教育王國
標題: 4 歲學鋼琴的疑問 [打印本頁]
作者: Silver 時間: 15-2-11 12:39 標題: 4 歲學鋼琴的疑問
我囡囡4歲, 剛學鋼琴3堂 (一星期一堂), 可能面對新老師, 加上老師笑容不太多, 囡囡要我陪住上堂, 上堂時都戰戰兢兢咁, 唔多出聲, 好專心咁聽老師指示去做.
每次學完回家後那個星期, 我每晚或隔晚食飯後都抽幾分鐘同佢練習下彈下老師所教的, 其實每次練習都只是一句四節, 十粒八粒音而已, 如她勉強彈到一句, 我會立即放佢走 (試過一次一分鐘就搞定). 但好多時佢都好唔專心, 無耐性, 亂彈, 我才會叫佢專心D彈一句便可以走 (可能要搞十分八分鐘), 有時仲會喊.
例如晚飯前我說飯後練一陣琴, 佢會話好. 佢食完飯後 (我未食完) 真係好主動咁打開個琴亂彈 (所以我覺得她不是沒有興趣的), 就是一拿起琴書, 佢就扭計唔肯跟住彈. 平時返學或興趣班, 都是上完堂便算, 沒有回家溫習練習之類. 所以學鋼琴要算是她第一樣野係要去回家認真專心去練習.
昨晚我平心靜氣咁問囡囡是否不想學琴, 她說是. 其實我搞不清楚, 到底她是有興趣彈琴, 只是不想或不習慣去練琴或 commit 學一樣野; 還是真的不感興趣. 如是前者, 扭計不練琴是否必經階段, 待她明白興趣與練習是分不開時, 她便會好好的去練琴? 如是, 我可能會讓她多上堂一段時間, 嘗試讓她克服那必經階段. 如是她是沒有興趣彈琴, 我會立即停止上堂, 因我唔想待她真係討厭彈琴時才停止.
真心請教各位有類似經驗的家長喔~~ 先謝謝!
作者: Ting0408 時間: 15-2-11 13:55
回覆 Silver 的帖子
想請問小朋友用哪一本書學琴？
她未必是沒有興趣彈琴，因她主動打開琴彈。可能只是對現在所學歌書的不感興趣而己。或是老師教學的方法不適合妳的小朋友。
作者: Silver 時間: 15-2-11 15:05
回覆 Ting0408 的帖子
感激回覆喔!
琴書名稱我要回家看看喔, 有兩本, 一本是樂理, 另一本是琴書. 至於老師教法, 我覺得是欠缺一點生動, 正經了一點, 可能因為咁, 囡囡要我陪上堂. 教法比較灌輸式, 我起初還怕囡囡一時間接收不到咁多新野, 但佢又好似勉強接收得到. 不過如果老師鬼馬一點, 我又怕囡囡會唔聽佢教...
其實上堂現時都還可以, 最大問題是練琴方面. 我都覺得囡囡唔係無興趣, 只是唔想練琴, 或唔知原來學琴要練琴. 現在我應該繼續畀佢上堂, 遲D佢會習慣練琴; 還是先停一排, 等佢知道學琴要練琴, 才繼續畀佢學呢? 
作者: 開心c9 時間: 15-2-11 16:09 標題: 回覆：4 歲學鋼琴的疑問
你囡囡每次上堂是否全程都係彈琴？因為小朋友的專注力最多20分鐘，之後就冇心機
作者: Silver 時間: 15-2-11 16:49
回覆 開心c9 的帖子
謝謝回覆!
