對於面試收生準則有感

Lalaji

相信咁多位父母都曾有一種迷思，就係究竟啲幼稚園對一啲仲係咁細個嘅小朋友，用乜嘢收生準則去i㨂學生㗎呢？

我哋屋企有兩個小朋友，大嗰個已經經歷過pn同埋k1嘅面試。 而家幫細嗰個重新再經歷過pn嘅面試。

好老實講細嗰個因為屬於9月bb，其實面試都有啲蝕底，同大嗰個當年能力上，差幾遠吓。 心諗今次大鑊，分分鐘冇學校會收。 而喺實際面試時，佢嘅表現的確係比較差，冇反應，想走等。 雖然冇大嘅misbehaviour， 但係完全講唔上可以同老師交流到好多。

最後 結果係面試咗嘅4，5間幼稚園全部都收( 雖然以pm為主)。 以中簽率嚟講，畀當年大嗰個小朋友仲好。

呢個結果令我都幾肯定，pn面試嘅準則來講， 小朋友做唔做到指令 絕對唔係 佢哋收唔收你嘅 最重要 準則。 父母先係個面試嘅主角。 當然老師對於小朋友的 眼緣 都好緊要。

父母有乜嘢好睇？ 經歷咗咁多嘅面試 我個人認為如果 父母喺面試嘅途中表現得過份緊張或者麻麻煩煩 ，都會影響到老師嘅決定。例如相信大家都見到唔少家長喺面試嘅時候好緊張個小朋友做唔做到指令。係咁叫個小朋友講謝謝 ，迫個小朋友回應 老師等等。呢樣嘢都明嘅，尤其是係新手家長真係好驚個小朋友滿足唔到老師嘅要求。 但係你細心諗一諗老師們 最怕要 面對嘅往往都係家長， 如果佢未來嘅“clients” 好緊張，好麻煩。 你打份工都 知道會點做啦 。小朋友咁細個，個個都係可造之材，唔識教到識， 但係如果家長佢哋認為夾唔到嘅話 咁就好影響佢哋工作。

其實我打咁大篇嘢係想鼓勵下一啲新手家長，尤其是係有個細b嘅，你哋唔需要太過擔心你嘅小朋友， 畀太多壓力佢哋。 而家長本身都係自自然然就可以。 因為如果大家相信我頭先嘅分享嘅話，你見到你只要做返自己，其他嘅嘢你根本就控制唔到。

最後祝大家都可以搵到自己心儀嘅學校 共勉之。

ps 以上嘅分享只限於pn面試。k1嘅話我相信小朋友嘅能力多少都有關係

CarrieABC

回覆 Lalaji 的帖子

絕對認同係in 家長。
其實冇分大B細B, 我個仔大B in 名幼/出名嘅幼稚園都全部waiting , 有D in 得好好反而rejected。

In 小朋友禮唔禮貌、in 家長態度居多。

tummypooh

間間學校準則唔同啦。有啲睇小朋友（醒啲、可愛啲更有著數），睇家長（有啲可能鍾意家長投入啲，有啲可能希望家長唔好咁多意見），睇家境。

celinechan117

pn係睇家長。k1睇小朋友同家長。由其名幼