個人分享﹕對付頑皮仔需要具備的是......

睡覺

HARRY 媽﹕
          check pm...

curly

Harry,睡覺,

想請教你們, 如果BB唔肯食飯, 有什麼原因?
是咪
1.想要你們注意
2.想同你玩野
3.口味改變
4....

應如何處理?

睡覺

curly
ah.....         
教仔...我都自身難保....   

BB唔肯食飯的原因﹕

應該自己媽媽最清楚啊﹗
或者你俾佢自己餵自己，佢覺得好玩可能就會食架喇。


又或者....

試諗下﹕
會唔會係你的食物很難吃？
吃膩吃悶了你的食物？
天氣太熱，無胃口？
濕熱肚痛？
生病了？
吃了"納雜"野？

試下用D好得意的餐具引下佢.....
一邊吃一邊玩遊戲.....
如食物變左一架飛機，飛進仔仔個咀仔機場度喇。

或者....你可以試下問下佢自己，究竟係乜野原因丫...

Harry媽

Curly,你bb幾大個？係咪未習慣食固體食物呢？我個仔好在冇呢個問題,所以我煩少一樣。
如睡覺講法一樣,試下搵出原因及吸引佢對食飯有興趣. 最緊要養成定時進食,減少零食.尤其是唔好話唔食飯就俾佢食"立立雜雜"，等到佢肚餓時佢就會饑不擇食。
你要搵出佢口味. 可能鍾意食硬或者軟

TobiMom

Harry  媽 , 睡覺

我囡又比老師投訴 , 上個禮拜初, 我囡去洗手間洗手個陣將梘液搽落自己個頭,整到成身濕, 不特止, 仲要搽埋落同學仔個頭度....     

係上堂個陣又係老師個位攞左d印仔蓋同學仔本簿,
餅餅湊佢放學個陣, 要扭抱, 餅餅唔抱, 係咁鬧佢, 佢就喊住返黎, 喊到眼都腫哂, 見到好心痛 ....

為左個囡, 我&餅成日嘈, 個囡曳, 餅餅鬧佢, 我就話唔駛咁躁喎, 餅又話番我, 你無鬧佢咩 ...咁又係, 我都有鬧佢, 但有時真係激到好嬲&好谷氣, 點解個囡會咁曳,       

原本件餅好好脾氣架 , 但個囡越大, 件餅就越躁 , 我成日話佢好似有躁狂症 , 無辦法啦 , 我地兩個根本唔可以冷靜落黎, 尤其係對住個囡 , 真係人都癲      

curly

Harry, 睡覺

我個仔2yr3m, 我知道是什麼原因唔吃飯,矩可能是喉龍痛, 因為第二天就流鼾水!

多謝你們!

睡覺

curly...
    那太好喇，找出原因唔駛估估下；喉嚨痛食野真係好辛苦。....佢而加好返未呀？
     
    做媽媽真不易，從佢地呱呱落地開始，就要成日玩猜謎喇。尤其佢地未識講野或未懂如何表達自己時。

    記得阿仔兩三個月左右，佢試過幾次同我地打眼色示意有野要我地幫。我地兩公婆烚下烚下咁，以為他要奶，就給他奶，點知唔係，佢唔要，跟住再打眼色，我真係唔知佢要乜？比水佢唔要，於是同佢玩尿片，佢終於忍不住哇哇哇起來了，因為都唔係佢想要的。所以一見佢打眼色，我地就好緊張，好怕估錯後佢又吵起來。

不過，到佢大一點，又有另一種表達方式，剛满一歲度，又係未識用言語表達，有幾回佢跌痛了，走過來我們那兒，指著個頭表示痛，我問佢係唔係撞親，佢拉著我(有時係爸爸)走到廚房bb門欄處，然後親自重演佢撞欄ge經過--->>指了指個欄，然後用手摸著自己個頭，再彎身用頭輕輕做樣撞上去，有時怕我地唔明，佢又再重複多次。哈哈，你可想像他有幾可愛，真係可愛到極點。....想起來，雖然有時激氣一點，但佢真的也有好可愛好可愛的一面架。

sorry..講講下，又係到自顧自的回憶著....    :

curly 寫道:
Harry, 睡覺

我個仔2yr3m, 我知道是什麼原因唔吃飯,矩可能是喉龍痛, 因為第二天就流鼾水!

