【每日瞓幾多先夠？】睡眠不足難專注 , 礙記憶拖長

kkerichk

• 踏入一月，莘莘學子又要應付上學期的期末考試，忙做功課、忙溫書，隨時無覺好瞓。去年香港明愛青少年及社區服務的「小學生讀書壓力關注組」曾調查全港各區23間小學，向1,838名小五及六學生發問卷調查，結果顯示有近四成學童睡眠時間不足8小時，當中更有7.9%僅睡5小時或以下。睡眠不足導致沒有精神上課吸收知識，應付家課及溫習就更難集中精神，令做功課時間更長，睡眠時間更加不夠，形成惡性循環。有兒科醫生指出睡眠不足造成身心健康的損害，記憶力和脾氣變差，加劇學業和情緒問題。
• 
  
  

                                                                                                                                                                                                                                                                                  
                                                                                                                                                                                                                                                                                                                                                                                                                                                                                                                                         香港的學生每日趕功課、忙溫習，加上考試將至，家長及小朋友也相當緊張，更難有足夠及優質的睡眠，睡眠不足的問題在香港相當普遍，兒童體智及行為發展專科醫生林蕙芬指出，睡眠不足會嚴重影響腦部發展及學習能力，「很多人以為睡眠就是全身包括大腦休息，其實大腦仍在活躍中，將日間所學到的知識消化，記入大腦中，充足的睡眠有助大腦鞏固記憶，學習就更有效率。」

                                
                                                            
                                                                                                                                                                                                                                                                                                                                                                                                                                                                                                                                                                
                                                               
考試通宵溫習影響身心健康
林醫生強調很多家長也忽略充足睡眠的重要性，特別在近期考試臨近的日子，很多父母為了子女取得好成績，不惜犧牲他們的睡眠時間。「每逢考試期間求醫的個案也會增加，多是由於考試溫習而令睡眠不足，影響健康及情緒，曾經有一位小六女生，由媽媽帶來見我，她見到我就不停哭，後來知道媽媽因為怕她留級，要她通宵溫習，身體開始出現毛病，不時感到頭痛、肚痛，情緒也有問題，會經常哭。」林醫生指女生因睡眠不足，令身心出現問題，更有抑鬱症的症狀，幸好媽媽也知道問題所在，及早帶她求醫。
林醫生表示睡眠不足令記憶力變差，日間難以集中，令溫習時間更長，睡眠時間更加不夠，形成惡性循環，同時會引發情緒問題，長遠而言更影響腦部及身心健康，有機會出現高血壓、心臟病等病症。
                           
                                                                                                                                                                                                                                                                                                                                                                                         兒童體智及行為發展專科醫生林蕙芬。（林蕙芬醫生提供）                           
                           

little_yolky

kkerichk 發表於 17-1-6 10:43 踏入一月，莘莘學子又要應付上學期的期末考試，忙做功課、忙溫書，隨時無覺好瞓。去年香港明愛青少年及 ...

阿細要瞓11個鐘至夠, 我仲諗緊點解咁大個仲要瞓咁耐, 原來係正常架? 佢真係長年唔夠瞓, 日日瞓得8.5-9個鐘, 唔怪得成日集中唔到精神, 脾氣又臭。

S-Kwok

其實除咗大家認為功課多、温習多係因素之外，我覺得小學生8點就打鐘上堂，確實係早。
假設9點半上床，6點半起身，即使上床後可以即時入睡，其實都係得9個鐘瞓，真係唔係夠。

1998Ruby1998

訓覺時間因人而異，我自己出世到小學都冇午睡習慣，升小學前訓 11 個鐘，小學訓 8 個鐘就夠，依家訓 4－6 個小時就訓唔到自動起身。相反，朋友到依家 18 歲訓 13 個鐘先夠，所以佢成日上堂訓覺。

除左上學時間早，功課測驗多，時間長都係一個問題。朝 8 晚 3 ／4，留留長8 －9 個鐘，如果冇體育堂，返學有機會活動的時間可能連一個鐘都冇，咁樣好容易唔夠精神上堂，脾氣仲好差。所以凡事都要忍一忍，盡量唔好咁快扯火，覺得小朋友專登冇禮貌頂撞父母，可能真係唔夠訓躁底容易發脾氣。

Olympian

原帖由 little_yolky 於 17-01-06 發表
阿細要瞓11個鐘至夠, 我仲諗緊點解咁大個仲要瞓咁耐, 原來係正常架? 佢真係長年唔夠瞓, 日日瞓得8.5-9個鐘, ...

我個都唔夠9個鐘。訓唔到咁多喎...

little_yolky

S-Kwok 發表於 17-1-6 10:54
其實除咗大家認為功課多、温習多係因素之外，我覺得小學生8點就打鐘上堂，確實係早。
假設9點半上床，6點半 ...

家姐只需訓10個鐘, 小一時我堅持未溫好書都要8:00上床, 佢一上床5分鐘內必瞓, 6:00起身, 所以真係好好。
小二開始8:30瞓, 小三因為有阿妹呢隻魔怪加入小學大家庭, 搞到好多時9:00至有得瞓, 連家姐都瞓唔夠了, 今年仲周不時9:30至瞓。

不過, 如果第二日有測考默, 尤其係聆聽, 我會堅持8:30-8:45必須上床的。

聽家姐講, 佢班同學仔好多十點幾十一點至瞓, 有個同學考考下作文瞓著咗添

alicekeith

其實幼稚園/初小/高小小朋友，瞓幾多先比較好？

little_yolky

alicekeith 發表於 17-1-6 17:11
其實幼稚園/初小/高小小朋友，瞓幾多先比較好？

你睇佢哋放假時, 唔叫佢佢要瞓幾耐先醒, check多幾次個數據, 咪知小朋友要瞓幾耐至夠囉。

kkerichk

我囝囝今年小一 , 5:30am 就起身搭褓姆車返學 , 晚上就大約 9:00pm 瞓 . 感覺唔多夠 ... 不過如果放假的話 ... 會 6:00am 就自動自覺起身走來走去 ... 好精神咁 , 相差半小時左右 ...

CALVEN

我仔小五,10點瞓到七點半

brother4

個個小朋友不同，重要睡得好，咁上堂可留心，回家做功課溫習快，相反睡不好，上堂遊魂，回家倦冇心機做功課及温習，越拖越慢，家長又勞氣，成績又差，又要補習，最後小朋友冇心向學→子女同 家長關係差→→一家人都要看医生

littlelamma

kkerichk 發表於 17-1-6 10:43

踏入一月，莘莘學子又要應付上學期的期末考試，忙做功課、忙溫書，隨時無覺好瞓。去年香港明愛青少年及 ...

之前都聽過不少研究說孩子要多睡，我自己為他們選擇了家功課不多的學校，而且離家近，每天可睡9至10小時。