自傾小朋友的情緒問題

jadenhayden

其實佢嘅脾氣，一直都唔太好
最近仲嚴重左
稍微唔合心意就大吵大鬧，尖叫
我有時候覺得好辛苦....好乏力....
講極佢都唔明
食食下野，原先叉住或者見筷子夾住嘅食物因爲夾唔實而跌左落地，已經會大聲叫，仲要叫唔停！同佢講過，跌左食過第二舊，唔需要尖叫！但佢就唔明！
同佢出街，佢想買樣野，我拒絕唔買，又訓低喺地下......有理由就唔理人感受
然後同哥哥玩遊戲輸左又dum地dum不停
佢大肌差，走走下路跌親！又會好嬲大叫！叫佢下次小心啲慢慢走就得，佢就賴地下好曳！喊到儍左！
救命，我真的好辛苦.....
只要唔合心意就顛左一樣.....究竟我要點做，佢先會明......佢先會收斂佢嘅情緒
講又講過，同佢睇行為書都試過
佢就係無改善......
我絕望了

idak

我女之前情況差不多。心理學家教我，如佢跌咗嘢食落地，就同佢話媽媽知你好唔開心，知你好想食，即刻比乾淨你。
我女之前玩遊戲輸咗會發皮氣，有次我同佢鬥快落樓梯，我特登輸，跟住笑笑口話好嘢我輸咗，再解釋有佢同我玩，輸咗都唔緊要，下次有機會會贏。試多幾次後佢輸咗都無發皮氣。

Bridgetdarcy

jadenhayden 發表於 17-7-7 00:05
其實佢嘅脾氣，一直都唔太好
最近仲嚴重左
稍微唔合心意就大吵大鬧，尖叫

或許佢發脾氣時你先認同佢既感受, 而不去改變佢既感受。例如: 食物夾不到掉落了，可說: 媽媽知你好肚餓, 跌左食物好失望呀！我地再夾過就會食倒, 需要媽媽幫忙夾一啖先嗎？
跌在地上時可說: 你好勇敢既, 自己企起身就冇事, 係喎！有少少痛唔開心, 不過你好堅強既, 冇事既。我地做多d 運動, 下次跑得快又穩。
怕輸就示範比佢睇你輸左都一樣開心, 因為玩得開心輸左都唔緊要, 而且你好有毅力, 唔會咁易放棄, 下次一定有機會贏返。用最正面既說話幫佢面對所以負面既野, 慢慢佢就會控制得好。

taboba

jadenhayden 發表於 17-7-7 00:05
其實佢嘅脾氣，一直都唔太好
最近仲嚴重左
稍微唔合心意就大吵大鬧，尖叫

妳小朋友幾大呀? 有冇訓練呀? 同治療師或社工傾吓, 應該有辦法的.

chowqv

A仔，要重複示範，情緒如何表達。