荃灣浸信會幼稚園家長-chat room, 入來傾傾吧.Part II

必必

010,

俾阿仔去表演啦! 唔係好多機會可以在台上表演, 要好好珍惜, 留一個美好回憶俾阿仔啦!

今次星期六畢業禮, 去幫下手啦! 去年對住班小朋友都好開心. 不過最衰係要係後台, 無得睇台前精彩表演.

各位:

昨日同阿女個敲擊導師傾電話, 原來中樂團要比賽, 所以要找人練習, 而且高年班家長都講過, 遲些升中, 如果入了樂團, 在報中學時會有分加, 所以辛苦都要俾阿女試下.

原來俾錢仔女學野係有用. 好似阿女在上年美術全級考第160名 , 學了6個月畫, 今次升到40名, 所以真係有時想慳些錢唔俾他們學野都唔得. 仲有音樂科都一樣.

carmen,

我報"照顧小朋友". 下次gathering可以去你天台.

必必

各位:

阿女如果係"醒", 做功課就會自動自覺, 真係對住佢就勞氣.....

阿仔就俾老師話佢在堂上咬手指, 次次停了一排, 無幾耐再咬過, 真係無乎. 現在要同佢查苦苦手指水.

必必

yanyanmama,

係要來介食手指的指甲水, 查係手指, 當他們食落口時, 就會好苦, 小朋友怕苦就唔再食手指.

必必

yanyanmama,

萬x, 屈x, 各大藥房都有代售.....   

010,

阿仔真係無聊才咬手指. 要唔要找間程度深的幼稚園?

christina,

你係唔係有喜? 因為你話會放長假, 仲有今日見你著鬆身衣服......    

必必

各位:

現在有地方, 我們幾時攪bbq? 係唔係星期六會好些?
maku, 你真係偉大, 自己獻身同小朋友玩. 你真係好.

必必

各位早:

Christina, 見你個樣好疲倦, 真係要多些休息. 預產期是不是在暑假? 你個女一定好開心, 就快有個細佬/妹妹陪佢.

carmen,

你同你先生話事啦! 因為你們是地頭虫. 我們都等你安排.

各位,

如果是過年後, 會不會考慮2月份的星期六?

必必

各位早:

剛剛見到一個k1小朋友, 家人好有心思, 用紙接了一隻大蟹在心口, 頭上都有一隻大蟹, 真係幾特別.

阿仔今朝唔記得帶清潔用品, 返到幼稚園門口, 見到同學仔提起才知. 因為阿仔無講過, 所以我都唔知佢要帶.

必必

Christina,

我個仔完全唔記得, 放學返屋企只係玩玩具, 真係無佢乎.
正如你所講, 在父母眼中, 一仔一女就最完美, 不過2個同性別, 就真係有伴. 而且大了可以2個人一間房, 方便好多.

不過我都想你好似我同maku一樣, 湊一個"好"字.

各位:

今日開始凍, weekend會仲凍, 大家都要著多件衣服.

必必

各位早:

christina, 你們真係好lucky, 我都同意bb好旺你們呀!

yanyanmama, 出來做事真係好大壓力, 份工真係做的唔開心, 可以過年後試下找過份新工, 轉一下新環境. 好似班教師, 有壓力就去遊行, 可能每一行的人都要遊一次行先得. 真係無邊行係無壓力, 職位高, 人工高都會壓力大啦!

2月你們選那一個星期六? carmen話佢那一個星期六都ok. 你們請投票.

必必

christina,

生2個, 2個都好有LUCK, 真係好似MAKU講, 生多2個都唔怕啦!

MAKU,

真係辛苦你了, 開始請人未?

想當年我生個女之前, 都中過一次頭獎, 係NEW WORLD CENTRE的抽獎, 唔係車一部, 而係鑽石鏈一條, SELL出去都唔值錢......    

必必

Maku,

係呀! 不如你請我同yanyanmama幫手, 就唔駛煩啦!    

yanyanmama,

係好彩就俾我中六合彩, 我都想中六千萬. 係中了就真係發達!

必必

maku,

叫老闆加些人工啦! 如果唔係到時請唔到人, 一係請到都會時常轉人, 你都有排煩.

今午阿仔發燒, 去找醫生, 原來今次佢有排放假, 到2月9日才開工, 姑娘有9日假.....今次原來係醫生老婆中獎, 有免費來回機票, 真係"登"佢開心...  

