點解基崇咁 Heat?

angelacms

回覆 hkpapa852 的帖子

咁又唔公平，張校長來了4年，啲學生唔係佢選的。不過我個人覺得佢係好sales(沙祟時聽佢講過)，真心催眠到家長當佢神咁拜。入得多B1學生，就DSE好成績?唔一定囉!多似用團隊四出吹自己間學校，marketing嚟，咁多B1C家長信，咪即刻升level（沙祟得啫，乜係佢個人功勞咩!）見讀緊的小朋友原本B1C入，中一精英班，讀讀下變後25%，又有些後備包尾的，讀讀下又入番精英班。但初初純的同學仔，個個變鬼晒，反而醒醒目，唔特别乖/曳反而無乜事。個人唔推介人入。

angelacms

回覆 Marco2010 的帖子

咁又差咗啲

angelacms

回覆 YmOra 的帖子

其實我小朋友小學校長就係會落去教下書、運動會又落場比賽咁，係好多fans。不過lee啲對小朋友有乜益處?品格好咗?成績好咗（好似沙崇強理科）?應該比較presentable。看到底都係marketing手段。好marketing冇錯，不過辦教育重成績，輕品格，係咪好?係咪父母想看到?大家心裡自有想法。希望張校長花多些時間係學生品格培養(希望個十二門徒制不是包裝纸）。我好心痛我識幾個乖到冇人有的小朋友入了去，變到另一個人(但對自己成績自信爆燈）。當然不一定關校長事，但不要漠視。
希望張校長真係有神仙棒B2生變B1生，B1生變狀元啦!
我無心冒犯，我知校方有看BK，我都想我識個幾個(精英，非精英班都有)回頭是岸。希望家教合作得好啦!希望基崇越做越好啦!

angelacms

回覆 bobbob 的帖子

可能我保守啦!佢哋有啲男女關係太親密(見到係2B级啦!佢哋係初中）、滿口粗口、會與同性/異性Flirt(有性暗示嗰種。可能係講笑啦!但我接受唔到）我唔否認品格好壞唔能靠晒學校，但佢哋落差太太大，我真心因此對基崇打折扣。我對仔女要求唔高，我會寧願重品格多些，成績慢慢嚟。
大家可能取向唔同。各取所需啦!

angelacms

回覆 fatman69 的帖子

男女都有。粗口我尚可接受，其他的我見到啲相成晚瞓唔著。唉!希望校方加强下德育教育啦!
PS我都識其他同學仔入又冇事的。共同點佢哋唔係純到白開水，反而OK。

angelacms

回覆 gracelam 的帖子

男女都有講粗口，佢哋自己講，冇同長輩講，我可當看不到。但同性Flirt仲cap埋圖，我跟唔到lee嗰trend
有人同我講Lee代係咁講笑，我真心笑唔出

angelacms

回覆 bobbob 的帖子

Lee嗰世界咁多披羊皮的狼，又好難認清晒，家長要心水清些，學校幾好都要跟好。如果係一所學業、品格兼備的學校就堅值支持喇!不過香港教育制度，又真係有啲妄想

angelacms

回覆 ok3 的帖子

嗰教育制度影響考試制度，個個小朋友都係父母的寶，梗唔想佢哋輸在起跑線，大部分家長都想小朋友叻過人，供求問題，大把成績掛帥的學校被奉為神校，時間就咁多，鬼得閒生命教育咩，DSE條數差咗、入U低咗，攪攪下殺埋校吖。啲校長有幾人堅持到吖!現實學校就風生水起吖。中學生受peer group effect勁吖，家長影響力就真係不及班同學、老師，物以類聚，德行如何keep到吖!

angelacms

回覆 ok3 的帖子

係冇必然關係，現實係點，有幾多家長取態看重成績>品格，定看重品格>成績，口講梗係2種都緊要，唔係2分法，係有輕重啫，比重問題。行為反映至係實。如果唔係名校光環不用咁有市場。上面家長都有講啦!不過哪個重，比重幾多係個人取態，不過記住食得咸魚抵得渴。有人鍾意食 榴槤、苦瓜，唔得咩，一樣米養百樣人。我之前都有講有人入讀乜校冇嘢喎，ok好喎，有人又炒車，就係合唔合適啫。
個男老師，梗係佢自己問题啦!咁大個人仲賴社會錯，父母錯咩。

angelacms

回覆 ok3 的帖子

睇你字裡行間，你係好有堅定信念的人，如果社會多些堅信又行出要養育才德兼備的下一後，lee嗰社會會更合人持續生活。我係睇重小朋友品格，冇話對佢學業冇要求，要求佢不輕易放棄，盡其力，結果就別介懷。可惜同路人少

angelacms

回覆 Soundervolt 的帖子

吓!英X呀？

angelacms

回覆 bbpochacco 的帖子

唔係，係佢哋親密度達2B級啫

angelacms

回覆 fatman69 的帖子

唔知有幾多受害者?希望咪放過lee啲人，其他敎育機構永不錄用lee類人，保障下我們下一代。間學校就慘囉!