多謝你們!

睡覺

tobimom...
          你個囡真係好活潑，在旁人聽起來，仲可能覺得她很可愛添....仲會因佢咁可愛而發出會心一笑，但我知道因為不是自己的孩子，所以可以咁咁咁....但要是我阿仔咁咁咁...我就會同你一樣咁生氣。

         其實佢會唔會因為學校太無趣，佢個腦瓜袋經唔起無聊，所以想了好多有趣的玩意兒出來玩以解心中苦悶呢？


         我老公本來都好好脾氣，但阿仔出世後就完全變了樣，加上當時又無陪月，又無親人可以幫到，果時真係唔係佢死就我亡，邊個可以稍為休息睡多一點點，另一個就會凋謝...發癲..。尤其是阿仔是個醒了就不甘願係張床度的baby，一定要你抱著他四處走，打橫抱都唔肯，累壞了唔想理佢，放係床上由佢哭，點知佢一哭就即刻失聲，臉都發紫，li招果然厲害。

如是者，五六個月就逼著要佢坐學行車，才稍為讓我兩可以鬆一口氣。會行了我們放輕鬆了一點呢﹗

累了幾年，終於等到佢上小學，我真係好興奮，雖然唔知跟住會點。

你都努力呀....我地試下欣賞佢地的活潑丫。

我阿仔最近脾氣又回復正常了，我想都是因為天氣轉變吧？因依照我記錄，佢去年 再去年 的 同一個時間 都會發下作，只要耐心體諒下，忍一陣子佢就會回復常態了。
又或是因突然轉變了piano老師，教學方法不一樣，佢未能適應到吧？

TobiMom 寫道:
Harry  媽 , 睡覺

我囡又比老師投訴 , 上個禮拜初, 我囡去洗手間洗手個陣將梘液搽落自己個頭,整到成身濕, 不特止, 仲要搽埋落同學仔個頭度....     

係上堂個陣又係老師個位攞左d印仔蓋同學仔本簿,
餅餅湊佢放學個陣, 要扭抱, 餅餅唔抱, 係咁鬧佢, 佢就喊住返黎, 喊到眼都腫哂, 見到好心痛 ....

為左個囡, 我&餅成日嘈, 個囡曳, 餅餅鬧佢, 我就話唔駛咁躁喎, 餅又話番我, 你無鬧佢咩 ...咁又係, 我都有鬧佢, 但有時真係激到好嬲&好谷氣, 點解個囡會咁曳,       

原本件餅好好脾氣架 , 但個囡越大, 件餅就越躁 , 我成日話佢好似有躁狂症 , 無辦法啦 , 我地兩個根本唔可以冷靜落黎, 尤其係對住個囡 , 真係人都癲      

小孩子的天空

TobiMom:

看見你形容令媛的情況，我便追回前文......一看之下....不禁嘩然，居然有99.99%跟小兒相同 (GIVE ME FIVE)

你女兒一定是"七號女"，跟我的"七號仔"不相百仲。(你慢慢玩啦)

小兒現在八歲，你的辛酸我也走過，我很明白的。

我們的孩子不是人家規規矩矩的小孩，雖說每一個小朋友都有跳皮之處，但這類孩子是你沒有令教過是不會明白的。每每被人家說沒有家教時，我們倆口子真的很傷心。我相信只有住在我隔壁的太太才不會這麼說，那幾年，我們每天都翻天覆地的吵吵鬧鬧，可真的苦了他們!

