 發表於 14-2-16 16:08
你的小朋友小學科科9字, 但現時有些緊緊pass, 你唔擔心嗎…我的小朋友小學時科科6或7字,現在中一, 都是緊緊 ...

其實我仔間學校水平比較高，聽聞阿仔學校好多同學補習，我心目中阿仔無補習，只要佢在名次上不低於中位數，我都覺得可接受，而且上到中學，吾係話咁易攞到9字頭。而且我覺得F.1-F.2都係要玩多d，同埋係摸索適合自己嘅學習方式嘅階段，要俾多點時間佢摸索。另外我都會從旁觀察佢，睇吓佢會吾會因低分而失去信心，又或者佢真係好努力讀但都不得要領，咁就可能要幫吓佢。當然我了解我仔都比較自律，都算有少少好勝心，只係要經常提佢吾好打咁耐機，佢都聽話嘅，所以暫時為止都未洗擔心住。
個個小朋友都吾同，吾可以一概而論，適合我仔，未必適合你小朋友。