2007私校小一

AlexChung

我的小朋友07年將要讀小一,他就讀在一間有小一的私校幼稚園讀。現在正煩惱會比他繼續讀私校小一或是報讀普通津小。現在有些問題，希望各位幫忙
1. 如果在9月報自行收生，是否需要放棄私校的機會?
2. 如自行收生不成，可否回原有私校報讀?

其實私校實在太貴，每月學費要2000多，還有其他課外活動的費用都要2000多，再加校車費、午餐費、雜費等等…每月要用好多錢，現想報讀津小減輕負擔。希望比些意見。謝謝！

SIUBO117

我又係想囝囝(k2)升返現時的P1 私校, 我計過連校車要三千多. 你間小學的課程係點? 如小一中文係咪用普通話上堂, 英文係咪由native teacher 教oral & listening. 長遠計對小朋友會好d. 如果小朋友有足夠的語言能力會曾加將來的學習能力.

9月你可以照要私校(直資列外)位先,再join 自選 & 統一派位. 私校留位不影響的.

而自選 & 統一派位唔得就唔知可唔可以返去原本的私校?

AlexChung

SIUBO117
謝謝你的回應。其實我小朋友是讀崇真，中文及英文他們都好重視。只是經濟及返學的問題煩住我。因為我住藍田，小朋友要好早返學及放學，覺得他會很辛苦。所以可以的話，便想左藍田讀書。

jjmummy

AlexChung,

你小朋友在崇真幼稚園嗎, 間学校有中學確實唔錯。由藍田返到學校要多久,点解要轉校呢?
其實你照可政府派位,若派到滿意嘅小學咪放棄私小o羅, 一Ｄ都唔洗煩, 但祟真小學收佐你個小朋友味?
我就煩啦,又要煩派位不能擇到理想小学,又要煩考私小。

G-Ma

AlexChung,

其實睇下你揀咩私校, 例如英文係外籍老師教既學校就可以減省左唔駛出去補英文, 果度又可以慳番d錢.  又有d學校係包括埋一d課外活動, 咁左慳d右慳d可能計計埋埋都係一條數.

以我個囡為例, 當初幫佢入左一間普通幼稚園要二千蚊一個月, 課餘興趣班英文一千一個月(4堂, 1小時/堂), 普通話五百, 總供要三千五百蚊一個月.  但英文進步有限, 因為一星期得一堂.  後來幫佢轉入一間國際幼稚園, 三千五一個月, 但我可以cut左補英文同普通話班, 因為學校有教.  其實我無比多到錢, 但我個囡英文進步得好快, 今年佢畢業, 已經可以每日用簡單句子寫日記, 而且oral亦好左好多.

所以我小學都揀左以外籍老師教英文另有外語(法文/日文)學既直資小學, 雖然要二千幾學費, 但係出面學都要咁多, 但係學校學係日日都有機會接觸到, 吸收都好d.

AlexChung

多謝你們的回應！
我會重新考慮。
G-ma,想問下你個囡讀邊間私小？

G-Ma

AlexChung,

我揀果間係新辦既直資學校,聖瑪加利男女英文中小學, 一條龍中學唔駛煩多次.

SIUBO117

AlexChung,

我想入的小學係蘇浙.英文(Ｐ１-Ｐ４　由西人教ＯＲＡＬ　&　ＬＩＳＴＥＮＩＮＧ),　到Ｐ５-Ｐ６英文科全由西人教.　而其他全用普通話,在校內學生要用普通話或英文溝通的.