個人分享﹕對付頑皮仔需要具備的是......

睡覺

買本好得意可愛的日記本給他，唔一定係正式的日記本，因為通常每行都很窄。或者可以買一些無行的又得。
總之靚靚的，第時俾返佢留念都好丫。

我中小學時的日記本已經無哂.   
跟住以後的，我都好小心保存下來了。
真的好回味。
好想睇返細個時的日記。

小孩子的天空

睡覺:

佢早兩年就寫過日記，由五歲幾開始.....但日日都係: 我今天很開心.....我今天不開心......然後再寫兩句就收筆........

直到一年級下開期都係咁，我看見佢好似是件苦差咁，所以叫佢唔好寫

反而信就未試過......叫佢寫下比我D家姐亞妹先.......可能佢有興趣都唔定........

睡覺

天空﹕
           日記又係悶一d...始終係男仔，感受無咁多瓜。 或者你叫佢寫信俾女朋友仔啦﹗校長啦﹗班主任啦，個個寫齊，做錯事叫佢寫道歉信俾你啦等等，咁多個人咁多封信，佢以後文筆一定突飛猛進架。     

小孩子的天空 寫道:
睡覺:

佢早兩年就寫過日記，由五歲幾開始.....但日日都係: 我今天很開心.....我今天不開心......然後再寫兩句就收筆........

直到一年級下開期都係咁，我看見佢好似是件苦差咁，所以叫佢唔好寫

反而信就未試過......叫佢寫下比我D家姐亞妹先.......可能佢有興趣都唔定........

Harry媽

TobiMom,孩子的天空,睡覺,
我們真是有苦自己知,要教要鬧要忍的都全做了,有時真係失控,鬧得多個仔又唔鍾意聽,重特登反抗,佢講到明,你叫我做我就唔做,我一開聲哦佢,佢就掩住耳仔,再講佢就走遠離你,我成日諗當有日佢識照顧自己時真係會離家出走
。
同佢講道理,佢話佢知啦,只係唔想俾我控制,想有自由,想做咩就做咩。究竟我可以點做呢？聽日考試啦. 今日先讀

neighbour931

我囡囡就最鍾意晝圖畫或者有內容既漫畫, 好多時都可以睇到佢諗緊乜同埋掛d乜. 唔使下下查根問底, 佢有時又晝d咭送比我地同埋老師同學, 內容都幾豐富架.

小孩子的天空

Harry媽:

你兒子好像比小兒大一年?

我個人認為要先跟他攪好親子關係，我看過有一資深的老師說:一般家長會以為是初中或是五、六年級才到反抗期，但是以我觀察四年級才是轉變期!

我朋友的兒子小四(當然也是極品啦)，今年他媽被他氣得差點兒發瘋!!!!!所以大家要小心小心，共勉之!

睡覺

neighbour931,
     你囡囡係唔係自小已好鍾意畫畫？我阿仔就對畫畫無乜好大興趣，但因為鍾意左叮噹，所以，佢前天就肯自己拿顏色筆來照著本書，畫了一個叮噹、一個大雄 ，一個小夫、靜香。然後剪左佢地出來，話第時取來玩。

      之前，我以為要閱讀就要讀正正經經的"書"。但有次聽電視講，培養孩子的閱讀興趣，睇漫畫一樣很好。我猶豫著這是否真的好之際，而加，見到佢只係睇左兩本叮噹漫畫，卻得到幾重益處，我相信電視都講得無錯ge。
第一重好處，因為睇了第一本叮噹，阿仔又睇多一本書，增強左閱讀興趣。

第二重好處， 終於肯完全自發性地正正經經咁去畫個公仔出黎，油埋顏色，仲做下勞作咁(剪佢地出黎)，以前係無乜興趣的。

第三重好處，增強左佢的幻想力，亦即係創造力。佢會耐唔耐係度跟我講述一d"百寶袋"所發明的"有用"東西....如﹕拿li個是什麼什麼機器，可以有什麼用途架等等。

第四重好處，竟然同我抄漫畫對白並叫我同佢默，於是，識寫的字又會增多。

第五重好處，可以讓他多了一樣喜好寄托。

第六重好處，係俾我買黎當做獎品....