每堂半小時, 我想七八成時間是彈琴, 其餘是樂理或做一丁點功課. 是的, 對囡囡來說這是第一次正式學野 (再唔係玩玩下), 可能有點壓力及緊張; 但我覺得佢暫時都應付得到, 唔會扭計或唔專心; 也想佢試下正式學野原來係咁, 也想試下給她一點點壓力, 希望佢有點抗壓力. 不過在家練琴佢就幾分鐘都唔得, 可能佢怕老師但唔怕我, 我又唔想好惡咁叫佢練, 免得佢討厭彈琴, 咁就真係欲速不達. 真難做~~
作者: Silver 時間: 15-2-12 13:17
回覆 Ting0408 的帖子
琴書是: 輕鬆學鋼琴1樂理書是: 幼兒樂理練習1
作者: sbux 時間: 15-2-12 22:47 標題: 回覆：4 歲學鋼琴的疑問
本帖最後由 sbux 於 15-2-12 23:02 編輯
我去年正正同你一樣遇到呢個問題，嗰時大囡都係啱啱四歲。
最初幾堂都仲好興奮咁要練琴，嗰時我屋企無琴，要落琴行，但一個月左右就出變化，好似你個囡咁唔願練琴，但明明小肌做得不錯，老師又話進度OK，但做亞媽嘅知道一定唔可以迫落去，否則迫到三級都上唔到五級。
嗰時我都頭痛嫁，學琴事少，半途而廢時大，俾佢以為下下本“Pair” 就可以放棄呢個頭開咗就煩。爭扎咗個幾月，問亞囡其他PG導師意見，我最後做咗一D改變（續）
作者: sbux 時間: 15-2-12 22:58 標題: 回覆：4 歲學鋼琴的疑問
本帖最後由 sbux 於 15-2-12 23:01 編輯
一：馬上停止個別學琴，轉上一對四的鋼琴預備班
二：買琴（奇呢？）
其實轉上鋼琴班係想佢延續學琴呢件事，但用較輕鬆手法，課堂一共七個月左右，令佢知道媽媽幫佢解決梗個樽頸，但唔會現階段放棄鋼琴。過咗大半年，我感覺到佢興趣返番嚟，而肌肉又再進一步成熟，就再搵個別導師。上咗三個月個別堂，進度好好，琴班同而家嘅個別導師都有讚佢，而佢亦願意自發練琴，同久不久打開嚟亂作曲。
買琴係因為發現每次要佢落樓練琴，都要佢放低手上玩具或要離開妹妹出去，令佢對練琴再多一份負面情緒，所以我哋相量過，如要再試學琴，買琴係無得走。So Far有咗琴再加上以上所講嘅變化，暫時都覺得自己嘅決定係啱方向。
作者: sbux 時間: 15-2-12 23:05 標題: 引用：我囡囡4歲,+剛學鋼琴3堂+(一星期一堂),+可
原帖由 Silver 於 15-02-11 發表
我囡囡4歲, 剛學鋼琴3堂 (一星期一堂), 可能面對新老師, 加上老師笑容不太多, 囡囡要我陪住上堂, 上堂時都 ...
作者: konew720 時間: 15-2-14 01:18 標題: 引用：我囡囡4歲,+剛學鋼琴3堂+(一星期一堂),+可
原帖由 Silver 於 15-02-11 發表
我囡囡4歲, 剛學鋼琴3堂 (一星期一堂), 可能面對新老師, 加上老師笑容不太多, 囡囡要我陪住上堂, 上堂時都 ...
可以一對一上堂，你個囡可以感覺有壓力。
作者: Silver 時間: 15-2-14 20:18
回覆 sbux 的帖子
謝謝你的分享!
其實我都有諗過轉去 group class (1:4), 去番囡囡之前上 music playground 學. 但我囡囡對小朋友有一點點抗拒, 所以我才嘗試 1:1; 加上那 playground 老師好溫柔, 囡囡跟她已熟, 所以我怕囡囡會唔聽佢教. 還有上堂地點有點遠... 種種原因下, 我才揀這間 1:1 試一下.
今個星期我終於交了新一期的學費 (4 堂), 因為之前我問囡囡到底再學唔學, 佢最後答案係有興趣, 只是有一句唔識彈. 我話唔識可以跟老師講, 我亦會請老師教慢一點. 囡囡話 ok, 咁我就交了學費. 我心想, 每次交四堂錢都可以接受, 唔係一次要交十堂錢.