必必

各位早:

阿仔喉嚨發炎, 早上5點幾有101度, 食退燒藥就無事, 不過見佢好疲倦, 就同佢告了假.  因為想佢明天有得返去玩. 阿仔都係食熱氣野多, 所以就喉嚨發炎, 因為前一晚食了好多薯片.

maku, 時間表好似未有, 因為以前都係有時上午, 有時下午, 好多種時間. 到時真係撞期就同老師講, 遲些或早些走/到.

必必

各位好:

公司已放假, 不過仲有好多文件未執好, 今日都返公司清理.

阿仔阿女昨日都有返幼稚園, 阿女在1樓幫老師手, 佢話負責派糖, 乖就會派糖.  蘇主任話再大個些就唔會返幼稚園玩, 所以佢肯來就最好.

yanyanmama, 你18號唔得閒, 其餘日子, 如果2月25號, 大家有沒有問題?

必必

010,

祝生日快樂, 身體健康!

我們都有好多人都係年頭生日, 有好多位一月之壽星仔/女.

Christina,

祝紀婷快高長大, 生日快樂.

carmen,

2月25日你得唔得閒?

必必

各位早:

新年進步, 心想事成, 最重要是身體健康.

今日節目是帶女返學校學敲擊, 跟住去沙田拜年, 明天阿女要返中樂團, 下午都要返學, 星期五2個小朋友要學游水, 所以想去disney都無時間.

昨日去了大嶼山寶蓮寺, 因為有交通意外, 排隊搭車排了好耐, 老公仲同個打尖的鬼佬嘈, 昨日是赤口, 真係應節.
個鬼佬同個中國籍女友, 由後面打尖上來, 排係我們後面, 我老公睇唔過眼, 就同佢講要排隊, 個鬼佬仲話唔排隊係chinese culture, 仲覺得自己好應該, 仲同我老公講唔係打佢尖, 對佢無影響, 真係串到死! 後來後面那些人都話佢打尖, 佢先唔敢再出聲, 站埋一邊, 真係面皮幾尺厚.


        

必必

各位早:

maku, 阿女學游水只有2人, 真係好. 阿仔那班有5個, 不過初一班就一個人都無, 阿仔同學仔報了星期二, 初一班有六個, 真係要睇下好唔好彩.

我都無過情人節好耐, 因為我的生日同情人節好接近, 所以通常都無2份禮物收!

必必

Maku,

你個仔大我7日!     我生日係18號.

1:1都開班, 真係正!

大家是不是決定25號, 係就訂好日子. 跟住要想下係唔係燒野食? 或是外賣?

yanyanmama,

以前情人節都會有花收, 生日就有禮物, 不過結了婚就真係無收過花, 因為買花好貴, 好唔扺, 俾cash我好過啦!

必必

各位早:

多謝各位的祝賀.

maku, 祝你個仔仔快高長大, 身體健康

今朝見到carmen, 唔記得問佢有無得泊車, 因為maku, 010同我老公都有車. 如果有車位, 重型物品就可以由駕車人事負責, 大家有無問題?   

如果燒烤, 有無什麼地方有好味燒烤包? 有無好提議?

如無反對, 一於定2月25日, 星期六, 時間約下午3點左右, 於黃昏5點半左右燒烤, 大家有無意見?

010,

珠算班會於3月4日開班, 你仔仔有無興趣? 現在我們有4個同學仔一齊, 不過4個都係男仔     

必必

各位早:

我有去看表演, 第一個表演的是由高班 2母女講故事, 2個都好老定, 講得好流暢, 唔怕羞, 真係有其母必有其女.
其餘表演都係食縲絲多, 間中有些都好攪笑. 不過我都好佩服小朋友及大人的勇氣.

carmen, 其實除了yanyanmama外, 其他人都可以早些去你家, 小朋友可以在燒烤前玩, 代他們玩完才食. 應該都ok的.

yanyanmama,

你有沒有興趣在2月做幼稚園義工? 有的話就要自動同老師報名, 佢話去珀麗灣要多些人手, 你可以安排下有沒有假放.

christina,

男仔對數學興趣會大些, 女仔通常都會去學繪畫, 芭蕾舞. 現在我們一班人, 所有報名都係男仔, 你可以考慮下同唔同你個女報.

maku,

公司新人上手未?