所以，只要是正經，又係書面語的漫畫，俾佢睇多d都無妨吧？

睡覺

天空﹕

咁，harry個仔咪開始踏入反叛期囉？嚇親佢喇。

不過，我以前係青年中心度做功輔時，都係教四、五、六年級，我覺得四年級的小朋友還可以，大都仲好天真，但一到五年級，就開始有d轉變，鍾意跟"風"。不過都仲唔係咁大問題，都仲保留少許天真。

但果d六年級的，導師們都唔鍾意教佢地。結果中心職員搵借口ug左俾我(佢話覺得我最適合..)，個六七個細路又真係好得人驚下。我硬著頭皮壯著膽子同佢地相處。初時佢地會打量打量下，睇下我係乜來歷，好唔好蝦，好唔好玩。我駛出我的渾身解數，用盡所有精神，以朋友形式，好幽默又民主咁同佢地相處，於是，佢地就好似鍾意左我.....咁，別人以為好成功。但係...
我一回家

成個凋謝左....   
佢地無諗過我都係死撐扮成熟但卻又要扮埋有趣。
辛苦度我死。只不過係一星期兩天。

你話，如果要每天對住佢地，我好返就斷氣身亡。

佢地把口好恐怖，又埋堆群黨，仲要聯合排斥同學，講人花名。

有次，我因要去檢查身體請左一次假，其中一個"好色"下的男仔問我係唔係去睇婦科(佢竟然亂up都中，當時我老公的確唔係咁易有bb)，佢問我點解唔生bb，係唔係不育。
   我死口話唔係啦(當然，過左幾個月後就真係有左)。仲有，li個男仔成日講老師靚唔靚女，邊個老師靚唔靚....對住佢地，真係反應慢d都死。

仲有，d女仔仲恐怖，把口真係好厲害。以我咁牙尖咀利，對住佢地幾個都係moumou緊夠用架咋。

或許我把衰口唔係由我同家姐細個鬧交養成咁簡單，而係俾li班自以為係大人的小大人訓練出來。

小孩子的天空 寫道:
Harry媽:

你兒子好像比小兒大一年?

我個人認為要先跟他攪好親子關係，我看過有一資深的老師說:一般家長會以為是初中或是五、六年級才到反抗期，但是以我觀察四年級才是轉變期!

我朋友的兒子小四(當然也是極品啦)，今年他媽被他氣得差點兒發瘋!!!!!所以大家要小心小心，共勉之!

TobiMom

天空, 睡覺


我今日湊女返學, 等佢去埋洗手間, 錫錫, 用三寶,(梳, 潤唇膏, hand cream), 佢零舍大汗, 跑一陣已經成頭濕, 仲要鬈毛, 仲要有兩個轉(同我一樣)      

之後佢爬埋牆, 笑騎騎同我講 '媽咪 , 我尋日激到爹哋好嬲 & 傻傻地'

      
比佢激死

neighbour931

睡覺,
我囡囡好細個就開始晝, 乜都晝餐飽, 其中一個原因,係佢細個時候同佢去街, 呢個係令佢安靜又唔搞搞震既方法, 所以整整下成為佢既嗜好.
漫畫佢都好鍾意睇, 我地會選擇d適合既比佢, 叮噹同老夫子都有, 不過而家開始唔比老夫子佢睇, 覺得無乜益. 另外佢既至愛係昆蟲同恐龍書, 平時晝得最多既係恐龍.
有時睇佢d晝都覺得好過引, 我地無特別教佢同埋無比去係外面學, 但係唔知點解佢識得將d野畫到好有層次感,近你d野會大d, 遠既野就細d, 連d動物既前後腳,則面正面都好分明, 我都唔識咁畫. 小朋友就係咁神奇, 都唔知佢點學識既.
幫小朋友發展多唔同類型既興趣, 會對佢有莫大既卑益, 不過好多時, 礙於香港既教育制度, 父母比小朋友學既野都有一定既目的, 唔能夠真係選擇d適合既興趣. 所以我地做父母都有時要自我檢討下, 下下都以為係為個小朋友好迫佢學d所謂有用既野, 而忽略左小朋友既喜好和個人特則專長.