教這類孩子我有這八年來摸索回來的少少心得:

是要多跟他們說導理、多由他們的角度去看事物、多用同理心去打動他們........

最重要的是:當他們犯了錯時，不要大動干火去罵他們，他們思想較同年的孩子大，一來較要面子(事後會玩對抗)，二來會認為罵了之後便已受了應有的 罰，不會去反省。但亦要小心，他們是名"滑頭"高手，我們一不留神，他們便會不了了之，我們一定要嚴肅地跟他們說出事件上對與錯的概念，請他們分析，並且要求他們能做到事前"STOP & THINK"，這樣一日一日的走下去，便會漸見曙光的。

我在BK上學到了一句對我這"七仔"媽很有用的名言:

不要面子，只愛孩子!

TobiMom 寫道:
Harry  媽 , 睡覺

我囡又比老師投訴 , 上個禮拜初, 我囡去洗手間洗手個陣將梘液搽落自己個頭,整到成身濕, 不特止, 仲要搽埋落同學仔個頭度....     

係上堂個陣又係老師個位攞左d印仔蓋同學仔本簿,
餅餅湊佢放學個陣, 要扭抱, 餅餅唔抱, 係咁鬧佢, 佢就喊住返黎, 喊到眼都腫哂, 見到好心痛 ....

為左個囡, 我&餅成日嘈, 個囡曳, 餅餅鬧佢, 我就話唔駛咁躁喎, 餅又話番我, 你無鬧佢咩 ...咁又係, 我都有鬧佢, 但有時真係激到好嬲&好谷氣, 點解個囡會咁曳,       

原本件餅好好脾氣架 , 但個囡越大, 件餅就越躁 , 我成日話佢好似有躁狂症 , 無辦法啦 , 我地兩個根本唔可以冷靜落黎, 尤其係對住個囡 , 真係人都癲      

小孩子的天空

睡覺:

唔制呀 我打左成個鍾先出到一篇.....

點知你輕輕鬆鬆咁就用十多分鐘回左兩篇.......

:tongue:  :tongue:  :tongue:

所以我鍾意看，不愛發表......

giroro

deleted

TobiMom

小孩子的天空

        

睡覺

小孩子的天空..

         哈哈哈，唔係點可以發表哂我腦裡洶湧澎湃，如河水块堤的口水喎﹗

              原來我未開始回應時，你已經好努力架喇？﹗

=======================
tobimom...
          以上果位天空，聽聞佢好少肯打咁多架，我擔保佢用左好多擔心血先打得出來的，你一定要細細回味.....呀 :

小孩子的天空 寫道:
睡覺:

唔制呀 我打左成個鍾先出到一篇.....

點知你輕輕鬆鬆咁就用十多分鐘回左兩篇.......

:tongue:  :tongue:  :tongue:

所以我鍾意看，不愛發表......

TobiMom

小孩子的天空, 睡覺

今日餅餅湊女放學, 老師話個囡又攪同學仔d 頭髮, 所以叫我囡暫時都唔好紮辮返學...     

又係咁 , 講極都唔聽..

成晚走黎走去, 擒上茶几, 爬地下, 攪攪陣 ....      
我都無佢咁好氣, 無鬧佢...

TobiMom

睡覺, 天空


       , 我得到天空咁多隻字既回應, 起碼都知有媽咪好似我咁都癲癲地


    

小孩子的天空

睡覺 寫道:


原來我未開始回應時，你已經好努力架喇？﹗

好似我剛才個樣

剛好跟你相反........我用口會快過手GA.....

