荃灣浸信會幼稚園家長-chat room, 入來傾傾吧.Part II

必必

010,

你都好岩, ...... maku因為收埋好多..所以可以有排嘆!

必必

yanyanmama,

唔講明, 一陣你會話我年紀大. 我唔想你誤會.

christina & maku,

原來你兩個是小富婆!

必必

maku,

今年畢業禮表演主題是"大自然". 有無想過到時你或是你老公會在台上為你個女帶四方帽及表演唱歌?

yanyanmama,

我們個個其實都好幸福, 有老公,有仔/女, 有屋住, 五官齊全, 有手有腳, 身體健康, 已經是比上不足, 比下有餘.....人真係要知足才會開心.

仔女到了中學畢業後, 要認識男/女朋友, 我唔會反對, 太早就心智都未成熟, 就真係唔好攪. 不過到時可能都反對不來. 所以到時才算啦!

必必

maku,

我都有眼紅紅, 當唱那首給最愛女兒的說話時, 望住自己個女唱, 真係好容易哭得出來.

送給你們聽:

按此聽"給最愛女兒的說話"

必必

christina,

你個女只有5歲就想到佢嫁那一天, 你真係想得長遠.

maku,

年年畢業禮都有唱這首歌, 唔知轉了校長後會唔會變. 你唔上台, 就要你老公上了.  未做媽咪前聽這首歌真係無感受, 不過做了父母後聽這首歌就真係好感動.  

carmen,

只有你是2字派, 其餘都最少3字派啦! 我大你好多....... 不過我心境仲好年輕.  

必必

maku,

你都好誇張! 哭到眼都腫, 早知唔送隻歌你聽啦!

carmen,

小朋友大了就有自己的生活, 所以他們細時真係要好好親子, 如果錯失了那段時間, 就真係追唔番.....

必必

yanyanmama,

今朝才醒起無問阿仔有無俾份資料你女女, 現在知道有做到都安慰, 起碼佢唔會唔記得.

你唔好時常提年紀啦! 年齡是女性的秘密........

必必

各位:

看見大家正開始計劃如何為小朋友選學校. 想當年我都有個同樣的煩惱, 不過好幸運在第一次計分派位已經ok了, 所以隨後幾個月都不用擔心.  

你們有什麼關於小學的問題, 可以提出, 看看我可不可以幫幫忙, 因為阿女都有好多唔同的同學仔在不同的小學讀緊, 可以幫大家提供資料.

010, 如果要一條龍的基督教學校可以考慮英華, 因為可以直升上中學, 讀書壓力相對地比私小細好多. 循道好似只有2班, 入到的機會率相對較細. 如其博一博, 不如博一間唔駛煩及可以直升中的小學.

私小在程度上會深些, 另外壓力亦會大些.

必必

各位早:

maku, 是不是用泥膠做點心?

yanyanmama, 基慧馬灣校舍超正, 聽同學仔阿媽話功課唔多, 程度淺..(p.s. 佢個女今年3年級, 年年考全級頭3名), 搭校長都好快返到學校(她住麗城). 讀得幾開心.

基慧舊校是前前校長心水之選. 阿女那年有個同學仔考了4間學校, 伍季明, 海霸, 荃官小, 及基慧(舊校), 問校長那一間好, 前前校長叫佢選基慧, 因為小朋友無壓力, 讀得開心, 同埋佢認同校長的教學理念. 聽聞升中派位都唔差.


柴天無人會選首志願, 阿女有個學琴的同學仔派了第5個志願入了柴天, 阿媽同個仔一齊哭, 不過都有讀, 好似話小二同佢轉校.

010,

你有無問清楚學校? 基督教通常都是不需要小朋友領洗紙的, 好似有返教會證明都可以. 可以選的話, 男仔首選都是英華, 我個女有個同學仔在今個學期都轉了去英華, 佢係全級考10名內的.  因為父母唔想在六年級再博一次, 所以同佢轉校.

christina,

你個女好定, 讀傳統學校都無問題, 不過伍季明就多測驗及考試, 2年級要分精英班. 都幾有讀書壓力.

必必

maku,

幾時放?

010,

勤力些, 個個星期返, 就可以同牧師拿證明啦!

christina,

私小多是功課多, 壓力大, 你要有心理準備.
仲有要考慮你肚中bb性別.

私小可考: 德望(女校, 英文程度高)
               聖芳濟各, 宣道(升中成績非常好)
               蔡繼友(讀得好開心, 無功課做, 雙語教學)
               音樂學校(新理念, 都幾多人buy)
               陳守仁(可學外語,有泳池, 升中派一般)

必必

maku,

去4日好快玩完, 去多一日行程會舒服好多. 去那裡報名?

christina,

你都心中有數, 到時報多幾間, 考到再考慮啦!

010,

為了個仔, 你真係要勤力些, 唔好俾個藉口自己唔帶阿仔返主日學.  要個個星期返, 拿番個"勤工獎"證明呀!

必必

maku,

有無check過安運滿? package都幾平. 我之前2次去日本自由行都是同佢購買package, 平過其餘旅行社.

必必

maku,

請按:wincastle

必必

010,

真係聽話.

必必

一個下午都好靜呀!

maku,

最後決定在那裡出票?

010,

你真係好媽媽.....

必必

maku,

真係"登"你開心可以去旅行, 仲可以住地道日本人家中. 那麼你去4日/5日? 阿女要請假, 就要走一堂畢業禮綵排.

yanyanmama & christina,

今個星期詩文同學仔有無請你們去生日會? 我們5號剛去完一個, 今個星期第二個, 下個星期第三個生日會.   三月份真係多人生日.  

必必

各位早:

yanyanmama, christina & 010,

我個仔話個個同學仔都有邀請卡, 我以為你們都有得去, 以為到時可以一齊八下.

010, 浩然有無請阿仔去生日會?

必必

010,

阿仔仲有一日功課就做完. 不過佢時常攪亂左右2隻手, 即係個位同十位.

maku,

如果有就通知我啦! thanks.

今日同老闆請假未?

必必

010,

係呀! 個手指公好多時都唔記得, 一舉起5隻手指, 好多時都會話係5......

必必

各位:

我剛剛去完尖沙咀反斗城開倉處, 入了幾件玩具, 有些幾平, 但有些如thomas, lego等平好少, 有時間大家都可以去一看.

我仔仔都是著120, kingkow size 好細, 6碼唔等於6歲著, 我個女8歲都要著12碼啦! 反而bossini及toonsland就足碼, 120都好大件.

阿仔所有校服都是8碼, 不過校褸今年剛剛好, 到k3都應該短, 到時都唔知買唔買好. 因為著得1,2個月.