睡覺 寫道:
neighbour931,
     你囡囡係唔係自小已好鍾意畫畫？我阿仔就對畫畫無乜好大興趣，但因為鍾意左叮噹，所以，佢前天就肯自己拿顏色筆來照著本書，畫了一個叮噹、一個大雄 ，一個小夫、靜香。然後剪左佢地出來，話第時取來玩。

      之前，我以為要閱讀就要讀正正經經的"書"。但有次聽電視講，培養孩子的閱讀興趣，睇漫畫一樣很好。我猶豫著這是否真的好之際，而加，見到佢只係睇左兩本叮噹漫畫，卻得到幾重益處，我相信電視都講得無錯ge。
第一重好處，因為睇了第一本叮噹，阿仔又睇多一本書，增強左閱讀興趣。

第二重好處， 終於肯完全自發性地正正經經咁去畫個公仔出黎，油埋顏色，仲做下勞作咁(剪佢地出黎)，以前係無乜興趣的。

第三重好處，增強左佢的幻想力，亦即係創造力。佢會耐唔耐係度跟我講述一d"百寶袋"所發明的"有用"東西....如﹕拿li個是什麼什麼機器，可以有什麼用途架等等。

第四重好處，竟然同我抄漫畫對白並叫我同佢默，於是，識寫的字又會增多。

第五重好處，可以讓他多了一樣喜好寄托。

第六重好處，係俾我買黎當做獎品....


所以，只要是正經，又係書面語的漫畫，俾佢睇多d都無妨吧？

Harry媽

各位,我相信我個仔都係到

睡覺

我係度又突發奇想。

4號的小朋友由於是highly sensitive child，所以通常都會在出生及童年早期時會較難與他們相處，因為他們的身心在最初適應li個世界時都比較困難。
但是到左接近青春期時，會唔會反而會變乖左？(除非在童年時受到嚴重傷害)，跟那些本來是乖乖仔女，到了一定年齡突然開始唔聽駛，開始反叛的孩子剛好相反。(我只的乖是無咁挑釁和較明事理咁解)

會唔會係咁呢？我自己就係一個版，真係四年級開始愈來愈乖咁，意即個人定一點，脾氣少左。中學時就最乖喇，當然都仲會成日駁阿媽嘴ge，但對我來說只係同佢講道理姐。但絕對無學壞，讀書也自動自覺。

如果我阿仔都係咁就好喇。

睡覺

tobimom..
        你個囡係曲髮架？我覺得曲髮的小女孩很美。

TobiMom 寫道:
天空, 睡覺


我今日湊女返學, 等佢去埋洗手間, 錫錫, 用三寶,(梳, 潤唇膏, hand cream), 佢零舍大汗, 跑一陣已經成頭濕, 仲要鬈毛, 仲要有兩個轉(同我一樣)      

之後佢爬埋牆, 笑騎騎同我講 '媽咪 , 我尋日激到爹哋好嬲 & 傻傻地'

      
比佢激死

睡覺

neighbour931

你阿囡視覺空間感一定很好，很有畫畫天份。

我係度諗...
hm...

剛才睇一個topic，講到升中連小學美勞分都要計埋，。又話識彈琴都唔得，要學埋其它可加入的樂團的樂器，又話要體育都要很好等。

升中真的咁煩架？簡直係要多才多藝的全才至得？一個小朋友邊度學得咁多野？ 邊度有咁多時間？這是我一直很疑惑的。

我係唔係唔好去睇咁多li d topic，唔睇就眼不見為淨。li個究竟係乜野社會？
物競天擇囉﹗

我而加都諗緊，阿仔而加勁鍾意玩圍棋，又愛彈琴，及設計一堆佢自己的"遊戲"，已經花掉左佢好多時間，都一樣唔夠用；仲有，將來又要兼顧佢小學時學術上的東西、功課、考試，又話要閱讀........咁，周身刀真係無張利架。仲有，不用玩的嗎？不用睇下卡通嗎？

唔通而加d細路真係叻成咁？點解佢地可以有咁多時間和精力做咁多野、學咁多野？真的好想知道佢地係點樣分配時間的。 :

neighbour931

睡覺 寫道:
neighbour931

你阿囡視覺空間感一定很好，很有畫畫天份。

我係度諗...
hm...