囡囡今次上堂都 ok, 最後十分鐘我話要離開課室一陣, 在外面等佢, 佢最後都不願意地讓我出琴房. 學完後佢都 ok, 話下次可以跟老師 1:1, 就咁聽總算克服了 1:1 的問題.
那位老師又不是很嚴肅, 都有點笑容, 只是沒有一般 playgroup 的老師咁好笑容而已. 看囡囡暫時都接受得到. 都好既, 讓她試試不同風格的老師. 萬一有唔妥, 我會考慮轉 group 還甚麼停學. 希望我囡囡好似你囡囡咁學得咁好 
作者: Silver 時間: 15-2-14 20:31
回覆 konew720 的帖子
謝謝回覆喔~~
我囡囡對小朋友有一點點抗拒, 唔鍾意, 所以我才嘗試單對單; 但另一方面單對單又可能對囡囡造成少少壓力. 點都好, 囡囡暫時好似克服到單對單. 6 歲可能會好一點, 因我囡囡手指好似仲未好夠力. 但老師話如小朋友有足夠能力理解, 其實 4 歲都可以學, 因手指彈彈下就夠力.
作者: Jjchow2015 時間: 15-2-14 22:47 標題: 回覆：sbux 的帖子
請問邊到有小組鋼琴預備班？（除左tom lee)
作者: macmate 時間: 15-2-16 05:52 標題: 引用：請問邊到有小組鋼琴預備班？（除左tom+lee)
原帖由 Jjchow2015 於 15-02-14 發表
請問邊到有小組鋼琴預備班？（除左tom lee)
作者: Ting0408 時間: 15-2-17 09:37
回覆 Silver 的帖子
從我自己的教學經驗，我一般都沒有特別要求年紀較小的學生一定要每天練琴。我一般會教家長一些小遊戲，讓家長可與小朋友在家中一起從遊戲中"練習"。
亦建議家長平日可以把鋼琴打開，讓孩子隨時走過看見鋼琴就可以立刻彈。家長不需要過份憂心孩子不會靜靜坐在鋼琴前練習30分鐘。只要他有空，看見琴就去彈，其實就已經足夠。待孩子大一點，或突然有一天，他找到一首很喜歡的歌想彈，他很自然地就會坐在鋼琴前不停彈奏，有時候可能是你想叫他停下來，他亦不願意。
每個老師的教學方式都不一樣，對於年紀較小的學生，我一般都不會以琴書作為主要教材，我都是自己編寫樂譜，找一些學生喜歡的曲目，然後在編寫當中加入一些部份是我希望學生學到的彈琴技巧，琴書多是用作輔助。至於樂理方面，我都是在課堂上透過遊戲的方式教授，時間分配約為一半。即如果上30分鐘的課堂，有15分鐘是樂理遊戲，15分鐘是在彈（或觸碰）鋼琴的時間。
我看了妳所描述的情況，單對單的學習對於妳的孩子應該是沒有問題的，可能可以與老師談一談情況。
孩子是否在琴行上堂？ 琴室是不是比較窄小？
有時學習的環境都會很影響孩子的學習。
有必要時，可以嘗試找一位較為以活動教學的老師為孩子上課。不過，我並不是說妳現在的老師不好，只是有時候有些孩子需要找到"夾得來"的老師，對他們的學習會有更大的益處。
作者: ckykwan 時間: 15-2-17 13:58
可以做一張表格, 以分鐘為單位, 叫小朋友自己逐格填色記錄起來, 到達某一個分鐘, 就有獎賞 (e.g可以落公園玩等等)
如果你要表格, 可以PM我send比你
作者: 小曳人 時間: 15-2-17 17:52
本帖最後由 小曳人 於 15-2-19 20:15 編輯
我又分享一下
大仔上咗兩個栢c 音樂班，高班係要認豆鼓，要摸下個琴嘅，臨畢業我地俾咗張紙仔老師，叫佢call我地.... 大仔由足4歲正式開始學鋼琴，我地屋企本身有台無人用嘅鋼琴.. 初初無叫佢練琴架，但大仔記性好，記圖像好強，所以佢唔練都得，上手快，鍾意時佢又去鋼琴度摸幾下... 如是者過咗大半年，我地開始要求佢每日練琴，3次！老師每次上堂寫低嘅歌仔彈3次咁大把！如果有比賽先跟緊d，直到佢要考3級，佢老豆陪佢考，兩父子爭住練琴...