睡覺

tobimom..
          你講得arm...鬧到唔想再鬧，只係，偶爾俾人見到佢ge "活潑"時，而你又無氣鬧時，人家會話你無家教架。
         
             我以前就係咁睇人地d小朋友，咁睇人地d父母，當然，而加有時係外面都會咁覺得，怎麼那個小孩搞搞震，父母都不管，我也會生氣。

但....所謂未試過唔知。

帶阿仔去朋友度或小朋友來我家，由頭到尾到要鬧，真係鬧都鬧到自己怕怕，無氣了，佢一有人黎就會刺激過度，失哂控咁好興奮(所以講極道理和鬧都無用，只有想辦法令佢冷靜)，最後，寧願唔再俾小朋友黎我家算了，好辛苦。又或是，做下樣鬧幾句俾d家長睇，免得別人話我唔教仔。
(不過佢大個d又好了一點點，只要唔好惹佢太興奮)

雖然真的有些父母係唔教仔，有些孩子又真的係無家教。但係，別的人係唔理三七二十一，一竹篙打一船人，係唔係都話個媽無家教。

總之，有苦自己知。

所以學天空所轉述，唔要面子，要愛孩子....
隨便人怎麼講，最緊要自己體諒孩子，明白孩子就夠了。

TobiMom 寫道:
小孩子的天空, 睡覺

今日餅餅湊女放學, 老師話個囡又攪同學仔d 頭髮, 所以叫我囡暫時都唔好紮辮返學...     

又係咁 , 講極都唔聽..

成晚走黎走去, 擒上茶几, 爬地下, 攪攪陣 ....      
我都無佢咁好氣, 無鬧佢...

小孩子的天空

TobiMom 寫道:
小孩子的天空, 睡覺

成晚走黎走去, 擒上茶几, 爬地下, 攪攪陣..

我亞仔是家常便飯BOR，佢幼稚園時來回跑走廊兩小時也不累...........直到小一下學期左右......先慢慢定下來........

小孩子的天空

睡覺:

題外話......因那邊的TOPIC好似是三四歲的孩子.......

亞仔今日帶回校的早讀的課外書是:

十三歲的深秋

比小王子和湯姆歷險記淺左好多........這本會不會仲係唔夠淺呢?........佢一口氣看了半本LA

睡覺

天空﹕
            緊係唔係咁好啦﹗對於小二寫作黎講(不，我根本未睇過你講果本書)

我突然又諗到。

不如，你叫佢寫日記丫？
可以陪住佢一起寫都得。

早一年，我阿仔ge阿姨寫信給他。
但阿仔果時仲未識寫幾隻字。

於是，半年前，反正學校無乜功課，
我就叫佢學寫﹕

親愛的細姨﹕
        你近來好嗎？我很想念你。最近天氣轉冷了，你要多多保重身體。祝你生活愉快。
                       
咁，li封信已是半年前的事了。

而加佢識寫多一點字，看多了點書，如漫畫 ^^
然後，正如你見我俾你睇佢給我的那封信咁，好明顯，佢係有吸收到一點東西的。例如﹕親愛的xx.....想念你等等。但奇就奇在，佢寫﹕親愛的xx(自己)上喎。呵呵，我無糾正佢，第時先教。

我小學時阿爸都有叫我們幾個寫日記的﹕

如﹕

x月x日  天晴
--------------------------
今天是星期日，一早起來，我就去廁所小便，跟住刷牙洗臉。8時三十分，我和大姊一起看七小福。媽媽正在織毛衣。爸爸正在看報紙。
9時三十分，爸爸叫我們做功課....

跟住，第二天日記又係咁﹕
----------------------
今天是星期一，一早起來，我就去廁所小便，跟住刷牙洗臉。今天學校要默書，所以我就去溫書了。不一會，......


===================
哈哈，每天都係度講刷牙小便看電視，簡直唔似日記似行事曆....
但係咁，而加有你幫下手，可能內容可以豐富一點，
你試下俾佢寫日記啦﹗唔睇其它書就罷。

小孩子的天空 寫道:
睡覺:

題外話......因那邊的TOPIC好似是三四歲的孩子.......

亞仔今日帶回校的早讀的課外書是:

十三歲的深秋

比小王子和湯姆歷險記淺左好多........這本會不會仲係唔夠淺呢?........佢一口氣看了半本LA