面試班

jcmchan

唔好傻啦~~IN K1都要上面試班???當你要IN K1時,報多十間八間,當玩,小朋友就會好自然有一間IN得好,學校唔係要答全對的小朋友,而係要看小朋友本身的性格合不合乎學校的要求,更加看家長的誠意.

好心啦~~唔好浪費金錢及辛苦小朋友.....

我小朋友一次都無上過什麼班,全自然去玩,平時帶去見下人,不怕生就OK了,N班時,佢90%成功,10%家長寫求位信,K1 --IN兩間,一間成功,另一間家長打電話去.最後全100%成功.關什麼班咩事????HKPS , SC , KV , KM ...都收!!不是自己小朋友特別叻,而是家長了解學校要些什麼,IN些什麼,誠意多少...你明唔明白??我朋友成功也如此!!!沒有一個是上什麼班的.

jcmchan

原帖由 porporchi 於 11-9-20 09:37 發表
我又講兩句先

我小朋友就快in K 班, 係唔係真係in 多幾次就可以成功呢? 係唔係寫信去就會收呢? maybe我個小朋友太不唔老師眼緣, 真係冇人收wow!

N班IN 3間, 有1間收, 自問in 得最好既就唔收, 去到咩都唔出聲o個間 ...

點解你要話你小朋友唔合老師眼緣而唔收???學校唔收有好多因素:
1.你問心是否真的了解學校理念??(舉例:學校要收活潑的,你就安排一個好斯文的小朋友去in,死半成)
2.你懂不懂得玩學校所想要的學生及家長的遊戲??(舉例:學校想家長不要太谷小朋友,人地問你假日做d咩??你就話去學野,死半成)
3.誠意??(舉例:有一位媽咪超愛某一間學校,佢知道即使寫信也不足夠,佢成日去學校門口親自交信,有一次被校長知道,就收了,為何人人用寄的方式而佢唔用??因為誠意!!!一定要入不可,用盡方式打動對方!你有無??)
4.面試時你的態度??(舉例:人地like家長得體,一針見血,個媽咪就講唔停,把口唔收,又或者比學校覺得個媽咪好怪獸,又死半成)
...................................太多太多原因不說了!!!
好多家長以為in時一定要對才叫in得好,錯錯錯!!!!!人地睇小朋友性格及反應多d,好多家長以為in失敗是小朋友的問題,錯錯錯,在我看來是家長原因比較多!以我所知多學校收的小朋友,都是很普通的小朋友,分別都在父母的態度!唔知點講...你先明,希望你多問成功媽咪!!但那一位一定不是我,因為我唔夠得體,次次都是老公去,我只做背後工作!!

jcmchan

原帖由 香蕉媽媽 於 11-9-21 01:12 發表
jcmchan,好多謝你寶貴嘅意見，希望我同仔仔都好似你咁成功！
但你最後嗰句，話自己唔大體，真係好幽默！
我見你話，剩係爸爸同小朋友面試，老師會唔會問原因，係唔係爸爸或媽媽陪都無所謂，一個家長或兩個一齊去都唔會有分別？謝謝 ...

要看in什麼學校, 有的學校可以比兩位家長,有的只比一位家長,舉例:
IN SC 因為我選擇IN 英文,對仔仔有利,所以老公去,佢英文比我好,老師會IN家長. 當日仔仔玩野,好多野答錯,不過表現出可愛不害羞,多野講,最後收佢了.(建議:平日比小朋友見多D人,讓他們不害羞)
IN KV因為此校愛收乖的小朋友,又用廣東話IN,學校只可以比一位家長陪,所以我去,仔仔怕我,知道要正經(不過我不會比壓力佢,只說:正經回答人地,做得好,下次我地可以再來玩,媽咪請你吃糖),我出了少少狡猾(就是幫仔仔洗腦,同仔仔講:我知道老師一定愛你,一定會請你吃糖(明知有,一早收風),咁你就回少少禮比老師啦,叫小朋友一早畫少少畫,上寫了佢名,我心想人人不做,我做,表示出誠意及小朋友禮貌,結果成功收佢.
IN HKPS ,學校可以兩位家長陪,咁當然要兩位出席,表現出在乎佢地學校,但我會裝斯文,少說話多笑(除了老師問我野之外),緊記,你一入學校,不論正式OR不正式IN,你都要尊重學校,不會大聲教仔,不要拍攝,不要講私人手機,不要是旦穿著,這些基本禮貌一定要尊重,有一位家長一入去HKPS就不停拍照,老師在後面寫分數佢都傻下傻下不知,IN完,佢好開心話佢個小朋友IN得好好,我仔仔IN得好普通,結果收了我仔,沒收佢小朋友,我好想話比佢知學校沒有不公平,錯在你!!(不過最後我當然無講...算啦,都IN完無需提)
IN KM , 你的誠意是做一份小朋友成長過程(6張內),IN時一起比學校(以我所知,只有KM會多收文件),緊記,誠意,什麼叫誠意??不是出去比錢做,學校不是傻仔.
IN 基督教學校 , 你"不寫"什麼教OK,但不要寫上"佛教" ---舉例!!