到個細嘅，一樣上栢c個音樂班，但因為時間地點問題，上完初班，就轉咗上4人鋼琴班，但睇住佢係跟唔到嘅！老公用好多心機方法幫佢記，但搞到好唔開心，最終~中段quit咗！(當時未夠4歲)
我地決定停一停.....
老公因為考咗3級鋼琴，身痕學返小提琴，e+細仔就快5歲，睇住daddy拉小提琴，兩兄弟都話想學！而細仔攞住個小提琴個樣比大佢3年嘅哥哥好得多！因為係佢自己開口要求daddy教，所以比較有心機學，遲d學到基本嘢之後就會跟daddy個老師學
想講：(1) 足4歲係最低要求，最好大少少，無謂迫佢，大家都唔開心，開壞咗個頭仲慘！收唔到科....
(2) 以興趣行先，最好係小朋友自己開口要學，仲要唔好即刻俾佢學，引下佢，肯定佢鍾意喇~先開始
(3) 音樂要係生活嘅一部份，事半功倍！
當然，我都識人考到8級屋企都無琴嘅，但有天份有興趣又有毅力嘅人唔多，嗰個多數唔係自己個小朋友！
作者: 小曳人 時間: 15-2-17 17:54
本帖最後由 小曳人 於 15-2-18 08:15 編輯
sbux 發表於 15-2-12 22:58 
一：馬上停止個別學琴，轉上一對四的鋼琴預備班
二：買琴（奇呢？）
阿女學成點呀？
作者: sbux 時間: 15-2-19 18:30 標題: 引用：我又分享一下大仔上咗兩個栢c+音樂班，高班
原帖由 小曳人 於 15-02-17 發表
我又分享一下
大仔上咗兩個栢c 音樂班，高班係要認豆鼓，要摸下個琴嘅，臨畢業我地俾咗張紙仔老師，叫佢cal ...
作者: sbux 時間: 15-2-19 18:32 標題: 引用：+本帖最後由+小曳人+於+15-2-18+08:15+編輯
原帖由 小曳人 於 15-02-17 發表
本帖最後由 小曳人 於 15-2-18 08:15 編輯
作者: Silver 時間: 15-2-22 00:09
回覆 Ting0408 的帖子
謝謝你的分享喔! 我囡囡在上一堂可以單獨跟老師上堂了, 我想不是琴室小的關係, 因為之前我陪佢上堂, 琴室都好大, 只是她與老師不熟而要我在場而已. 現在總算解決了這個問題.
我覺得老師的教學不算得上是活動教學, 都好直接灌輸式; 但見囡囡暫時都接受得到, 所以都會繼續. 上堂教樂理的時間很少, 主要教囡囡那個音符是甚麼音, 在琴鍵哪個位置, 用哪隻手指去彈, 便叫囡囡試彈, 所以都是彈琴為主.
你說得對喔, 老師開始教彈歌仔, 囡囡便有點興趣練琴, 雖然每次最多都是練十分八分鐘, 也不是晚晚練, 但我都覺得滿意了, 因為佢都好主動去彈下, 保持興趣, 我又唔係想谷佢去考試, 只想佢慢慢培養個興趣.