剛才睇一個topic，講到升中連小學美勞分都要計埋，。又話識彈琴都唔得，要學埋其它可加入的樂團的樂器，又話要體育都要很好等。

升中真的咁煩架？簡直係要多才多藝的全才至得？一個小朋友邊度學得咁多野？ 邊度有咁多時間？這是我一直很疑惑的。

我係唔係唔好去睇咁多li d topic，唔睇就眼不見為淨。li個究竟係乜野社會？
物競天擇囉﹗

我而加都諗緊，阿仔而加勁鍾意玩圍棋，又愛彈琴，及設計一堆佢自己的"遊戲"，已經花掉左佢好多時間，都一樣唔夠用；仲有，將來又要兼顧佢小學時學術上的東西、功課、考試，又話要閱讀........咁，周身刀真係無張利架。仲有，不用玩的嗎？不用睇下卡通嗎？

唔通而加d細路真係叻成咁？點解佢地可以有咁多時間和精力做咁多野、學咁多野？真的好想知道佢地係點樣分配時間的。 :

唔單止d小朋友要叻, 佢既父要更叻

睡覺

   我地兩公婆都唔叻....

我唔忍心將阿仔的至愛變成用黎作為佢前途籌碼的工具。
不過li個世界就係咁現實


分享以下一篇文章﹕
==================

6歲公開演奏19歲奪國際獎鋼琴天才：我討厭比賽


蘋果日報 香港生活萬象 (2003-09-25 20:40:01)

八二年，年僅六歲的李偉安第一次在香港管弦樂團的音樂會演奏鋼琴。渴求天才的社會，幾乎要把他塑造為香港小莫札特。今日二十七歲的他，成功擺脫鋼琴神童的「魔咒」，走向自己的音樂世界：為打籃球

睡覺

李偉安應都是4號仔吧？

neighbour931

睡覺,

其實你都無講錯, 而家如果要個小朋友可以係眾多學生中,唔好話要脫穎而出, 要稍為前列一點或者可以比學校睇中,加以栽培, 父母同小朋友都要放棄自我, 跟隨一條既定既所謂成材路去行.

TobiMom

睡覺.


我個女係髮尾鬈乍

我有日貪得意問佢

我: bb, 你第日讀邊間小學呀 ?
囡: 咪幼稚園隔離個間lor
我: 吓 ?
囡: 返學個條路, 等紅綠燈個度呀
我: 我無講過個間係小學喎, 你點知架
囡: 我知咪知lor
      

veronna

小孩子的天空 寫道:
Harry媽:

你兒子好像比小兒大一年?

我個人認為要先跟他攪好親子關係，我看過有一資深的老師說:一般家長會以為是初中或是五、六年級才到反抗期，但是以我觀察四年級才是轉變期!

我朋友的兒子小四(當然也是極品啦)，今年他媽被他氣得差點兒發瘋!!!!!所以大家要小心小心，共勉之!

突然發現了這個topic, 好像他鄉遇故知的感覺, 原想看完才發言, 不過見到你這個message, 不禁想立即回應, 希望你別介意.

一般的資優兒三年班才是他們的難纏的一年. 這是我從資優兒童家長會的眾多資深家長中得回來的忠告. 我起初還有點不信, 我的囝囝那時才剛一年班, EQ好IQ也好. 沒甚麼大問題. 他們笑著對我說到時你便會知道. 結果難纏的三年班過去了. 九月便升上四年班. 這三年班的一年, 是我這一生人中最辛苦的一年, 他的情緒及行為都令我十分頭痛. 不停的跟老師, 託管的姐姐, 教會的導師及社工聯絡了解情況及尋求解決方法........................