真係太多太多例子及心得,好難一一在此分享,我記得當日我像過白痴,咩都唔知,我花了一年時間,好虛心請教過來人(成功者),她們有些是我在BK上認識的,有些是朋友,我心唸我一定好煩,所以我又客氣又害羞去問...幸好佢地看在我的真心份上,教了很多不公開而又正氣的方法,十分感謝我的恩人!!我做了好厚的筆記又去分析了各學校的特點,真係好辛苦....最後見仔仔成功,我安慰了.

最深刻IN N班時,有一位家長先打聽校長何時出現,她每星期親自比信求位....最後一次還帶小朋友一起去求位,當時我心唸:真係好感動,如果此校再不收,我也陪她一起去求位.這位家長讓我感動的不只是她求位的誠意,她從不放棄精神也從不抱怨學校,即使小朋友IN時表現好好,她從不說不公平:她不抱怨什麼,只問自己還可以做什麼........我真的5體投地.好欣賞佢!!!!至今我知道她最大的仔仔考入英華(成功的小孩背後一定有一位好媽媽)

求面試班不如求自己~~更真更誠 !

jcmchan

原帖由 porporchi 於 11-9-21 10:23 發表
樓上mami, 唔洗咁激動, 我只係想o係上面個post 回應兩樣野, 就係1) "面試班唔係大家講得咁浪費金錢及辛苦小朋友"既行為, 2) "唔係咩都唔準備, 叫個小朋友參加多d interview就會好似你既小朋友咁, 通通都有人收"

我 ...

SORRY ~~我唸我表達不好,讓你不舒服!!!!我也沒有什麼特別意思!!!!我只是看了"你說你小朋友不合眼緣...."我有感而發,我希望大家(包括你我)都不要以為學校不收自己小孩,就是學校問題OR老師問題OR是小朋友本身問題.......不要抱怨不要問為什麼......問自己在IN前IN後可以做什麼更好!!!我不可以說面試班一定無用,我未試過,不過我以過來人身份,有點感受-----我唔建議浪費金錢及時間在面試班.


最後不喜者請見諒!!!


坦白講:我講野有時的確好串,但無心無惡意!!我只是有時候會"蚊少少"有些字眼!!

請你不要放在心!!!如果你話你小朋友好叻好勁...咁可能我唔會咁串.  嘻~~ 好啦~~你都笑下啦!!!笑一笑世界更美妙!!

jcmchan

原帖由 yfchoy 於 11-9-21 11:50 發表
可能喺我敏感咗啲！不過好開心你冇我以為的負面想法。其實你的小朋友好乖，知道答問題要舉手(我唔喺話搶住喺位大聲答問題唔乖，只是佢哋還細，未太清楚而已)。我之前曾經有位朋友給了我一篇報導，令我不停提醒自己不要經常把自 ...

一句 "欣賞你" !!!!!

jcmchan

原帖由 yfchoy 於 11-9-21 12:35 發表
jcmchan
多謝！其實我更佩服你，去年我只為小朋友找了四間k1(另有一間因讀嬰園的關係而收硬)，也沒有做到全面的資料搜集，因為覺得小女應對一定冇問題(因為嬰園教得好，所有應對，自理能力，說話能也冇問題)。最後卻因小女心情不佳 ...

不要緊!!!你了解自己及知道下一步要點做,將件事做得更好才最重要!!加油!!!!

jcmchan

原帖由 baronng 於 11-9-22 14:28 發表


請問點樣先算係"怪獸家長"?

thanks

怪獸家長??人人定意不同,如果好似以下行為...可能已經被叫怪獸家長了:

1.面試前or完,在學校不停罵個小朋友ｏｒ工人ｏｒ老公
2.在學校內大聲教仔or工人,好似好勁咁,其實好叫人反感
3.在學校內,不要大聲同其他家長傾計or講手機
４不要拍照（依家去ｉｎ學校，不是去公園玩．．尊重人尊重自己）
５．衣服不要太時尚ｏｒ太土，要斯文大方乾淨
６．ｉｎ完，不論結果如何，一定要尊重學校決定，你選擇人，人選擇你，不一定你小朋友ｏｒ你有問題，所以不要嘈學校，投訴學校．．．．
７．小朋友不向老師講早晨ｏｒ８８ｏｒ多謝，家長可以引佢講，如果失敗，就算，家長不要黑小朋友臉及不要忍唔住長氣，一定要迫個小朋友講到為止


好似仲有例子，一下想唔到．．．請大家補充