作者: LeeCC 時間: 15-2-22 07:35
本帖最後由 LeeCC 於 15-2-22 07:44 編輯
不同style的老師適合不同的學生
我朋友系鋼琴老師，但一向講話語氣比較硬，她說吾知點解她大半的學生都是男仔(現時由六歲到高中都有)，女學生都只系高小以上，差不多個個幼稚園或初小的新女生上了一兩個月就轉老師不跟她學，但她男學生由四五歲跟到中學都有，三四年班以上的新女生也跟到上中學
她後來跟一個已退學的女學生家長傾，原來系D小女孩覺得她惡，家長解釋男生可能頑皮，在家或學校，已習慣比較硬的語氣，特別是小學生，高小女生在學校也聽慣惡老師的語氣，但幼稚園初小女生未慣所以覺得她惡
作者: 朱地 時間: 15-3-3 22:44 標題: 引用：Quote:原帖由+Silver+於+15-02-11+發表我囡
原帖由 konew720 於 15-02-14 發表
朋友教琴，之前問佢幾大開始學琴好，佢話6歲。6歲俾佢上d幾個小朋友一齊上既堂，壓力細d。
可以一對一上堂 ...
作者: wam_pc 時間: 15-3-5 12:25
我個大仔現在7歲. 回想佢最初差不多4歲開始學琴時都有依個問題. 要慢慢解決.
老實說, 又會有邊個小朋友會好有恆心主動又有堅持去練琴? 當時我都係聽老師建議, 唔好要求每次都一定要"成功練到一d野". 反而應該係要建立一個習慣, 一個discipline. 我就先從大仔既其他興趣入手(佢當昤鍾意玩玩滑梯), 例如"嗱, 我地依家落公園玩, 然後番黎不如一齊彈下琴, 話俾個琴知你玩得開唔開心啦!" 久而久之佢就會將練琴associate去一d開心既野, 佢就會知道依樣野係佢日常生活既一環.
當然每個小朋友都唔同. 好似我個大仔以前就鍾意我倍佢一齊練. 但係個細女就連我坐係側邊都唔俾.. 可能佢本身都比較孤獨精啦哈哈!
作者: caroljoyful 時間: 15-4-8 15:30 標題: 回覆：4 歲學鋼琴的疑問
請教下大家
我個女25個月，由歲半開始上奧福音樂班，已上大半年，其實個音樂班唔錯，每個月有介紹一款新樂器比小朋友試下，亦有唔同既音樂元素
亞女係比較定、觀察力強、學野好專注個類,宜家上左大半年音樂班，佢對課堂有興趣既部分：老師示範樂器、老師教叮手鈴之類，但對於執波仔、跟住老師聽音樂做動作、行行跳跳、彩虹傘之類冇興趣，佢就會係個課室到周圍行，搞其他野
大家有冇意見我可以點做呢？有咩班適合亞女上？
我已經試過幾間其他既音樂pg, 兩歲幾上得既，都係搖下鼓、轉下圈、shakers之類，我女唔跟住做，冇興趣
葉氏既預備班要2.5歲先上得
柏c, TL我就未試過
我唔係要亞女咁快學樂器，只係我覺得太多動作既好似唔啱佢
大家可比d意見嗎
Thx
作者: Jasminema2012 時間: 15-4-8 23:23 標題: 回覆：4 歲學鋼琴的疑問
其實你可以同老師溝通，因為你個老師未必教得唔好，可能係唔習慣教咁細個，同埋你小朋友有冇音樂基礎?(即上過有關音樂班之類)，可能冇音樂基礎就上個別課佢有d乏味。我小朋友未夠3歲，老師同我溝通好知道咁細小朋友坐唔到咁耐，我就帶定填色簿，老師教少少又油下顔色，又聴下音，so far. 學左一陣已識彈歌
作者: stpeh 時間: 15-4-9 00:19 標題: 回覆：Jasminema2012 的帖子
即係你小朋友依家3歲幾就已經學到琴？好叻呀
作者: Jasminema2012 時間: 15-4-9 10:53 標題: 引用：即係你小朋友依家3歲幾就已經學到琴？好叻
原帖由 stpeh 於 15-04-09 發表
即係你小朋友依家3歲幾就已經學到琴？好叻呀
作者: Silver 時間: 15-5-10 17:31
回覆 LeeCC 的帖子
So far 我囡囡已習慣老師的語氣, 都學得開心. 其實畀小朋友接觸一下不同風格的老師都好, 畀佢知道再唔係位位老師都係四萬咁口.
