愉景灣聖公會偉倫小學

麟媽媽

咁間間學校都有曳學生既，
攪珠呢家野就係咁架喇。
我知呢間學校係基督教辦學的，
大多數學生都係愉景灣居民，
早年家長質素相當不錯，
亦有外藉小朋友入讀，
當中亦有住坪洲既學生，
佢地既校網屬中西區，派位幾好架。

麟媽媽

因為我覺得只為個別學生既行為，
而令一間學校或裡面既學生都比抹黑，
係好唔公平的，當中有好多好學生，
佢地好多派到中西區好好既學校，仲係名校添，
只睇少數小街童之行為，斷定全校學生實不公平，
學生比例中，來自離島真的多過愉景灣居民？
如果係愉景灣住既居民，應去睇睇放學，
大可睇到學生既表現，再同家長傾吓，了解多D。
粗口、不雅用語小朋友遲早一定會接觸到的，
我自己既見解係，粗口我個仔一定要識，
佢一定要知當中講緊係D 咁既野，
再要佢自己分析，佢應唔應該人講佢又講呢？
我個仔3年班，佢已經知某D 粗口意思係咩，
係我教佢既，好過佢去馬場練波聽到隔離D 男人講，
到時大大聲當住成班家長問我，咁仲衰！

Charlotte_mom，你個同事又係奇人一個，
自己個仔粗口滿天飛，叫佢去C 都仲咁高興同人分享，
不如花多D 時間教吓個仔好過喇！真係咩父母都有！！

麟媽媽

Charlotte_mom,

其實因為我識人係嗰度做老師，
我都知有好多由坪洲過去返學的小朋友，
當中有好多係曳，但佢地都少係校內犯事，
所謂「出黎見開世面」...
都知係學校要點，好少亂來。
佢地學校有好多家長係好高質素的，
小朋友亦都乖，成績亦好，所以呢...咪係攪珠累事囉。