荃灣中學..唔識揀,好擔心.希望大家幫幫手

connie

我個女成績一向麻麻,現就讀伍季明小學,都係band2尾,自行派位唔識揀      
梁省德中學(band2中) 同 廖寶珊紀念書院(band 2頭) ,唔知揀邊間,
最好就入廖寶珊紀念書院 啦,不過好多媽咪揀,驚比較難入,但我check過廖寶珊有約40個位,而梁省德就得29個..

如果自行揀廖寶珊,咁統一派位時應揀邊間做第一呢??
呀sir話廖寶珊揀第2志願多數都入唔到(當然係以自己學校計啦),又驚揀廖寶珊做第1志願,連梁省德都入唔到...點算好

我個女講野唔叻驚面試時口啞啞...唔知會考d乜架呢.有無得訓練下佢?

勁度擔心.       希望大家幫幫手!!!(我唔係想佢入d好叻既學校,我想佢入d校風比較好既學校,無咁易學壞咋)
pls help          

rclamlam

connie,

咁你第一志願及自行派位都揀廖寶珊啦, 第二志願揀梁省德啦, 第三及四就揀李城壁及姚連生, 其他既中學都係Band 3, 除左Band 1個4間之外.

8Gu

rclamlam 寫道:
connie,

咁你第一志願及自行派位都揀廖寶珊啦, 第二志願揀梁省德啦, 第三及四就揀李城壁及姚連生, 其他既中學都係Band 3, 除左Band 1個4間之外.

  
伍季明都有幾多學生入廖寶珊丫, 第一志願及自行派位都揀廖寶珊, 唔得扣門都有chance掛。d學生都會騎牛搵馬, 應該仲有d流失位添。

rclamlam

8Gu,

原來葵青區無得揀廖寶珊喎, 只有可風/李炳可以揀.

cj712644

Connie:

梁省德今年都係40個位.  轉左校長之後, 呢兩年開始校風嚴左, 成績好左.　　佢去年自行收生係　1:3

廖寶珊係  band 2 頭，怕你女讀得比較辛苦而且呢間會多人揀．　佢去年自行收生係　1:6

李成壁都有家長係佢地內聯網投訴佢地學校 wor....小心.

我建議你自行收生首撰梁省德穩陣ｄ．　

connie

bk真係好warm呀,唔該晒咁多位媽媽既分析!我都唔知點呀.
有無人知面試既形式係點,梁省德好似要in埋家長..
怕第一志願及自行揀廖寶珊既話,如果入唔到,咁第二志願梁省德既機會係咪小左呢,點算......好驚呀
我想問問如果第一志願有幾成可入到,係唔係第一志願就高d,第二志願就小d......??

咁大家又知唔知直資既學校有邊d係band2既呢?唔好香港區.

唔該晒咁多位靚靚媽媽

rclamlam

connie,

無話有幾多成入到第一志願架, 因為今年同去年既方法一樣, 先會將Band 1學生既30志願全部搞晒之後, 淨番落來既每間中學學位數目都唔同, 先會到Band 2成績既去搞, 亦要看你隨機編號前定後, 因為都會影響機會率, 我相信就算你第一志願揀左廖寶珊, 就算入唔到都仲有機會入到梁省德架, 你唔好咁擔心住.

cj712644

其實真係好睇你既隨機編號架...lucky draw 既野, 真係講采數.