作者: Silver 時間: 15-5-10 17:38
回覆 朱地 的帖子
我囡四歲的無名指及尾指力度的確欠一點; 但練練下就大力左.
作者: Silver 時間: 15-5-10 17:44
回覆 wam_pc 的帖子
係呀, 初初我對我囡不肯練琴都有點煩惱. 但後來老師當面叫她要練琴, 加上我們又想辦法去鼓勵佢, 現在佢已經習慣了晚飯後去練琴. 雖然每次都係練好少時間, 但起碼不用我地再三催四請, 佢又喊苦喊弗咁去練.
作者: Silver 時間: 15-5-10 18:01
回覆 caroljoyful 的帖子
我囡以前都有同樣經歷, 對音樂 playgroup 的有動作環節, 由最初願意玩, 到最後無興趣玩, 成日問幾時落堂. 由於老師好錫好錫佢, 我地都唔想 quit, 希望挨過一排佢會好番啲. 但最後我地都忍痛 quit 左. 因為唔想見到我囡每次返去都唔開心, 更加唔想因為咁而令佢失去對音樂的興趣 (甚至厭惡音樂). 加上另外一位老師說我囡可能已對這些 "柴娃娃" 的 playgroup 不感興趣, 可能要正正式式咁去學一樣野. 結果停了一排, 就開始學琴. 雖然都好唔捨得那位老師, 但都無後悔 quit 左那個 playgroup. 所以你可以參考一下.
作者: Silver 時間: 15-5-10 18:22
回覆 Jasminema2012 的帖子
其實最初我都想同老師講可唔可咁咁咁, 但最後我都無. 一來唔想搞到老師尷尷尬尬; 二來我在頭一兩堂, 都旁敲側擊咁問老師, 知道老師係有教小朋友的經驗; 三來唔想老師就我個囡, 畢竟唔可以叫位位老師就我個囡個脾性去教, 反而我想我囡知道老師有友善也有 cool 一點的, 等佢去嘗試適應不同的風格的老師. 當然, 如老師很惡很差, 令我囡有機會失去學琴的興趣, 我一定會立即 quit. 雖然我對這位老師的教法有點意見, 例如教得有點亂, 令我囡 concept 有點亂; 但我都無跟老師說, 因為畢竟老師教學經歷一定多過我, 所以我會放手信任老師, 最多自己在家同個囡再執好啲 concept.
作者: torunpoland 時間: 15-5-10 19:08 標題: 回覆：Silver 的帖子
或者我轉個角度問你。沒有惡意的。你為何想女兒學琴？
作者: caroljoyful 時間: 15-5-10 19:36 標題: 回覆：Silver 的帖子
多謝答覆！我宜家都停左音樂班，唯有等兩歲半先join一d較有系統既班！
順帶一問，知唔知柏c (小小莫札特）同葉x (啟蒙班）邊個好d呢？
我只知柏c既要家長陪，起碼知教左乜，但係葉x又好似好有歷史
作者: Silver 時間: 15-5-12 13:02
回覆 torunpoland 的帖子
沒問題, 我也喜歡分享~~
我想我女學琴, 最主要原因是我想佢起碼有一樣終生興趣或有一門手藝旁身. 鋼琴如可幫到他的學業或將來的事業當然最好; 但我比較關心是, 如她有時覺得悶, 都可彈下琴自娛; 或我們將來老了, 她也可彈琴給我們聽; 又或她將來失業,也可暫靠教琴為生.
坦白說, 我想她學琴, 並非想為升小鋪路. 同事建議我叫老師幫我女考級, 否則學來都是浪費金錢. 但我暫時不想這樣做, 因我只想培養佢對鋼琴有興趣, 不想因為要考級而令佢討厭彈琴. 如果我想佢學樂器為升小鋪路, 我就會叫佢學中樂或冷門樂器. 我選得鋼琴, 預左好多小學不會計算為優勢. 只是覺得, 我自己很喜歡鋼琴, 當然想我女也鍾意. 加上我覺得鋼琴是樂器之首, 所以我會睇高一線. 最初試堂, 我讓我女試玩鋼琴及小提琴,最後她選前者. 現在她學得不錯, 雖不是超喜歡, 但起碼不抗拒. 當然, 如有一天她討厭學琴, 我也不會勉強她學下去; 但一定要學另一種樂器, 因我覺得一生一體藝是必要的.
作者: Silver 時間: 15-5-12 13:13
回覆 caroljoyful 的帖子
停左都好, 免得浪費時間金錢, 又令小朋友不開心或甚至對音樂反感, 雙輸!
我不知道這兩間的質素如何, 因為我女只在家附近一間小琴行學琴. 大琴行較貴, 或一班多個小朋友. 小琴行單對單不貴, 又可 focus 晒落我女身上. 另外, 這些興趣班, 我自己有一個要求就是地點要近屋企. 最好步行就到, 因不想浪費時間在交通上; 除非那個興趣較冷門, 家附近無得學,才考慮去遠一點的.
作者: caroljoyful 時間: 15-5-12 13:36 標題: 回覆：Silver 的帖子
Thx silver
作者: fanny0139 時間: 15-5-27 13:43
回覆 Silver 的帖子
我女初學都係用呢兩本書，仲要3歲半已經學. 可能係老師教法唔夾你小朋友. 我女仲要上一小時(初初miss會同佢玩下d音樂卡數拍子, 小樂器...., 等佢熱身左最後先埋去個琴)，而家我女學左2年, 都ok呀, 而家仲每星期兩堂, 每堂一小時
作者: Silver 時間: 15-6-11 13:53
回覆 fanny0139 的帖子
謝謝分享! 你囡囡好犀利呀, 一開始就上一小時! 其實我個女都已習慣了. 起初佢怕陌生, 頭幾堂要我陪佢上堂.可能得半小時, 又可能我女當時已四歲, 老師都無特別幫佢 warm up, 就埋去琴度睇琴書, 教下豆豉, 就試彈. 初初我女有時扁咀流眼淚, 細問之下才說手指好攰. 老師就改教下樂理, 休息幾分鐘又再叫我女試下彈. 最初幾堂都有時扁咀流眼淚, 但之後同老師熟左少少, 可以自己一個人上堂, 便開始順利了.
初初在家不肯練琴; 但之後就肯去練. 現在都學得幾好, 但我無打算增加鐘數或堂數, 因為現時半小時教的, 剛好足夠一星期練習 (每星期練四晚,每晚練5-10 分鐘). 如果好似你囡囡每星期兩堂, 每堂一小時, 我諗我地會唔夠時間幫我女練琴.
作者: fanny0139 時間: 15-6-11 13:59
回覆 Silver 的帖子
慢慢泥啦, 你囡囡習慣左可以慢慢同佢加時上堂
作者: Silver 時間: 15-6-12 13:41
回覆 fanny0139 的帖子
謝謝! 我不急的, 反正只想培養囡囡興趣
作者: monlingling 時間: 15-6-19 16:13 標題: 回覆：4 歲學鋼琴的疑問
我小朋友就黎3歲半，學了一個半月，也是用輕鬆學鋼琴和幼兒樂理練習，每星期上半小時，去上堂就好雀躍見到老師就衝埋去，落堂也開開心心出來。
但也是不肯練琴，每天要他練琴像綁架他一樣；到星期六就自己主動說去老師度學琴！
好煩惱！
作者: carol_kk 時間: 15-6-20 00:49
我個仔2歲8個月開始1對1學琴，我從來無迫佢練琴，佢鍾意時就日日練，唔鍾意時一星期都唔練。而家5歲幾，已經主動練琴，有時會拎學校主題書自己試彈，我覺得培養咗興趣先，急唔黎。
| 歡迎光臨 教育王國 (/) |
Powered by Discuz! X1.5 |